கூகுள் பிக்சல் 4 சீரிஸ் ஸ்மார்ட்போன்கள் பற்றிய அதிகாரப்பூர்வ தகவல்!

கூகுள் நிறுவனத்தின், கூகிள் பிக்சல் ஸ்மார்ட்போன்கள் ஐபோனிற்கு போட்டியாக களமிறக்கப்பட்டு வருகிறது. தற்பொழுது கூகுளின் அடுத்த தலைமுறை பிக்சல் ஸ்மார்ட்போன் மாடலான பிக்சல் 4 மற்றும் பிக்சல் 4 எக்ஸ்எல் மாடல்கள் அறிமுகம் செய்யப்பட்டுள்ளது.

கடந்த இரண்டு வாரங்களில் ஏராளமான லீக்கள் வலைத்தளத்தில் கசிந்தது. அதனைத் தொடர்ந்து தற்பொழுது அதிகாரப்பூர்வமாகக் கூகுள் பிக்சல் 4 மற்றும் கூகுள் பிக்சல் 4 எக்ஸ்எல் ஸ்மார்ட்போனின் தகவல்கள் வலைத்தளத்தில் வெளியிடப்பட்டுள்ளது.

பிக்சல் 4 சீரிஸ் ஸ்மார்ட்போன்களின் வடிவமைப்பு அடிப்படையில் விதிவிலக்கான எதையும் வழங்கப்போவதில்லை. பெரிதாக எந்த ஒரு மாற்றத்தையும் அந்நிறுவனம் செய்திடவில்லை. மாறாக, இது மெலிதான டிஸைனுடன் மற்றும் குறுகிய பெசல்லெஸ் வடிவமைப்புடன் அறிமுகம் செய்யப்படும் என்று எதிர்பார்க்கப்படுகிறது.

குறிப்பிடத்தக்க வகையில் கூகுள் பிக்சல் 4 சீரிஸ் ஸ்மார்ட்போன்களின் பெசல்லெஸ் வடிவமைப்பு 3 பக்கங்களில் மட்டும் வழங்கப்பட்டுள்ளது. மேற்புறத்தில் தடிமனான பெசல்கள் வழங்கப்பட்டுள்ளது. இந்த தோற்றம் பிரைமரி சொல்லி ரேடார் திட்டத்தின் கீழ் கொண்டுள்ள மோஷன் சென்சரோ சைகை செயல்திறனுடம் உருவாக்கப்பட்டுள்ளது.

கூகிள் பிக்சல் 4 மற்றும் பிக்சல் 4 எக்ஸ்எல் ஆகிய இரண்டு ஸ்மார்ட்போன்கலும் அக்டோபர் 15, 2019 அன்று நியூயார்க்கில் அறிமுகம் செய்யப்படவுள்ளது. இரண்டு புதிய ஸ்மார்ட்போன்களும் "கிளியர்லி வைட்", "ஜஸ்ட் பிளாக்" மற்றும் "ஓ சோ ஆரஞ்சு" நிறங்களில் வெளியிடப்படும் என்று அறிவிக்கப்பட்டுள்ளது.