அதிக பேட்டரி பேக்கப்பை கொடுக்கும் ஐபிஎஸ்-261 என்ற புதிய பட்ஜெட் மொபைலை வெளிட்டிருக்கிறது ஐபால் நிறுவனம்.

ஐபிஎஸ்-261 மொபைல் டியூவல் சிம் கார்டு நெட்வொர்கிற்கு ஒரே நேரத்தில் சப்போர்ட் செய்கிறது.

ஐந்து மணி நேரமோ, 6 மணி நேரமோ அல்ல, ஒரு முறை சார்ஜ் செய்தாலே 18 மணி நேரம் டாக் டம் வழங்குகிறது.

எத்தனை தொழில் நுட்பம் இருந்தாலும் மொபைல்களின் முக்கிய பயன்பாடே மற்றவர்களை எளிதாக தொடர்பு கொள்வது தான்.

அதற்கு பேட்டரி மிகவும் அவசியம். அந்த அவசியத்தைப் புரிந்து கொண்ட ஐபால் நிறுவனம் ஐபிஎஸ் மொபைல் மூலம் நீண்ட நேரம் பேசுவதற்கு சப்போர்ட் செய்யும் பேட்டரியை கொடுத்திருக்கிறது.

டச் மற்றும் டைப் வசதி கொண்ட ஐபால் ஐபிஎஸ்-261 மொபைல் 2.6 இஞ்ச் எல்சிடி திரை தொழில் நுட்பம் கொண்டது. இந்த திரை எதையும் தெளிவாகக் காட்டும் தன்மை கொண்டது.

ஐபிஎஸ்-261 மொபைலில் புகைப்படம் மற்றும் வீடியோ வசதியினைப் பெற இதில் 2 மெகா பிக்ஸல் கேமரா பொருத்தப்பட்டுள்ளது.

அது மட்டும் அல்லாது இதில் 0.3 செகன்டரி கேமராவும் இதில் உள்ளது. இந்த இரண்டு மொபைல்களுமே கிட்டத்தட்ட ஒரே மாதிரியான கேமரா வசதியினைக் கொண்டது.

ஐபால் ஐபிஎஸ் மொபைலுக்கு முன்பே வெளிவந்த பி-261 மொபைல் 2,300 எம்ஏஎச் பேட்டரியை கொண்டுள்ளது.

இந்த பேட்டரியின் மூலம் 40 மணி நேரம் பேக் அப் டைம் கொடுக்கிறது. இங்கு கூறப்பட்டுள்ள இரண்டு மொபைல்களிலுமே 16ஜிபி வரை எக்ஸ்டர்னல் மெமரி கார்டு வசதியினை கொடுக்கிறது.

இந்த ஐபால் ஐபிஎஸ்-261 மொபைல் ரூ.3,599 விலையில் கிடைக்கும். இதைவிட குறைந்த விலையில் பி-261 மொபைலை வாடிக்கையாளர்கள் பெற முடியும். பி-261 மொபைலின் விலை ரூ.2,999. மட்டுமே.