சான்றிதழ் தளத்தில் சிக்கிய 4000எம்ஏஎச் பேட்டரி, 5-இன்ச் சியோமி ரெட்மீ 5.!?

அறிமுகம்

கவனித்து பார்த்தல் கடந்த பல ஆண்டுகளை விட 2016-ல் சியோமி நிறுவனம் அதிக அளவிலான ஸ்மார்ட்போன்கள் வெளியிட்டுருப்பதை புரிந்துக்கொள்ளலாம். அதேபோல 2017-ஆம் ஆண்டின் ஆரம்பத்திலேயே சியோமி ரெட்மீ 4 எக்ஸ் கருவியை அறிமுகம் செய்து விட்டது.

டிஸ்ப்ளே

இந்த நிலையில் சியோமி நிறுவனம் இப்போது 5 இன்ச் டிஸ்ப்ளே கொண்ட மற்றொரு ஸ்மார்ட்போன் சார்ந்த வேலைகளில் ஈடுபடும் தகவல் வெளியாகியுள்ளது மற்றும் அக்கருவி சியோமி ரெட்மீ 5 கருவியாக இருக்கலாம் என்றும் எதிர்பார்க்கப்படுகிறது.

ரெட்மீ 5

எனினும், இந்த 5 இன்ச் ஸ்மார்ட்போன் சார்ந்த பெயர் விவரங்கள் எதுவுமில்லை. ஆனால் சீனாவில் எல்லோரும் இக்கருவியை இப்போதே ரெட்மீ 5 என்று அழைக்கத்தொடங்கி விட்டன, ஆனால் இது வெறும் ஊகம் தான் என்பதும் குறிப்பிடத்தக்கது.

வடிவமைப்பு

டிஇஎன்ஏஏ (TENAA) சான்றிதழ் தளத்தில் காணப்பட்டுள்ள இந்த ஸ்மார்ட்போனின் படங்களை பார்க்கும் போது இக்கருவி ஒரு யூனிமெட்டல் உடல் வடிவமைப்பு கொண்டிருக்கும் அதாவது 2016-ல் வெளியான சியோமி கருவிகளை போன்றே இருக்கிறது.

பேட்டரி

மேலும் இக்கருவி ஒரு 4000எம்ஏஎச் பேட்டரி மற்றும் இரட்டை சிம் ஆதரவு கொண்ட ஒரு 5 அங்குல டிஸ்ப்ளே கருவியாக வெளியாகலாம் என்றும் எதிர்பார்க்கப்படுகிறது. மேலும், சான்றிதழ் தளத்தில் இக்கருவி எம்ஏஇ136 என்ற மாடல் நம்பருடன் காணப்பட்டுள்ளது என்பதும் குறிப்பிடத்தக்கது.

மேலும் படிக்க

இது ஸ்மார்ட்போன் அல்ல, ஸ்வாக் போன் - அப்படி என்னதான் இருக்கு.?