ஸ்மார்ட்போன் சந்தையை அதிர வைத்த டூயல் லெய்கா லென்ஸ்.!!

ஹூவாய்

ஹூவாய் சார்பில் வெளியான கருவி தான் பி9 . அந்நிறுவனத்தின் பிளாக்ஷிப் கருவியான இது இந்திய சந்தையில் ரூ.39,999 என்ற விலைக்கு விற்பனை செய்யப்படுகின்றது. அழகிய வடிவமைப்பு, தலைசிறந்த அம்சங்கள் அனைத்தும் வழங்கப்பட்ட நிலையிலும் கேமரா எனும் ஒற்றை அம்சம் கொண்டு மற்ற நிறுவனங்களைத் திகைப்பில் ஆழ்த்தியுள்ளது.

டூயல்-கேமரா

டூயல்-கேமரா செட்டப் கொண்டிருக்கும் ஹூவாய் பி9 அதிக துல்லியம் கொண்ட புகைப்படங்களை வழங்குகின்றது. கேமரா அம்சத்திற்குக் கூடுதல் பலம் சேர்க்கும் விதமாக அமைந்துள்ளது லெய்கா லென்ஸ் எனலாம். கேமரா உபகரண தயாரிப்பில் முன்னணி நிறுவனமான லெய்கா ஹூவாய் பி9 கேமராவின் பக்கபலமாக இருக்கின்றது.

லெய்கா

பி9 கருவியைப் பொருத்த வரை ஹூவாய் லெய்கா நிறுவனத்துடன் இணைந்து அதிக தரம் கொண்ட கேமராவினை வழங்கியுள்ளது. லெய்கா கேமரா கொண்டிருக்கும் ஹூவாய் பி9 அனைவரையும் கவர்ந்துள்ளது.

கேமரா

கேமராவை பொருத்த வரை ஹூவாய் பி9 கருவியில் 12 எம்பி பிரைமரி கேமரா, 1.25 மைக்ரான் பிக்சல் கொண்ட லெய்கா SUMMARIT லென்ஸ் வழங்கியுள்ளது. இதன் மூலம் துல்லியமான புகைப்படங்களை எடுக்க முடியும். டூயல் கேமரா கொண்ட பி9 கேமராவில் ஒன்று டெப்த் ஆஃப் ஃபீல்டு சென்சார் கொண்டுள்ளது. இதனால் குறிப்பிட்ட இடத்தைத் தேர்வு செய்து அதனினை மட்டும் துல்லியமாக காட்ட முடியும்.

பொக்கே எஃபெக்ட்

வித்தியாசமான புகைப்படங்களை எடுக்கும் போது ஃபோகஸ் பாயிண்ட்களில் மாற்றங்களைச் செய்ய முடியும். இதோடு விலை உயர்ந்த கேமராக்களில் மட்டுமே கிடைக்கும் பொக்கே எஃபெக்ட் போன்றவற்றையும் பெற முடியும்.