12+12எம்பி டூயல் ரியர் கேம் உட்பட நோக்கியாவின் ஆஹா ஓஹோ அம்சங்கள்.!

நமது எதிர்பார்ப்புகள் அனைத்தும் நோக்கியா 9 மீது குவியும் அதே சமயம் நோக்கியா 9 சார்ந்த தகவல்களும் அவ்வப்போது வெளிவந்த வண்ணம் உள்ளது.

By Muthuraj

Published: Friday, November 3, 2017, 16:39 [IST]

நோக்கியா பிராண்ட் கருவிகளை தயாரிக்கும் உரிமம் பெற்றுள்ள எச்எம்டி க்ளோபல் நிறுவனமானது நோக்கியா 2, நோக்கியா 7 மற்றும் நோக்கியா 9 ஆகிய ஸ்மார்ட்போன்களை அடுத்த ஆண்டு தொடக்கத்தில் அறிமுகம் செய்யுமென எதிர்பார்க்கப்படுகிறது.

12+12எம்பி டூயல் ரியர் கேம் உட்பட நோக்கியாவின் ஆஹா ஓஹோ அம்சங்கள்.!

இந்தியா உள்ளிட்ட உலகளாவிய ரீதியில் நோக்கியா 2 ஸ்மார்ட்போன் அறிவிக்கப்பட்ட மறுகையில், நோக்கியா 7 ஆனது சீனாவில் அறிமுகப்படுத்தப்பட்டுள்ளது. ஆக நமது எதிர்பார்ப்புகள் அனைத்தும் நோக்கியா 9 மீது குவியும் அதே சமயம் நோக்கியா 9 சார்ந்த தகவல்களும் அவ்வப்போது வெளிவந்த வண்ணம் உள்ளது.

மாதிரி எண் டிஏ-1054

தற்போது, நோக்கியா பவர்யூசர் வழியாக வெளியாகியுள்ள ஒரு புத்தம் புதிய தகவலின் கீழ், ஒரு புதிய நோக்கியா ஸ்மார்ட்போன் ஆனது சீனாவில் கட்டாய சான்றிதழ் ஒன்றை பெற்றுள்ளதாக வெளிப்படுத்துகிறது. டிஏ-1041 மற்றும் டிஏ-1042 என்ற மாதிரி எண்களுக்கு பிறகு சான்றிதழைப் பெற்றுள்ள மாதிரி எண் டிஏ-1054 என்ற புதிய எச்எம்டி க்ளோபல் நிறுவன சாதனமானது நிச்சயமான நோக்கியா 9 ஸ்மார்ட்போனாக இருக்க அதிக வாய்ப்புள்ளது.

வரவிருக்கும் நோக்கியா 9 தான்

ஏனெனில் சமீபத்தில் வெளியான நோக்கியா 7 ஆனது டிஏ-1041 என்ற பெயரில் காணப்பட்டது, ஆனால் டிஏ-1042 என்ற பெயரில் காணப்பட்ட கருவி பற்றிய விவரங்கள் இல்லை. ஒருவேளை அது நோக்கியா 7 ஸ்மார்ட்போனின் மற்றொரு மாறுபாடாக இருக்க முடியும். இதிலிருந்து டிஏ-1054 என்பது வரவிருக்கும் நோக்கியா 9 தான் என்பது தெளிவாகிறது.

5.5 இன்ச் க்யூஎச்டி பெஸல்லெஸ் டிஸ்பிளே

இதுவரை வெளியான கசிவுகளை அடிப்படையாக கொண்டு பார்க்கும்போது, நோக்கியா 9 ஆனது ஒரு 5.5 இன்ச் க்யூஎச்டி பெஸல்லெஸ் டிஸ்பிளே கொண்டிருக்கலாம் மற்றும் அது 1440x2560 பிக்சல்கள் என்ற அளவிலான தீர்மானம் கொண்டிருக்கலாம்.

6 அல்லது 8 ஜிபி

தவிர இந்த சாதனம் ஸ்னாப்டிராகன் 835 செயலி மூலம் இயக்கப்படலாமென எதிர்பார்க்கப்படுகிறது மற்றும் ஆண்ட்ராய்டு 8.0 ஓரியோ இயக்க முறைமையும் இடம்பெறலாம். கூடுதலாக, இந்த சாதனம் 64ஜிபி அல்லது 128ஜிபி என்ற உள்ளடக்க சேமிப்புடன் கூடிய 6 அல்லது 8 ஜிபி அளவிலான ரேம் உடன் வெளிவரலாம்.

இரண்டு 12 மெகாபிக்சல் இரட்டை கார்ல்- செய்ஸ் பின்புற கேமரா

மேலும் இந்த ஸ்மார்ட்போன் க்வால்காம் பாஸ்ட் சார்ஜ் ஆதரவுடனான ஒரு 3800எம்ஏஎச் பேட்டரி மூலம் சக்தியூட்டப்படலாம். கேமராத்துறையை பொறுத்தமட்டில், இரண்டு 12 மெகாபிக்சல் இரட்டை கார்ல்- செய்ஸ் பின்புற கேமரா மற்றும் செல்பீக்களுக்கான ஒரு 12 மெகாபிக்சல் முன்பக்கம் எதிர்கொள்ளும் கேமரா கொண்டிருக்கலாம்.

ஐரிஸ் ஸ்கேனர்

இந்த ஸ்மார்ட்போனில் ஒரு கைரேகை ஸ்கேனர் இல்லையென்றாலும், ஐரிஸ் ஸ்கேனரைக் கொண்டிருக்குமென எதிர்பார்க்கப்படுகிறது. மேலும், நோக்கியா 9 ஆனது நீர் மற்றும் தூசி எதிர்ப்பிற்கான ஐபி68 சான்றிதழைக் கொண்டிருக்கும்.

நோக்கியா 7

இதற்கிடையில், தற்போது இந்தியாவில் நோக்கியா 7 ஸ்மார்ட்போனை அறிமுகப்படுத்தும் திட்டம் நிறுவவனத்திடம் இல்லை என்று கூறப்படுகிறது. "நோக்கியா 7 ஆனது சீன நுகர்வோர்களுக்காக வடிவமைக்கப்பட்டுள்ளது, எனவே தற்போது இந்தியாவுக்கு கொண்டு வர எந்த திட்டமும் இல்லை" என்று எச்எம்டி க்ளோபல் நிறுவனத்தின் தலைமை மார்க்கெட்டிங் அதிகாரி பெக்கா ராண்டலா தெரிவிதுள்ளது இங்கு குறிப்பிடத்தக்கது.