அட்டகாச வடிவமைப்பில் அறிமுகமாகும் ஹூவாய் நோவா 7 எஸ்இ- முழு விவரங்கள்!

ஹூவாய் நோவா 7 எஸ்இ

ஹூவாய் நோவா 7 எஸ்இயின் புதிய பதிப்பு அக்டோபர் 16 ஆம் தேதி வெளியிடப்படும் என அறிவிக்கப்பட்டுள்ளது. வெய்போவில் உள்ள பயனரிடமிருந்து இந்த தகவல் பெறப்பட்டது. ஸ்மார்ட்போனின் வடிவமைப்பை வெளிப்படுத்தும் போஸ்ட்கள் முன்னதாக பகிரப்பட்டது. இதன்மூலம் ஹூவாய் நோவா 7 எஸ்.இ.யின் புதிய பதிப்பு முன்னதாக வெளியான வடிவமைப்புக்கு ஒத்ததாகவே இருக்கும் என எதிர்பார்க்கப்படுகிறது.

குவாட் கேமரா அமைப்பு

ஹூவாய் நோவா 7 எஸ்இ பின்புறத்தில் செங்குத்தாக பொருத்தப்பட்ட குவாட் கேமரா அமைப்பு மற்றும் பஞ்ச்-ஹோல் வடிவமைப்புடன் வருகிறது. வெளியான டீசர்களில் கிடைத்த தகவல்படி நோவா 7 எஸ்இ 64 மெகாபிக்சல் முதன்மை சென்சார் கேமரா இருக்கும் என்றும் 40வாட் சூப்பர்சார்ஜ் ஆதரவுடன் 5ஜி ஸ்மார்ட்போனாக இருக்கும் என்றும் தெரிகிறது.

ஹூவாய் நோவா 7 எஸ்இ: எதிர்பார்க்கப்படும் அம்சங்கள்

ஹூவாய் நோவா 7 எஸ்இயின் புதிய பதிப்பு மீடியா டெக் டைமன்ஷன் 800 யூ எஸ்ஓசி செயலி மூலம் இயக்கப்படுகிறது. ஹவாய் நோவா எஸ்.இ. வைட்டலிட்டி பதிப்பு ஒரே ஒரு ஒரே சேமிப்பு வேரியண்டில் கிடைக்கும். அதாவது புதிய ஸ்மார்ட்போன் 8 ஜிபி ரேம் மற்றும் 128 ஜிபி சேமிப்பகத்துடன் வருகிறது.

வாட்ஸ்அப் படங்கள், வீடியோக்கள் போன் மெமரியில் தானாக நிரம்புவதை நிறுத்துவது எப்படி?

முழு எச்டி+ தெளிவுத்திறன்

இந்த ஸ்மார்ட்போனில் 6.5 அங்குல எல்சிடி பேனலைக் கொண்டுள்ளது. இதில் முழு எச்டி+ தெளிவுத்திறன், பாதுகாப்பு அம்சத்திற்கு ஸ்மார்ட்போன் ஒரு பக்கத்தில் பொருத்தப்பட்ட கைரேகை சென்சார் உடன் வருகிறது. ஸ்மார்ட்போன் மேற்புற ஓரத்தில் சிறிய துளை கொண்ட கேமரா உள்ளது. இது 16 மெகாபிக்சல் செல்பி கேமரா ஆகும். பின்புறத்தில் 64 மெகாபிக்சல் முதன்மை கேமரா, 8 மெகாபிக்சல் இரண்டாம் நிலை கேமரா, 2 மெகாபிக்சல் மேக்ரோ லென்ஸ் மற்றும் 2 மெகாபிக்சல் ஆழ சென்சார் கொண்டுள்ளது.

40W சூப்பர்சார்ஜிங் அம்சம்

இதில் 40W சூப்பர்சார்ஜிங் தொழில்நுட்பம் இருக்கிறது என்றும் தெரிவிக்கப்படுகிறது. அதிகாரப்பூர்வ விலை குறித்த எந்த தகவலும் இல்லை என்றாலும் இது 2,399 யுவான் (சுமார் ரூ.26,100) விற்பனை செய்யும் என்று தெரிவிக்கப்படுகிறது.