அக்வா லயன்ஸ் டி1 லைட் ஸ்மார்ட்போனை அறிமுகப்படுத்திய ஒரு மாதத்திற்கு பிறகு, இந்திய ஸ்மார்ட்போன் உற்பத்தியாளரான இன்டெக்ஸ் அதன் ஆக்வா லயன்ஸ் ஈ3 ஸ்மார்ட்போனை அறிமுகம் செய்துள்ளது.
இது நிறுவனத்திடம் இருந்து கிடைக்கும் மற்றொரு பாக்கெட்-நட்பு ஆண்ட்ராய்டு ஸ்மார்ட்போன் ஆகும். ரூ. 5,499/- என்கிற விலை நிர்ணயம் கொண்டுள்ள இக்கருவியானது ரிலையன்ஸ் ஜியோ மூலம் கிடைக்கும் ரூ.2,200/- கேஷ்பேக் வாய்ப்பின்கீழும் வாங்க கிடைக்கும். அதாவது சலுகைக்கு பின்னர் ரூ.3,299/-க்கு அணுக கிடைக்கும்.
நாடு முழுவதும் ஒரே ஒரு கருப்பு வண்ணத்தில் மட்டுமே கிடைக்கும் இந்த நுழைவு நிலைஸ்மார்ட்போனின் அம்சங்களை பொறுத்தமட்டில் - ஆக்வா லயன்ஸ் ஈ3 ஆனது 4ஜி வோல்ட் ஆதரவு, 5 அங்குல எச்டி டிஸ்பிளே, 1.3ஜிகாஹெர்ட்ஸ் க்வாட் கோர் ப்ராஸசர், 2ஜிபி ரேம் மற்றும் 16 ஜிபி அளவிலான உள்ளடக்க சேமிப்பு, மைக்ரோ எஸ்டி அட்டை வழியிலான மெமரி நீட்டிப்பு ஆதரவு, ஆண்ட்ராய்டு 7.0 இயங்குதளம் மற்றும் 2,500எம்ஏஎச் பேட்டரி ஆகியவைகளை கொண்டுள்ளது.
5 - 6 மணி நேர அழைப்பு நேரம் மற்றும் 7-8 நாட்கள் அளவிலான காத்திருப்பு நேரம் ஆகியவைகளை வழங்கும் இக்கருவியின் இமேஜிங் துறையை பொறுத்தமட்டில், எல்இடி ஃப்ளாஷ் கொண்ட 8 மெகாபிக்சல் பின்புற கேமரா மற்றும் பேஸ் டிடெக்ஷன், பர்ஸ்ட் மோட் மற்றும் பனோரமா போன்ற அம்சங்களைக் கொண்ட 5- மெகாபிக்சல் செல்பீ கேமரா ஆகியவைகளை கொண்டுள்ளது.
