New Year ஆபர்னா இப்படி இருக்கணும்! 8 போன்கள் மீது ஏகபோகமான தள்ளுபடிகளை அறிவித்துள்ள Samsung!

பட்ஜெட் முதல் பிளாக்ஷிப் வரை கிட்டத்தட்ட எல்லா வகையான மொபைல் பிரிவுகளிலும் தரமான போன்களை அறிமுகம் செய்வதில் கில்லாடியான சாம்சங் (Samsung) நிறுவனமானது, 2022 கிறிஸ்துமஸ் மற்றும் 2023 நியூ இயர் ஹாலிடே சீஸனுக்கான (Holiday Season) தனது புதிய சலுகைகளை அறிவித்து உள்ளது.

சாம்சங் நிறுவனத்தின் இந்த ஹாலிடே சீசன் சலுகையில் கீழ் மொத்தம் 8 ஸ்மார்ட்போன்கள் மீது ஏகபோகமான சலுகைகள் அணுக கிடைக்கிறது. அந்த 8 ஸ்மார்ட்போன்களில் கேலக்ஸி ஃபோல்ட் மற்றும் கேலக்ஸி ஃபிளிப் போன்ற பிளாக்ஷிப் மாடல்களும் உள்ளன, அதே சமயம் மிட் ரேன்ஜ் விலையின் கீழ் வாங்க கிடைக்கும் சில மாடல்களும் உள்ளன. அதென்ன மாடல்கள்? என்னென்ன போன்கள் மீது என்னென்ன சலுகைகள் மற்றும் தள்ளுபடிகள் கிடைக்கிறது? இதோ விவரங்கள்:

சாம்சங் நிறுவனத்தின் லேட்டஸ்ட் போல்டபிள் ஃபிளாக்ஷிப் ஸ்மார்ட்போன்களான Galaxy Z Flip4 மற்றும் Galaxy Z Fold4 மீதான சலுகைகளை பொறுத்தவரை, ரூ.1,54,999 க்கு வாங்க கிடைத்த Galaxy Z Fold4 ஆனது இந்த சலுகையின் கீழ் ரூ.1,46,999 க்கு வாங்க கிடைக்கும். அதாவது ரூ.8,000 என்கிற பேங்க் கேஷ்பேக் அல்லது ரூ.8,000 என்கிற அப்கிரேட் போனஸ் கிடைக்கும். கூடுதலாக, Galaxy Z Fold4 ஸ்மார்ட்போனை வாங்கும் வாடிக்கையாளர்கள் ரூ.34,999 மதிப்புள்ள Galaxy Watch4 Classic BT 46mm-ஐ கூடுதலாக ரூ.2,999 கொடுத்து பெற்று கொள்ள முடியும்.

ஒருவேளை நீங்கள் ஆக்சிஸ் வங்கியின் கிரெடிட் கார்டை பயன்படுத்தும் பட்சத்தில் கூடுதலாக 10 சதவீத கேஷ்பேக்கையும் பெறலாம். மறுகையில் உள்ள Galaxy Z Flip4 மீதான சலுகைகளை பொறுத்தவரை, ரூ.89,999 க்கு பதிலாக ரூ.82,999 க்கு வாங்க கிடைக்கும். அதாவது ரூ.7,000 என்கிற பேங்க் கேஷ்பேக் அல்லது ரூ.7000 என்கிற அப்கிரேட் போனஸ் அணுக கிடைக்கும். மேலும் Galaxy Z Flip4 மாடலை வாங்கும் வாடிக்கையாளர்களும் கேலக்ஸி வாட்ச்4 கிளாசிக் பிடி 46 மிமீ-ஐ வெறும் ரூ.2,999 க்கு சொந்தமாக்கி கொள்ள முடியும்!

Galaxy Z Flip4 மற்றும் Galaxy Z Fold4 மீதான தள்ளுபடிகளை தவிரத்து Galaxy S22 series ஸ்மார்ட்போன்கள் மீதும் ஹாலிடே சீசன் சலுகைகள் அணுக கிடைக்கிறது. ரூ.1,09,999 க்கு வாங்க கிடைத்த கேலக்ஸி எஸ்22 அல்ட்ரா மாடல் ஆனது ரூ.5,000 பேங்க் கேஷ்பேக் அல்லது ரூ.7,000 அப்கிரேட் போனஸுக்கு பிறகு ரூ.1,02,999 க்கு வாங்க கிடைக்கும். மேலும் சாம்சங் கேலக்ஸி எஸ்22 அல்ட்ராவை வாங்கும் வாடிக்கையாளர்கள் ரூ.26,999 மதிப்புள்ள கேலக்ஸி வாட்ச்4 பிடி 44எம்எம்-ஐ வெறும் ரூ.2,999-ஐ கொடுத்து வாங்கி கொள்ளலலாம்.

அதேபோல், ரூ.72,999 என்கிற விலையில் உள்ள கேலக்ஸி எஸ்22 ஸ்மார்ட்போனை ரூ.54,999 என்கிற தள்ளுபடி விலையில் வாங்கலாம். மேலும் கேலக்ஸி எஸ்22-ஐ வாங்கும் வாடிக்கையாளர்கள் கேலக்ஸி பட்ஸ்2-ஐ வெறும் ரூ.2,999 க்கு பெறலாம். ஒருவேளை நீங்கள் கேலக்ஸி எஸ்22+ மாடலை வாங்க விரும்பினால் அது ரூ.84,999 க்கு பதிலாக வெறும் ரூ.59,999 க்கு வாங்க கிடைக்கும். இதில் ரூ.15,000 என்கிற பேங்க் கேஷ்பேக் அல்லது ரூ.13,000 என்கிற அப்கிரேட் போனஸ் மற்றும் ரூ.10,000 என்கிற உடனடி கேஷ்பேக்கும் அடங்கும்.

சாம்சங் நிறுவனம் அதன் சற்றே பழைய ஃபோல்டபிள் ஸ்மார்ட்போன் ஆன Galaxy Z Fold3 மீதும் ஹாலிடே சீசன் சலுகைகளை அறிவித்துள்ளது. அந்த கீழ் Galaxy Z Fold3 ஸ்மார்ட்போனை வாங்க விரும்பும் வாடிக்கையாளர்கள் ரூ.20,000 என்கிற பேங்க் கேஷ்பேக்கை பெறலாம் மற்றும் ரூ.26,999 மதிப்புள்ள Galaxy Watch4 BT 44mm ஐ வெறும் ரூ.2,999 க்கு வாங்கலாம். இதேபோல Galaxy ZFlip3 ஸ்மார்ட்போன் ஆனது ரூ.84,999 க்கு பதிலாக ரூ.59,999 க்கு வாங்க கிடைக்கிறது. அதாவது இதன் மீது ரூ.15,000 என்கிற உடனடி கேஷ்பேக் மற்றும் ரூ.10,000 என்கிற அப்கிரேட் போனஸ் கிடைக்கிறது.

மிட்-ரேன்ஜ் ஸ்மார்ட்போன்களின் மீதான சலுகைகளை பொறுத்தவரை, சாம்சங் Galaxy S21 FE ஸ்மார்ட்போன் மீது ரூ.3,000 என்கிற பேங்க் கேஷ்பேக், ரூ.7,000 என்கிற உடனடி கேஷ்பேக் மற்றும் ரூ.10,000 என்கிற அப்கிரேட் போனஸ் கிடைக்கிறது. ஆக நீங்கள் இந்த ஸ்மார்ட்போனை உங்களால் வெறும் ரூ.39,999 க்கு வாங்க முடியும். இதேபோல Galaxy S20 FE ஆனது ரூ.32,999 க்கு வாங்க கிடைக்கும், இதில் ரூ.5,000 என்கிற உடனடி கேஷ்பேக் மற்றும் ரூ.3,000 என்கிற அப்கிரேட் போனஸும் அடங்கும்.

இப்படியாக சாம்சங் கேலக்ஸி ஃபோல்ட்4, கேலக்ஸி ஃபிளிப்4, கேலக்ஸி ஃபோல்ட்3, கேலக்ஸி ஃபிளிப்3, கேலக்ஸி எஸ்22 அல்ட்ரா, கேலக்ஸி எஸ்22 பிளஸ், கேலக்ஸி எஸ்21 எஃப்இ, கேலக்ஸி எஸ்20 எஃப்இ என மொத்தம் 8 ஸ்மார்ட்போன்கள் மீது ஹாலிட் சீசன் சலுகைகள் கட்டவிழ்த்து விடப்பட்டுள்ளது. இந்த சலுகைகள் Samsung.com, Amazon, Flipkart மற்றும் தேர்ந்தெடுக்கப்பட்ட ரீடெய்ல் ஸ்டோர்களின் வழியாக அணுக கிடைக்கும் என்பதும், இந்த ஹாலிடே சீசன் சலுகைகள் ஆனது வருகிற டிசம்பர் 25, 2022 வரை நீடிக்கும் என்பதும் இங்கே குறிப்பிடத்தக்கது.