ஆசையை கிளப்பும் இந்திய விலை நிர்ணயம்.. ஆகஸ்ட் 11 முதல் விற்பனை.. Samsung-ன் புதிய ஃபோல்ட் 5, ஃபிளிப் 5!

சாம்சங் (Samsung) நிறுவனத்தின் லேட்டஸ்ட் ஸ்மார்ட்போன்களாக கேலக்ஸி இசட் ஃபோல்ட் 5 மற்றும் கேலக்ஸி இசட் ஃபிளிப் 5 அறிமுகம் செய்யப்பட்டுள்ளன. எதிர்பார்த்தபடியே இவ்விரு ஸ்மார்ட்போன்களும் நேற்று (ஜூலை 26) தென் கொரியாவில் நடந்த கேலக்ஸி அன்பேக்டு நிகழ்வின் போது அறிமுகம் செய்யப்பட்டன.

தற்போது இவ்விரு ஸ்மார்ட்போன்களின் இந்திய விலை நிர்ணயம் என்ன? கேலக்ஸி இசட் ஃபோல்ட் 5 (Galaxy Z Fold 5) மற்றும் கேலக்ஸி இசட் ஃபிளிப் 5 (Galaxy Z Flip 5) ஆகிய இரண்டும் எப்போது முதல் விற்பனைக்கு வரும்? என்கிற விவரங்களை சாம்சங் நிறுவனம் அதிகாரப்பூர்வமாக அறிவித்துள்ளது.

கேலக்ஸி இசட் ஃபோல்ட் 5 இந்திய விலை நிர்ணயம்: 12ஜிபி ரேம் உடன் வரும் இந்த ஸ்மார்ட்போன் மொத்தம் 3 வகையான இன்டர்னல் ஸ்டோரேஜ் ஆப்ஷன்களின் கீழ் அறிமுகம் செய்யப்பட்டுள்ளது. 256ஜிபி வேரியண்ட்டின் விலை ரூ.1,54,999 என்றும், 512ஜிபி வேரியண்ட்டின் விலை ரூ.1,64,999 என்றும், 1டிபி வேரியண்ட்டின் விலை ரூ.1,84,999 என்றும் நிர்ணயம் செய்யப்பட்டுள்ளது

கேலக்ஸி இசட் ஃபிளிப் 5 இந்திய விலை நிர்ணயம்: 8ஜிபி ரேம் உடன் வரும் இந்த ஸ்மார்ட்போன் மொத்தம் 2 வகையான இன்டர்னல் ஸ்டோரேஜ் ஆப்ஷன்களின் கீழ் அறிமுகம் செய்யப்பட்டுள்ளது. 256ஜிபி வேரியண்ட்டின் விலை ரூ.99,999 என்றும், 512ஜிபிவேரியண்ட்டின் விலை ரூ.1,09,999 என்றும் நிர்ணயம் செய்யப்பட்டுள்ளது.

பல்வேறு வகையான கலர் ஆப்ஷன்களின் கீழ் அறிமுகம் செய்யப்பட்டுள்ள இவ்விரு சாம்சங் ஸ்மார்ட்போன்களின் ப்ரீ-ஆர்டர்களும் - ஜூலை 26 முதல் - ஏற்கனவே தொடங்கி விட்டன. சாம்சங் நிறுவனத்தின் கூற்றுப்படி இவ்விரு ஸ்மார்ட்போன்களுமே வருகிற ஆகஸ்ட் 11 ஆம் தேதி இந்தியாவில் விற்பனைக்கு வரும்.

கேலக்ஸி இசட் ஃபோல்ட் 5, கேலக்ஸி இசட் ஃபிளிப் 5 முக்கிய அம்சங்கள்: கேலக்ஸி இசட் ஃபோல்ட் 5 ஸ்மார்ட்போனின் மெயின் டிஸ்பிளே 7.6-இன்ச் QXGA+ (2176 x 1812 பிக்சல்ஸ்) டைனமிக் AMOLED 2X இன்ஃபினிட்டி ஃப்ளெக்ஸ் பேனலுடன் வருகிறது; அவுட்டர் ஸ்க்ரீன் ஆனது 6.2-இன்ச் ஃபுல் எச்டி+ டிஸ்பிளேவாக உள்ளது.

மறுகையில் உள்ள கேலக்ஸி இசட் ஃப்ளிப் 5 ஸ்மார்ட்போன் ஆனது 6.7-இன்ச் ஃபுல் எச்டி+ (1080 x 2640 பிக்சல்ஸ்) டைனமிக் AMOLED 2X இன்ஃபினிட்டி ஃப்ளெக்ஸ் டிஸ்பிளேவை கொண்டுள்ளது. இதனுடன் 3.4-இன்ச் சூப்பர் AMOLED ஃபோல்டர் ஷேப்டு கவர் டிஸ்பிளேவை கொண்டுள்ளது. இந்த இரண்டு போன்களுமே கேலக்ஸிக்கான கஸ்டம் ஆக்டா கோர் குவால்காம் ஸ்னாப்டிராகன் 8 ஜென் 2 சிப்செட் மூலம் இயக்கப்படுகிறது.

மறுகையில் உள்ள கேலக்ஸி இசட் ஃப்ளிப் 5 ஸ்மார்ட்போன் ஆனது 6.7-இன்ச் ஃபுல் எச்டி+ (1080 x 2640 பிக்சல்ஸ்) டைனமிக் AMOLED 2X இன்ஃபினிட்டி ஃப்ளெக்ஸ் டிஸ்பிளேவை கொண்டுள்ளது. இதனுடன் 3.4-இன்ச் சூப்பர் AMOLED ஃபோல்டர் ஷேப்டு கவர் டிஸ்பிளேவை கொண்டுள்ளது. இந்த இரண்டு போன்களுமே கேலக்ஸிக்கான கஸ்டம் ஆக்டா கோர் குவால்காம் ஸ்னாப்டிராகன் 8 ஜென் 2 சிப்செட் மூலம் இயக்கப்படுகிறது.

கேலக்ஸி இசட் ஃபோல்ட் 5 ஆனது 12ஜிபி ரேம் உடன் 1டிபி வரையிலான இன்டர்னல் ஸ்டோரேஜுடன் வருகிறது. மறுகையில் உள்ள கேலக்ஸி இசட் ஃபிளிப் 5 ஆனது 8ஜிபி ரேம் உடன் 512ஜிபி வரையிலான இன்டர்னல் ஸ்டோரேஜுடன் வருகிறது. மேலும் இவ்விரு ஸ்மார்ட்போன்களுமே ஆண்ட்ராய்டு 13 ஓஎஸ் அடிப்படையிலான ஒன்யுஐ 5.1.1 (அவுட்-ஆஃப்-தி-பாக்ஸ்) மூலம் இயங்குகின்றன.

கேமராக்களை பொறுத்தவரை, கேலக்ஸி இசட் ஃபோல்ட் 5 ஆனது ட்ரிபிள் ரியர் கேமரா யூனிட்டை கொண்டுள்ளது. அதில் வைட்-ஆங்கிள் லென்ஸுடன் 50 மெகாபிக்சல் சென்சார் + அல்ட்ரா-வைட்-ஆங்கிள் லென்ஸுடன் கூடிய 12 மெகாபிக்சல் சென்சார் + டெலிஃபோட்டோ லென்ஸை கொண்ட 10 மெகாபிக்சல் சென்சார் உள்ளன

இதுதவிர்த்து கேலக்ஸி இசட் ஃபோல்ட் 5 ஸ்மார்ட்போனின் அவுட்டர் டிஸ்பிளேவின் மேற்புறத்தில் உள்ள பஞ்ச்-ஹோல் ஸ்லாட்டில் செல்பீக்கள் மற்றும் வீடியோ கால்களுக்கான 10-மெகாபிக்சல் சென்சார் உள்ளது. அதுமட்டுமல்ல கேலக்ஸி இசட் ஃபோல்ட் 5-ன் இன்னர் பேனலின் கீழே 4-மெகாபிக்சல் அண்டர் டிஸ்பிளே கேமரா ஒன்றும் உள்ளது.

மறுகையில் உள்ள கேலக்ஸி இசட் ஃபிளிப் 5 ஆனது டூயல் 12 மெகாபிக்சல் ரியர் கேமரா சென்சார்களை கொண்டுள்ளது மற்றும் 10 மெகாபிக்சல் செல்பீ கேமராவையும் கொண்டுள்ளது. பேட்டரியை பொறுத்தவரை, கேலக்ஸி இசட் ஃபோல்ட் 5 ஆனது 25W வயர்டு, ஃபாஸ்ட் வயர்லெஸ் சார்ஜிங் 2.0 மற்றும் வயர்லெஸ் பவர்ஷேர் ஆதரவுடன் 4,400எம்ஏஎச் பேட்டரியை கொண்டுள்ளது.

மறுகையில் உள்ள சாம்சங் கேலக்ஸி இசட் ஃபிளிப் 5 ஆனது கேலக்ஸி இசட் ஃபோல்ட் 5-இல் உள்ள அதே சார்ஜிங் திறன்களுடன், அதாவது 25W வயர்டு, ஃபாஸ்ட் வயர்லெஸ் சார்ஜிங் 2.0 மற்றும் வயர்லெஸ் பவர்ஷேர் ஆதரவுடன் வருகிறது. ஆனால் சற்றே சிறிய 3,700எம்ஏஎச் பேட்டரியை பேக் செய்கிறது.