புதிய ஹுவெய் எம்-660 ஸ்மார்ட்போன்!

பல மொபைல்களையும், ஸ்மார்ட்போன்களையும் மக்கள் விரும்பிய வண்ணம் களமிறக்கி வருகிறது ஹுவெய் நிறுவனம். எம்-660 என்ற புதிய ஸ்மார்ட்போனை அறிமுகம் செய்துள்ளது. 3.2 இஞ்ச் அகன்ற திரை வசதியினை கொடுக்கும் இந்த ஸ்மார்ட்போன் எம்-660 கியூவர்டி கீப்பேடில் ஒரு கம்பீரமான தோற்றத்தில் மிளிரும்.

320 X 480 பிக்ஸல் திரை துல்லியத்தினை தரும் இந்த ஸ்மார்ட்போன் கூகுள் ஆன்ட்ராய்டு 2.3.6 ஓஎஸ் இயங்குதளத்தில் இயங்கும் என்று எதிர்பார்க்கப்படுகிறது. 32 ஜிபி வரை மெமரி வசதியினை விரிவுபடுத்தி கொள்ள உதவும் மைக்ரோஎஸ்டி ஸ்லாட் கொண்ட இந்த ஸ்மார்ட்போன் வைபை வசதியினை வழங்குவதிலும் படு சுட்டி என்று

தான் சொல்ல வேண்டும். ஆம்! இந்த ஸ்மார்ட்போனில் எளிதாக வைபை வசதி தொழில் நுட்பத்தினை பெறலாம். சிறப்பான பேட்டரி பேக்கப் கொண்ட இந்த ஸ்மார்ட்போன் வருகிற மே மாதம் வெளியாகும் என்று தகவல்கள் கூறுகின்றன.

இதனால் இந்த ஸ்மார்ட்போன் கூடிய விரைவில் வாடிக்கையாளர்களை திருப்திப்படுத்தும் என்று நம்பலாம். இன்னும் அதிகார பூர்வமாக அறிவிக்கப்படாத இந்த ஸ்மார்ட்போன் பற்றி அதிக விவரங்கள் வெளியாகவில்லை. கூடிய விரைவில் இந்த ஸ்மார்ட்போன் பற்றி முழுவிவரங்களையும் பெறலாம்.