Huawei நோவா லைட் 3 பிளஸ் ஸ்மார்ட்போன் அறிமுகம்! விலை என்ன?

ஹுவாய் நோவா லைட் 3 பிளஸ்

ஹுவாய் நோவா லைட் 3 பிளஸ் ஸ்மார்ட்போன், 6.40' இன்ச் கொண்ட முழு எச்டி ஐபிஎஸ் உடன் கூடிய 2340 x 1080 பிக்சல்கள் தீர்மானம் கொண்ட டிஸ்ப்ளேயுடன் வருகிறது. இந்த புதிய ஸ்மார்ட்போன் ஆக்டா கோர் கிரின் 710 எஃப் SoC ஆல் இயக்கப்படுகிறது, அதோடு 4 ஜிபி ரேம் மற்றும் 128 ஜிபி ஸ்டோரேஜ் வேரியண்ட் மாடலாக அறிமுகம் செய்யப்பட்டுள்ளது. இதில் கூடுதல் ஸ்டோரேஜ் அம்சத்திற்காக பிரத்தியேக மைக்ரோ எஸ்டி கார்டு ஸ்லாட் சேவையும் வழங்கப்பட்டுள்ளது.

ஹுவாய் நோவா லைட் 3 பிளஸ் சிறப்பம்சம்

ஹுவாய் நோவா லைட் 3 பிளஸ் ஸ்மார்ட்போன், அண்ட்ராய்டு 9.0 பை இணக்கத்துடன் கூடிய EMUI 9.1 இயங்குதளத்துடன் இயக்குகிறது. இதில் Google பயன்பாடுகளுக்கான ஆதரவும் கொடுக்கப்பட்டுள்ளது. புதிய ஹுவாய் நோவா லைட் 3 பிளஸ் ஸ்மார்ட்போன், 10W சார்ஜிங்கிற்கான ஆதரவுடன் 3,400mAh பேட்டரியுடன் தற்பொழுது அறிமுகம் செய்யப்பட்டுள்ளது. ஸ்மார்ட்போனின் பின்புறத்தில் பிங்கர் பிரிண்ட் சென்சாரும் கொடுக்கப்பட்டுள்ளது.

ஹுவாய் நோவா லைட் 3 பிளஸ் கேமரா

கேமரா அம்சத்தைப் பொறுத்தவரை, புதிய ஹுவாய் நோவா லைட் 3 பிளஸ் ஸ்மார்ட்போனில், 13 மெகா பிக்சல் கொண்ட ஒரு பிரைமரி கேமரா மற்றும் 2 மெகா பிக்சல் கொண்ட டெப்த் சென்சார் கொண்ட டூயல் ரியர் கேமரா அமைப்பை கொண்டுள்ளது. ஹுவாய் நோவா லைட் 3 பிளஸ் ஸ்மார்ட்போனின் முன்பக்கத்தில், 8 மெகா பிக்சல் கொண்ட செல்ஃபி கேமரா வாட்டர் டிராப் நாட்ச் டிஸ்பிளேயுடன் வழங்கப்பட்டுள்ளது.

ஹுவாய் நோவா லைட் 3 பிளஸ் இணைப்பு

ஹுவாய் நோவா லைட் 3 பிளஸ் ஸ்மார்ட்போன், இணைப்பு விருப்பங்களைப் பொறுத்தவரையில் 4ஜி வோல்டிஇ, வைஃபை, புளூடூத் V4.2, ஜிபிஎஸ், மைக்ரோ யுஎஸ்பி போர்ட், என்எப்சி மற்றும் 3.5 மிமீ ஹெட்போன் ஜாக் ஆகியவை அடங்கும். இந்த புதிய ஸ்மார்ட்போனின் விலை 24,800 யென் என்ற விலையில் 4 ஜிபி ரேம் மற்றும் 128 ஜிபி ஸ்டோரேஜ் வேரியண்டில் அறிமுகம் செய்யப்பட்டுள்ளது.

ஹுவாய் நோவா லைட் 3 பிளஸ் விலை

ஹுவாய் நோவா லைட் 3 பிளஸ் ஸ்மார்ட்போன் இந்திய விலை என்னவாக இருக்கும் என்ற உங்களுடைய கேள்விக்கான பதில் இதோ, இந்திய மதிப்பில் இதன் விலை சுமார் ரூ. 17,400 ஆகும். நோவா லைட் 3 பிளஸ் அரோரா ப்ளூ மற்றும் மிட்நைட் பிளாக் வண்ணங்களில் வருகிறது.