ஐபோன் 12 மினி உற்பத்தி நிறுத்தம்? காரணம் இதுதான்.!

அதாவது ஐபோன் 12 மினி தவிர மற்ற அனைத்து மாடல்களுக்கும் நல்ல வரவேற்பு கிடைப்பதாக கூறப்படுகிறது. பின்பு ஐபோன் 12 மினி விற்பனையில் எதிர்பார்க்கப்பட்ட இலக்கை எட்டவில்லை என ஆய்வு நிறுவனங்கள் சார்பில் வெளியிடப்பட்டு இருக்கும் தகவல்களில் தெரிவிக்கப்பட்டு
உள்ளது.

மேலும் இதுபற்றி ஜே.பி. மோர்கன் சேஸ் சப்ளை செயின் ஆய்வாளர் ஆன வில்லியம் யாங் கூறுகையில், ஐபோன் 12 மினி உற்பத்தி 2021 இரண்டாவது காலாண்டு வாக்கில் நிறுத்தப்படலாம். குறிப்பாக உற்பத்தி நிறுத்தப்பட்டாலும்,இந்த மாடலின் விற்பனை சில காலங்கள்வரை நடைபெறும் என்று கூறப்படுகிறது.

வெளிவந்த தகவலின்படி, ஐபோன் 12 மினி உற்பத்தி சுமார் ஒரு கோடி யூனிட்கள் வரை நிறுத்தப்படலாம் என தெரிகிறது. மேலும் இந்த ஐபோன் 12 மினி மாடலானது 5.4-இன்ச் அளவிலான சூப்பர் ரெட்டினா எக்ஸ்டிஆர் டிஸ்ப்ளேவை கொண்டுள்ளது. பின்பு 2340x1080 பிக்சல்கள் தீர்மானம்மற்றும் 476 பிபி பிக்சல் அடர்த்தியுடன் இந்த சாதனம் வெளிவந்தது.

ஆப்பிள் ஏ14 பயோனிக் சிப்செட் மூலம் இயங்கும் ஐபோன் 12 மினி மாடலானது 64ஜிபி, 128ஜிபி, 256ஜிப ஸ்டோரேஜ் வகைகளில் கிடைக்கிறது. மேலும் இது iOS 14-இன் சமீபத்திய மென்பொருளை இயக்குகிறது என்பது குறிப்பிடத்தக்கது.

ஐபோன் 13 மாடல்

அதேபோல்ஆப்பிள் நிறுவனம் 2021-ம் ஆண்டு செப்டம்பரில் புதிய ஐபோன் 13 மாடல்களை அறிமுகம் செய்யும் என தகவல் வெளிவந்துள்ளது. ஆனால் ஐபோன் 12 தொடரில் ஏற்பட்டது போல் (கோவிட்-19 லாக்டவுன் விளைவாக ஐபோன் 12 தொடர் கிட்டத்தட்ட ஒரு மாதம் தாமதமாக அறிமுகமாகின) இந்த ஆண்டு அறிமுகத்தில் எந்த விதமான தாமதமும் ஏற்படாது என்று கூறப்பட்டுள்ளது.

வெளிவந்த தகவலின்படி, ஐபோன் 13 தொடரின் கீழ் 4 மாடல்கள் வெளியாகும் என்று கூறப்படுகிறது. அந்த 4 மாடல்களின் பெயர்களை பொறுத்தவரை, ஐபோனி 13, ஐபோன் 13 மினி, ஐபோன் 13 ப்ரோ, ஐபோன் 13 ப்ரோ மேக்ஸ் என்று கூறப்பட்டுள்ளது.