சக்திவாய்ந்த கேமிங் ஸ்மார்ட்போன்: பிளாக் ஷார்க் 4 ப்ரோ விரைவில்!

பிளாக் ஷார்க் ஸ்மார்ட்போன்

பிளாக் ஷார்க் ஸ்மார்ட்போன்கள் சிறந்த கேமிங் சாதனங்களில் ஒன்றாக அறிமுகம் செய்ய உள்ளது. கேமிங் ஸ்மார்ட்போன்கள் சந்தையில் ஆதிக்கம் செலுத்தும் சமீபத்திய ஸ்மார்ட்போனாக பிளாக் ஷார்க் 4 இருக்கும். பிளாக் ஷார்க் 4 ப்ரோ கூகுள் ப்ளே கன்சோல் பட்டியலில் பென்ரோஸ் என்ற புனைப்பெயருடன் குறிப்பிடப்பட்டுள்ளது.

பிளாக் ஷார்க் 4 ப்ரோ ஸ்மார்ட்போன்

கடந்த மாதமே கூகுள் ப்ளே கன்சோலில் பிளாக் ஷார்க் 4 ஸ்மார்ட்போன் காணப்பட்டது. இந்த ஸ்மார்ட்போன் கைசர் என்ற குறியீட்டு பெயரிலும் பட்டியலில் காணப்படுகிறது. பிளாக் ஷார்க் 4 ப்ரோ ஸ்மார்ட்போன் இரண்டு வகைகளில் வரும் எனவும் விரைவில் அறிமுகம் செய்யப்படும் எனவும் தகவல்கள் தெரிவிக்கிறது.

ஸ்னாப்டிராகன் 865 சிப்செட் வசதி

இதுகுறித்த தகவல்களின்படி, பிளாக் ஷார்க் 4 ப்ரோ ஸ்மார்ட்போன் ஸ்னாப்டிராகன் 865 சிப்செட் வசதியுடன் இயக்கப்படும் என கூறப்படுகிறது. இந்த மாடல் ஸ்மார்ட்போன் ஸ்னாப்டிராகன் 835 எஸ்ஓசி மூலம் இயக்கப்படும் என தெரிவிக்கப்படுகிறது.

பிளாக் ஷார்க் 4 சீரிஸ் சமீபத்திய ஸ்னாப்டிராகன் 888 எஸ்ஓசி மூலம் இயக்கப்படும் எனவும் முன்னதாக வெளியான அறிக்கைகள் கூறுகின்றன. இதுகுறித்த விவரங்கள் வரும்நாட்களில் தெளிவுப்படுத்தப்படும் என தகவல்கள் தெரிவிக்கிறது. மேலும் ஷார்க் 4 ப்ரோ ஸ்மார்ட்போன் 12 ஜிபி ரேம் மற்றும் ஆண்ட்ராய்டு 10 ஓஎஸ் உடன் இயக்கப்படும் எனவும் கூறப்படுகிறது.

பிளாக் ஷார்க் 4 ப்ரோ ஸ்மார்ட்போனில் எதிர்பார்க்கப்படும் அம்சங்கள் குறித்து பார்க்கையில் இது பஞ்ச் ஹோல் கட்அவுட் டிஸ்ப்ளேவுடன் வரும் எனவும் 1080 x 2400 பிக்சல்கள் FHD + தெளிவுத்திறனுடன் வரும் எனவும் கூறப்படுகிறது. இந்த ஸ்மார்ட்போனின் கன்ட்ரோல் பட்டன்கள் இடதுபக்கத்தில் வழங்கப்படும் என கூறப்படுகிறது.

அதிவேக சார்ஜிங் ஸ்மார்ட்போன்

பிளாக் ஷார்க் 4 ப்ரோ ஸ்மார்ட்போன் கேமரா அம்சங்கள் குறித்த தகவல்கள் இதுவரை வெளியாகவில்லை. மேலும் இது அதிவேக சார்ஜிங் ஸ்மார்ட்போனாக வெளியிடப்படும் என தகவல்கள் கசிந்துள்ளன. இந்த ஸ்மார்ட்போன் குறித்த அதிகாரப்பூர்வ தகவல் விரைவில் வெளியாகும் என எதிர்பார்க்கப்படுகிறது.