டெல் வென்யூ ப்ரோ போனுக்கு புதிய விண்டோஸ் அப்டேட்!

Posted By: Staff
டெல் வென்யூ ப்ரோ போனுக்கு புதிய விண்டோஸ் அப்டேட்!
லேப்டாப், கம்ப்யூட்டர்களுக்கு புதிய வெர்ஷன் சாப்ட்வேர்களை அப்டேட் செய்யும் காலம் மாறி தற்போது ஸ்மார்ட்போன்களுக்கும் சாப்ட்வேர்களை அப்டேட் செய்யும் நிலைமை வந்துவிட்டது.

ஏனெனில், தொலைதொடர்பு, பொழுதுபோக்கு மட்டுமின்றி, கம்ப்யூட்டர் பணிகளில் பாதியை ஸ்மார்ட்போன்களிலேயே செய்துவிட முடிகிறது.

எனவே, ஸ்மார்ட்போன்களில் புதிய வெர்ஷன் சாப்ட்வேர் என்பது தவிர்க்க முடியாததாகி விட்டது. இந்த வகையில், டெல் நிறுவனம் தனது வென்யூ ப்ரோ விண்டோஸ் போனுக்கு புதிய வெர்ஷன் விண்டோஸ் போன் 7.5 வெர்ஷன் சாப்ட்வேர் அப்டேட் வசதியை அறிவித்துள்ளது.

இந்த தற்போது விண்டோஸ் போன் மேங்கோ ஆப்பரேட்டிங் சிஸ்டத்தை கொண்டிருக்கிறது. ஏற்கனவே, டெல் வென்யூ ப்ரோ போன் வைத்திருப்பவர்களும் புதிய விண்டோஸ் ஆப்பரேட்டிங் சிஸ்டத்தை அப்டேட் செய்து கொள்ளலாம் என்று தெரிவிக்கப்பட்டுள்ளது.

இந்த புதிய அப்டேட் மூலம் மல்டிமீடியா பிளேயர்,லைவ் மியூசிக் உள்ளிட்ட பல்வேறு வசதிகளை பெற முடியும் என்று தெரிவிக்கப்பட்டுள்ளது

ஸ்லைடர் வசதி கொண்ட இந்த டெல் வென்யூ ப்ரோ 4.1 இஞ்ச் திரையை கொண்டிருக்கிறது. இந்த ஸ்மார்ட்போனில் எல்இடி ப்ளாஷ் வசதி கொண்ட 5 மெகா பிக்ஸல் கேமராவையும், 8 ஜிபி சேமிப்பு திறனையும் கொண்டிருக்கிறது.

மேலும், இது தோற்றத்தில்  டெல் வென்யூ ஆன்ட்ராய்டு போனை ஒத்திருக்கிறது. இந்த ஸ்மார்ட்போன் ரூ.30,000 விலையில் இந்தியாவில் விற்பனை செய்யப்படுகிறது.

Please Wait while comments are loading...

சமூக வலைதளம்