Related Articles
பட்ஜெட் ஸ்மார்ட்போன்களை களமிறக்கி வரும் ஆல்கடெல் நிறுவனத்தின் அடுத்த வெளியீட்டு பட்டியலில் ஒரு லோ-எண்ட் ஸ்மார்ட்போன் காணப்பட்டுள்ளது. இதற்கு முன்னர் வெளியான ஆல்கடெல் 1எக்ஸ் ஸ்மார்ட்போனை விட குறைந்த அளவிலான அம்சங்களை கொண்டுள்ள இந்த ஆல்காடெல் 1 ஆனது ரஷ்யாவில் காணப்பட்டுள்ளது.
இந்த ஸ்மார்ட்போன் என்ன விலைக்கு அறிமுகமாகும் என்பது பற்றி எந்த வார்த்தையும் இல்லை. இன்னும் சொல்லப்போனால் எந்த பட்ஜெட் பிரிவின் கீழ் வெளியாகும் என்பதிலும் தெளிவு இல்லை. ஆனால் 100 யூரோக்கள் மதிப்பிலான 1எக்ஸ்-ஐ விட மலிவாக இருக்கும் என எதிர்பார்க்கலாம்.
அந்த மாடலை போலவே, இந்த ஸ்மார்ட்போனும் ஆண்ட்ராய்டு ஓரியோ (கோ பதிப்பு) கொண்டு இயங்கும். இதன் மலிவான விலை காரணமாக சாதாரணமான அம்சங்களையே கொண்டிருக்கும். அதாவது 480x960 பிக்சல்கள் தீர்மானம் மற்றும் 18: 9 என்கிற அளவிலான திரை விகிதம் கொண்டுள்ள 5-இன்ச் டச் ஸ்க்ரீன், 5 எம்பி பின்புற கேமரா மற்றும் 2 எம்பி முன்பக்க கேமரா (ஆட்டோஃபோகஸ் உடன்) மற்றும் 2000 mAh பேட்டரி ஆகியவைகளை கொண்டிருக்கும்.
மேலும் இது 1.3 ஜிகாஹெர்ட்ஸ் க்வாட் கோர் கோர்டெக்ஸ்-ஏ53 சிபியூ உடனான மீடியாடெக் MT6739 எஸ்ஓசி கொண்டு இயக்கப்படுகிறது. 1 ஜிபி அளவிலான ரேம் மற்றும் 8 ஜிபி வரை விரிவாக்கக்கூடிய சேமிப்பு ஆகியவற்றையும் கொண்டுள்ளது. மேலும் விலையை மீறிய சிறப்பு கோ-ஆப்ஸ் தொகுப்புகளை வழங்கினாலும் ஆச்சரியப்படுவதற்கில்லை.
இணைப்பு விருப்பங்களை பொறுத்தவரை, கேட் 4 (150Mbps டவுன் 50Mbps அப்), ஜிபிஎஸ், வைஃபை, ப்ளூடூத், மற்றும் இரட்டை சிம் செயல்பாடு, எல்டிஇ ஆகியவைகளை கொண்டிருக்கும். பரிமாணங்களில் 137.6 x 65.7 x 9.8 மிமீ மற்றும் 134 கிராம் எடையைக் கொண்டுள்ளது. இந்த ஆல்கடெல் 1 ஆணையு தங்கம், நீலம் மற்றும் கருப்பு ஆகிய வண்ண மாறுபாடுகளில் வாங்க கிடைக்கும்.
