முரட்டு டிமாண்ட்.. மறுபடியும் ஆபர் விலையில் விற்பனை.. ரூ.19999 இல்ல ரூ.12499 க்கு.. 6000mAh புது HMD 5ஜி போன்!

நோக்கியா (NOKIA) பிராண்டட் ஸ்மார்ட்போன்களை தயாரிக்கும் உரிமத்தை கொண்டுள்ள எச்எம்டி க்ளோபல் (HMD Global) நிறுவனமானது, கடந்த மே மாத இறுதியில், இந்திய சந்தையில் எச்எம்டி வைப் 2 5ஜி (HMD Vibe 2 5G) என்கிற புதிய பட்ஜெட்-விலை ஸ்மார்ட்போனை அறிமுகம் செய்திருந்தது. அதை தொடர்ந்து மே 26 நடந்த முதல் விற்பனையில் அமோக வரவேற்பை பெற்று அவுட் ஆப் ஸ்டாக்கும் (Out of stock) ஆனது.

தற்போது இது ஜூன் 3 ஆம் தேதி மதியம் 12 மணிக்கு பிளிப்கார்ட் வழியாக மீண்டும் விற்பனைக்கு வரும் என்று அறிவிக்கப்பட்டுள்ளது. இதுகுறித்த பிளிப்கார்ட் பேனரின்படி எச்எம்டி வைப் 2 5ஜி ஸ்மார்ட்போன் ஆனது அதன் எம்ஆர்பி விலையான ரூ.19,999 க்கு பதிலாக ரூ.12,499 என்கிற ஸ்பெஷல் ஆபர் விலையில் (Special Offer Price) வாங்க கிடைக்கும்.

நினைவூட்டும் வண்ணம், இந்தியாவில், எச்எம்டி வைப் 2 5ஜி ஸ்மார்ட்போனின் பேஸிக் 4ஜிபி ரேம் + 64ஜிபி இன்டர்னல் ஸ்டோரேஜ் வேரியன்ட்டின் விலை ரூ.10,999 க்கும் ஹை-எண்ட் 4ஜிபி ரேம் + 128ஜிபி இன்டர்னல் ஸ்டோரேஜ் வேரியன்ட் ரூ.11,999 க்கும் அறிமுகமானது. இவைகள் அறிமுக ஆபர் விலையாகும். ஆனால் இந்த விலை இனி கிடையாது. இனி ஆரம்ப விலை ரூ.12,499 ஆகவே இருக்கும் என்பது போல் தெரிகிறது.

ஆர்வமுள்ள வாடிக்கையாளர்கள் எச்எம்டி வைப் 2 5ஜி ஸ்மார்ட்போனின் காஸ்மிக் லாவெண்டர், நார்டிக் ப்ளூ மற்றும் பீச் பிங்க் ஆகிய 3 கலர் ஆப்ஷன்களில் - ஜூன் 3 ஆம் தேதி மதியும் 12 மணி முதல் பிளிப்கார்ட் வழியாக வாங்கலாம்.

எச்எம்டி வைப் 2 5ஜி ஸ்மார்ட்போனின் விரிவான அம்சங்கள்: டூயல் சிம் (நானோ + நானோ) ஆதரவு உடன் வரும் எச்எம்டி வைப் 2 5ஜி ஸ்மார்ட்போன் ஆனது, ஆண்ட்ராய்டு 16 ஓஎஸ்-ல் இயங்குகிறது. டிஸ்பிளேவை பொறுத்தவரை இது 265ppi பிக்சல் டென்சிட்டி மற்றும் 120Hz ரெஃப்ரெஷ் ரேட் கொண்ட 6.7-இன்ச் எச்டி பிளஸ் (720×1,600 பிக்சல்கள்) டிஸ்பிளேவை கொண்டுள்ளது.

சிப்செட்டை பொறுத்தவரை, இது 2.3GHz வரை கிளாக் செய்யப்பட்ட ஆக்டா-கோர் யூனிசாக் பிராசஸரில் இயங்குகிறது. இந்த ஸ்மார்ட்போனில் ஸ்டாண்டர்டாக 4ஜிபி ரேம் மற்றும் 128ஜிபி வரையிலான இன்டர்னல் ஸ்டோரேஜ் வசதியும் உள்ளது. கேமராக்களை பொறுத்தவரை, எச்எம்டி வைப் 2 5ஜி ஸ்மார்ட்போன் ஆனது ஏஐ (AI) ஆதரவு கொண்ட ரியர் கேமரா யூனிட் உள்ளது.

அதில் எல்இடி (LED) ஃபிளாஷ் வசதியுடன் கூடிய 50-மெகாபிக்சல் ப்ரைமரி கேமரா உள்ளது. செல்பீக்கள் மற்றும் வீடியோ கால்களுக்காக, இந்த ஸ்மார்ட்போனில் 8-மெகாபிக்சல் செல்பீ கேமரா உள்ளது. எச்எம்டி-யின் இந்த புதிய ஸ்மார்ட்போன் தூசி மற்றும் நீர் தெறிப்புகளை தாங்கும் ஐபி64 ரேட்டிங்கையும் கொண்டுள்ளது.

கனெக்டிவிட்டி ஆப்ஷன்களை பொறுத்தவரை, எச்எம்டி வைப் 2 5ஜி ஸ்மார்ட்போனில், ப்ளூடூத் 5.0, வைஃபை 5 மற்றும் ஒரு யுஎஸ்பி டைப்-சி போர்ட் ஆகியவைகள் உள்ளன. மேலும், இதில் ஆக்சிலரோமீட்டர், ப்ராக்ஸிமிட்டி சென்சார் மற்றும் ஆம்பியன்ட் லைட் சென்சார் போன்ற சென்சார்களும் பொருத்தப்பட்டுள்ளன. கூடவே பக்கவாட்டில் பொருத்தப்பட்ட ஃபிங்கர் பிரிண்ட் ஸ்கேனரும் உள்ளது.

பேட்டரியை பொறுத்தவரை, எச்எம்டி வைப் 2 5ஜி ஸ்மார்ட்போனில் 6000mAh பேட்டரி உள்ளது, இது 18W ஃபாஸ்ட் சார்ஜிங்கை ஆதரிக்கிறது (இதற்கான சார்ஜர் பாக்ஸில் சேர்க்கப்பட்டு உ ள்ளது). கடைசியாக, அளவீட்டில் இந்த ஸ்மார்ட்போன் 168×77.7×8.6 மிமீ உள்ளது மற்றும் எடையில் 210 கிராம் உள்ளது.