Infinix Hot 10 இந்தியாவில் வரும் அக்டோபர் 4ல் அறிமுகமா? விலை என்னவாக இருக்கும்?

இன்பினிக்ஸ் ஹாட் 10 ஸ்மார்ட்போன்

இன்பினிக்ஸ் நிறுவனத்தின் புதிய இன்பினிக்ஸ் ஹாட் 10 ஸ்மார்ட்போன் மாடல் பாகிஸ்தானில் அறிமுகம் செய்யப்பட்டுள்ளது.இந்த சாதனம் மூன்று வேரியண்ட் மாடல்களில் அறிமுகம் செய்யப்பட்டுள்ளது. இதன் 4 ஜிபி ரேம் மற்றும் 64 ஜிபி வேரியண்ட் தோராயமாக ரூ .9,302 என்ற விலையில் அறிமுகம் செய்யப்பட்டுள்ளது. இதன் 4ஜிபி ரேம் மற்றும் 128 ஜிபி வேரியண்ட் தோராயமாக ரூ. 10,631 என்ற விலையில் வருகிறது.

ஹை-வேரியண்ட் விலை என்ன?

இன்பினிக்ஸ் ஹாட் 10 ஸ்மார்ட்போன் மாடலின் 6ஜிபி ரேம் மற்றும் 128 ஜிபி ஸ்டோரேஜ் வேரியண்ட் மாடல் தோராயமாக வெறும் ரூ. 11,517 என்ற விலையில் அறிமுகம் செய்யப்பட்டுள்ளது. இப்போதைக்கு, எந்த வேரியண்ட்டும் இந்தியாவில் அறிமுகப்படுத்தப்படும் என்பது சரியாக தெரியவில்லை. ஸ்மார்ட்போன் அப்சிடியன் பிளாக், மூன்லைட் ஜேட், ப்ளூ மற்றும் பர்பில் கலர் விருப்பங்களில் வருகிறது.

இன்பினிக்ஸ் ஹாட் 10 விவரக்குறிப்புகள் மற்றும் அம்சங்கள்

இன்பினிக்ஸ் ஹாட் 10 மீடியாடெக் ஹீலியோ ஜி 70 ஆல் இயக்கப்படும், மேலும் 720x1640 பிக்சல்கள் தீர்மானம் கொண்ட 6.78' இன்ச் எச்டி பிளஸ் டிஸ்பிளேயுடன், பஞ்ச்-ஹோல் நாட்ச் வடிவமைப்பைக் கொண்டுள்ளது. இந்த ஸ்மார்ட்போனில் 16 மெகாபிக்சல் முதன்மை சென்சார், இரண்டு 2 மெகாபிக்சல் சென்சார்கள் மற்றும் AI லென்ஸின் கலவையுடன் குவாட் கேமரா அமைப்பு கொடுக்கப்பட்டுள்ளது. முன்பக்கத்தில், 8 மெகாபிக்சல் சென்சார் வைக்கப்பட்டுள்ளது.

ஃபேஸ் அன்லாக் கூட உண்டா?

அண்ட்ராய்டு 10 இயங்குதளத்துடன் கூட எக்ஸ்ஓஎஸ் 7 மூலம் ஹாட் 10 இயங்குகிறது, இதில் மைக்ரோ-யூ.எஸ்.பி போர்ட் வழியாக 10W சார்ஜிங் ஆதரவுடன், 5200 எம்ஏஎச் பேட்டரி கொடுக்கப்பட்டுள்ளது. பின்புறம் கைரேகை சென்சார், ஃபேஸ் அன்லாக் ஆதரிக்கிறது. வைஃபை, 4 ஜி, ஜி.பி.எஸ், புளூடூத், 3.5 மிமீ ஆடியோ ஜாக் ஆகியவற்றுடன் அறிமுகம் செய்யப்பட்டுள்ளது. இந்தியாவில் வரும் 4ம் தேதி நிறுவனம் களமிறக்கும் என்று தெரிவிக்கப்பட்டுள்ளது.