தரமான சிப்செட் வசதியுடன் வெளிவரும் ரெட்மி 10 ஸ்மார்ட்போன்.! விலை இவ்வளவு தானா?

வெளிவந்த தகவலின்படி, ரெட்மி 10 ஸ்மார்ட்போன் ஆனது மீடியாடெக் ஹீலியோ ஜி88 சிப்செட் வசதியைக் கொண்டுள்ளது எனத்
தெரிவிக்கப்பட்டுள்ளது. இந்த புதிய சிப்செட் வசதியை பயன்படுத்துவதற்கு மிகவும் அருமையாக இருக்கும் என்று கூறப்படுகிறது.
மேலும் ஆண்ட்ராய்டு 11 இயங்குதளத்தை அடிப்படையாக கொண்டு இந்த புதிய ரெட்மி 10 ஸ்மார்ட்போன் வெளிவரும் என்று
தெரிவிக்கப்பட்டுள்ளது.

இந்த புதிய ரெட்மி 10 ஸ்மார்ட்போனில் 6.5-இன்ச் எஃப்எச்டி பிளஸ் டிஸ்பிளே வசதி உள்ளதாக கூறப்படுகிறது. மேலும்90 ஹெர்ட்ஸ் ரெஃப்ரெஷ் ரேட்,450 நிட்ஸ் ப்ரைட்னஸ், கார்னிங் கொரில்லா கிளாஸ் 3 பாதுகாப்பு வசதியுடன் வெளிவரும் என்று தெரிவிக்கப்பட்டுள்ளது. மேலும் இந்த சாதனத்தின் வடிவமைப்பு மிகவும் அருமையாக இருக்கும் என அந்நிறுவனம் சார்பில் தெரிவிக்கப்பட்டுள்ளது.

ரெட்மி 10 ஸ்மார்ட்போனின் பின்புறம் 50எம்பி பிரைமரி கேமரா + 8எம்பி அல்ட்ரா வைடு கேமரா + 2எம்பி டெப்த் சென்சார் + 2எம்பி மேக்ரோ லென்ஸ் என மொத்தம் நான்கு கேமராக்கள் பொருத்தப்பட்டுள்ளன. மேலும் செல்பீகளுக்கும், வீடியோகால் அழைப்புகளுக்கும் என்றே 8எம்பி
செல்பீ கேமரா ஆதரவுடன் வெளிவரும் என்று தெரிவிக்கப்பட்டுள்ளது.

இந்த புதிய ரெட்மி 10 ஸ்மார்ட்போனில் அனைத்து அம்சங்களும் அருமையாக உள்ளது, ஆனால் இது 5ஜி ஸ்மார்ட்போன் கிடையாது.அதாவது 4ஜி வோல்ட்இ ஆதரவுடன் வெளிவரும் என்று கூறப்படுகிறது. குறிப்பாக 4ஜி வோல்ட்இ, வைஃபை, ப்ளூடூத் 5.0, ஜிபிஎஸ், ஐஆர் பிளாஸ்டர்,
யூஎஸ்பி டைப்-சி போர்ட் மற்றும் 3.5 மிமீ ஹெட்போன் ஜாக் உள்ளிட்ட பல்வேறு இணைப்பு ஆதரவுகளை கொண்டுள்ளது இந்த புதிய சாதனம்.

ரெட்மி 10 ஸ்மார்ட்போன் ஆனது 5000 எம்ஏஎச் பேட்டரி ஆதரவுடன் வெளிவரும். மேலும் 18 வாட் பாஸ்ட் சார்ஜிங் ஆதரவு, கைரேகை ஸ்கேனர் உள்ளிட்ட பல சிறப்பு அம்சங்களை கொண்டுள்ளது இந்த ரெட்மி 10 ஸ்மார்ட்போன் மாடல். குறிப்பாக இந்த சாதனம் முதல்முறையாகதாய்லாந்தில் அறிமுகப்படுத்தப்படும் என்றும், அதன்பின்பு தான் இந்தியாவில் அறிமுகம் செய்யப்படும் என்று கூறப்படுகிறது.

புதிய ரெட்மி 10 ஸமார்ட்போன் ஆனது 6ஜிபி ரேம் மற்றும் 128ஜிபி உள்ளடக்க மெமரி ஆதரவுடன் வெளிவரும். பின்பு கூடுதலாக மெமரி நீட்டிப்பு ஆதரவு கொண்டுள்ளது இந்த சாதனம். அதாவது நீங்கள் மெமரி கார்டை பயன்படுத்த ஒரு ஸ்லாட் வழங்கப்படும். அதேபோல் இந்த சாதனம் ரூ.13,000 அல்லது ரூ.14000 விலையில் அறிமுகம் செய்யப்பட வாய்ப்பு உள்ளது.