கொஞ்சம் காசு, நிறைய அம்சங்கள் : அசத்தும் ஹானர் 5எக்ஸ்.!!

வடிவமைப்பு

மெட்டல் மூலம் வடிவமைக்கப்பட்ட ஹானர் 5எக்ஸ் கருவியை அழகாக வெளிப்படுத்துகின்றது. கருவியின் அடி பாகங்கள் பிளாஸ்டிக் மூலம் வடிவமைக்கப்பட்டாலும் பார்க்க மெட்டல் போன்றே காட்சியளிக்கின்றது.

பிரைட்னஸ்

5.5 இன்ச் எல்சிடி பேனல் மற்றும் 1080 பிக்சல் ரெசல்யூஷன் கொண்டிருக்கின்றது. சூரிய வெளிச்சம் இடங்களிலும் எவ்வித தடங்களும் இன்றி தெளிவாகவே தெரியும் படி அதன் நிறங்கள் பிரதிபலிக்கின்றன.

பிராசஸர்

ஹானர் 5எக்ஸ் கருவியில் ஸ்னாப்டிராகன் 615 பிராசஸர், 2ஜிபி ரேம் வழங்கப்பட்டுள்ளது. வழங்கப்பட்டுள்ள சிறப்பம்சங்களுக்கு ஏற்ப கருவி சீராக இயங்கும் என்பதும் குறிப்பிடத்தக்கது.

கைரேகை ஸ்கேனர்

இந்த கருவியின் முக்கிய சிறப்பம்சம் இதன் கைரேகை ஸ்கேனர் தான். கருவியின் பின்புறம் பொருத்தப்பட்டிருக்கும் இந்த கைரேகை ஸ்கேனர் கருவியை அன்லாக் செய்வது மட்டுமின்றி பல்வித செயல்பாடுகளை வழங்குகின்றது.

மென்பொருள்

ஆண்ட்ராய்டு 5.1.1 இயங்குதளம் சார்ந்த EMUI 3.1 கொண்டிருக்கின்றது. மேலும் நேட்டிபிகேஷன் பேனல் வடிவமைப்பு பல்வித அம்சங்களோடு ஷார்ட்கட்களையும் கொண்டிருப்பது குறிப்பிடத்தக்கது.

கேமரா

ஹானர் 5எக்ஸ் கருவியில் 13 எம்பி ப்ரைமரி கேமரா, டூயல் டோன் எல்ஈடி ப்ளாஷ், 5 எம்பி முன்பக்க கேமராவும் வழங்கப்பட்டுள்ளது. சிறப்பான புகைப்படங்களை எடுக்க வழி செய்யும் கேமரா ஆப்ஷன்களும் வழங்கப்பட்டுள்ளது.

பேட்டரி

ஹானர் 5எக்ஸ் கருவியானது 3000 எம்ஏஎச் பேட்டரி கொண்டு சக்தியூட்டப்படுகின்றது. மேலும் இதில் வழங்கப்பட்டிருக்கும் ஸ்மார்ட் மோடு மூலம் கூடுதலாக பேட்டரி பேக்கப் வழங்கும் என்றும் கூறப்பட்டுள்ளது.

வாங்கனுமா

கொடுக்கும் விலைக்கு ஹானர் 5எக்ஸ் சிறந்த கருவி என்றே கூற வேண்டும். மெட்டல் வடிவமைப்பு, மற்றும் கைரேகை ஸ்கேனர், பெரிய திரை போன்ற அம்சங்கள் இந்த கருவியை தலைசிறந்த ஒன்று என்பதை நிரூபிக்க தவறவில்லை என்றே கூற வேண்டும்.