ஆண்ட்ராய்டு 8.0 ஓ : உங்கள் மொபைலை எப்போது வந்தடையும்.?

எந்தெந்த சாதனங்கள் முதலில் பெறும்.??

உலகின் மாபெரும் தேடல்பொறி நிறுவனமான கூகுள், அதன் ஆண்ட்ராய்டு 8.0 ஓ வெளியீட்டு தேதியை இன்னும் வெளிப்படுத்தவில்லை. ஆனால் வெளியான அறிக்கைகள் அது ஆகஸ்ட் முதல் வாரத்தில் அல்லது குறைந்தபட்சம் மாதத்தின் முதல் பாதியில் நடக்கலாம் என்று கூறுகின்றன. அப்படி வெளியாகும் பட்சத்தில் எந்தெந்த சாதனங்களில் முதலில் ஆண்ட்ராய்டு ஓ என்ற புதிய ஃப்ரிம்வேரை பெறும்.?

கூகுள்

எந்தவொரு ஒரிஜினல் எக்யூப்மென்ட் மெனுபேக்டர்களும் (OEM), அதாவது அசல் கருவி உற்பத்தியாளர்களும் ஆண்ட்ராய்டு 8.0 ஓ மேம்படுத்தல் அட்டவணையை வெளிப்படுத்தவில்லை என்கிற போதிலும் இது முதலில் கூகுள் பிக்சல் மற்றும் பிக்சல் எக்ஸ்எல், நெக்சஸ் 5எக்ஸ், நெக்ஸஸ் 6பி, பிக்சல் சி மற்றும் நெக்ஸஸ் பிளேயர் ஆகிய கருவிகளில் இடம்பெறலாம்.

ஒன்ப்ளஸ்

சீன ஸ்மார்ட்போன் உற்பத்தியாளரான ஒன்ப்ளஸ் அதன் ஒன்ப்ளஸ் 3, ஒன்ப்ளஸ் 3டி மற்றும் தற்போதைய தலைமை சாதனமான ஒன்ப்ளஸ் 5 ஆகியவைகளில் ஆண்ட்ராய்டு 8.0 ஓ மேம்படுத்தல் பெறும் என்பதை உறுதிப்படுத்தியுள்ளது. இந்த ஆண்டு இறுதிக்குள் புதிய ஓஎஸ் உருட்டல் துவங்கும் என்றும் அறிவித்துள்ளது.

நோக்கியா

நோக்கியா 3, நோக்கியா 5 மற்றும் நோக்கியா 6 ஆகிய புதிய ஸ்மார்ட்போன்களில் ஆண்ட்ராய்டு 8.0 ஓ மேம்படுத்தல் கிடைக்கும் என்று எச்எம்டி க்ளோபல் அறிவித்துள்ளது. இருப்பினும், அப்டேட் சார்ந்த எந் தேதியையும் நிறுவனம் இதுவரை வெளிப்படுத்தவில்லை.

எல்ஜி

எல்ஜி நிறுவனத்தை பொறுத்தமட்டில் அதன் வரவிருக்கும் எல்ஜி வி 30 ஆனது ஆண்ட்ராய்டு 8.0 ஓ இயங்குதளம் கொண்டு வெளியிடப்பட்ட முதல் சாதனமாக இருக்கக்கூடும். இதில் எல்ஜி ஜி 6, எல்ஜி வி 20 மற்றும் எல்ஜி ஜி 5 ஆகிய கருவிகளும் அடங்கும். எல்ஜி ஜி 6 மற்றும் எல்ஜி வி 20 ஆகிய கருவிகளில் அப்டேட்தனை இந்த ஆண்டு இறுதிக்குள் பெறலாம், ஆனால் எல்ஜி ஜி5-க்கு அடுத்த 2018-இல் தான் வரக்கூடும்.

எச்டிசி மற்றும் சோனி

இது தவிர்த்து, பிற மொபைல் போன் நிறுவனங்களான எச்டிசி மற்றும் சோனி ஸ்மார்ட்போன்களிலும் இந்த அப்டேட் நிகழும். அதாவது முறையே எச்டிசி யூ11, எச்டிசி10 மற்றும் சோனி எக்ஸ்பீரியா எக்ஸ்இசெட் பிரீமியம் ஆகிய கருவிகளில் இந்த ஆண்டின் இறுதியில் மென்பொருள் புதுப்பிப்பு எதிர்பார்க்கப்படுகிறது.

சாம்சங்

சாம்சங் நிறுவனத்தை பொறுத்தமட்டில் அதன் பிளாக்ஷிப் கருவிகளில் அப்டேட் கிடைக்கும் என்பது தெளிவாக உள்ளது. துரதிருஷ்டவசமாக, சாம்சங் நிறுவனம் கடந்த காலத்தில் அதன் சாதனங்களுக்கு ஓஎஸ் புதுப்பிப்புகளை கொண்டு வரவில்லை, அந்த போக்கு தொடரலாம் என்பதும் குறிப்பிடத்தக்கது. இருப்பினும் கேலக்ஸி எஸ்6 மற்றும் கேலக்ஸி எஸ்8+ ஆகிய சாதனங்களில் 2018-ஆம் ஆண்டின் துவக்கத்தில் அப்டேட்களை பெறலாம். 2016-ஆம் ஆண்டில், கேலக்ஸி எஸ்7 மற்றும் கேலக்ஸி எஸ்7 எட்ஜ், கேலக்ஸி எஸ்6, கேலக்ஸி எஸ்6 எட்ஜ் மற்றும் கேலக்ஸி எஸ்6 எட்ஜ் ப்ளஸ், கேலக்ஸி ஏ, சி மற்றும் ஜே தொடரின் பிரபலமான சாதனங்களும் இந்த புதிய இயங்குதளத்தை பெறலாம்.