ஆரம்பமே அதிரடி தான் போங்க.! ப்ளிப்கார்ட்டின் முதல் ஸ்மார்ட்போன்.!

என்ன ஸ்மார்ட்போன்.? என்ன பெயர்.?

பில்லியன் கேப்ட்சர் ப்ளஸ் ஸ்மார்ட்போனிற்கான ஒரு பிரத்யேக பக்கத்தினை வெளிப்படுத்தியுள்ள ப்ளிப்கார்ட் நிறுவனம், அதன் வழியாக அதன் ஸ்மார்ட்போனின் சில முக்கிய அம்சங்களையும் உறுதிப்படுத்தியுள்ளது. பில்லியம் - ப்ளிப்கார்ட் நிறுவனத்தின் சுய-பிராண்ட் நிறுவனமாகும்.

பில்லியன் பிராண்ட் எதன் கீழ் இயங்குகிறது.?

இந்த பில்லியன் நிறுவனத்தின் கீழ் தான் ப்ளிப்கார்ட், அதன் பல்வேறு தயாரிப்புகளை குறிப்பாக இந்திய சந்தைக்காக தயாரிக்கப்பட்ட பொருட்களை விற்பனை செய்யும் என்பதும், கூறப்படும் பில்லியன் கேப்ட்சர் ப்ளஸ் தான் நிறுவனத்தின் முதல் ஸ்மார்ட்போன் என்பதும் குறிப்பிடத்தக்கது.

பிரதான அம்சம் என்ன.?

வருகிற நவம்பர் 15-ஆம் தேதி அறிமுகமாகவுள்ள பில்லியன் கேப்ட்சர் ப்ளஸ் ஸ்மார்ட்போன் ஆனது டூயல் டோன் எல்இடி ப்ளாஷ் கொண்ட இரட்டை கேமரா அம்சத்தினை கொண்டுவரும் என்பது உறுதிப்படுத்தப்பட்டுள்ளது. அறிமுகமான அன்றே இக்கருவி ப்ளிப்கார்ட் வலைதளத்தில் விற்பனைக்கும் வரவுள்ளது.

வேறென்ன கேமரா அம்சங்கள்.?

மேலும் வெளியான டீஸரின்படி சில உறுதிசெய்யப்பட்ட கேமரா அம்சங்ககளையும் அறிய முடிகிறது. பில்லியன் கேப்ட்சர் ப்ளஸ் ஸ்மார்ட்போனின் கேமராவில் பொக்கே விளைவு மற்றும் 'சூப்பர் நைட்' மோட் இடம்பெறுகின்றன.x

பாஸ்ட் சார்ஜிங் ஆதரவு கொண்டுள்ளதா.?

மேலும் இந்த புதிய ஸ்மார்ட்போன், அதன் பாஸ்ட் சார்ஜிங் ஆதரவையும் வெளிப்படுத்தியுள்ளது. வரம்பற்ற க்ளவுட் ஸ்டோரேஜ் கொண்டிருக்குமென எதிர்பார்க்கப்படும் இக்கருவியின் வெளியீட்டின் போது, அதுசார்ந்த அதிக விவரங்களை எதிர்பார்க்கலாம்.

வடிவமைப்பு மற்றும் ஓஎஸ்.?m

ப்ளிப்கார்ட்டின் இந்த பில்லியன் கேப்ட்சர் ப்ளஸ் ஸ்மார்ட்போன் ஆனது ஒரு முழுமையான எச்டி டிஸ்ப்ளே மற்றும் வட்ட முனைகள் கொண்ட வடிவமைப்பு உடன் ஆண்ட்ராய்டு நௌவ்கட் ஆகிய அம்சங்களையும் கொண்டிருக்கலாம்.

விற்பனைக்கு பிந்தைய சர்வீஸ் பணிகள்.?

மேலும் வெளியீட்டு நாளில் இக்கருவியுடன் இணைக்கப்பட்ட சலுகைகள் வெளிப்படுத்தப்படும் என்று பிலிப்கார்ட் அறிவித்துள்ளது. ஆன்லைன் சில்லறை விற்பனையாளரான ப்ளிப்கார்ட் அதன் பில்லியன் பிராண்டின் விற்பனைக்கு பிந்தைய சர்வீஸ் பணிகளையும்னை தொடந்து சிறப்பான முறையில் செய்து வருகிறது. நிறுவனத்தின்படி, இந்தியா முழுவதும் 125 நகரங்களில் 130 சேவை மையங்கள் உள்ளன.