அடிமட்ட OFFER-ல கிடைக்குதுனு பழைய iPhone மாடலை எதையும் வாங்கிடாதீங்க.. ஏன்னா?

நல்ல ஆபர் விலையில் கிடைக்கிறது என்று, ஆப்பிளின் பழைய ப்ரோ மாடல் எதையும் வாங்கி விட வேண்டாம். ஏனென்றால் இன்னும் சில மாதங்களில் வரும் ஐபோன் 18 ப்ரோ (Apple iPhone 18 Pro) மாடலானது.. ஒன்றல்ல, இரண்டல்ல.. மொத்தம் ஆறு தரமான அப்கிரேட்களை பெற உள்ளதாக தகவல் கிடைத்துள்ளது

ஐபோன் 18 ப்ரோ மாடல் ஆனது சில குறிப்பிடத்தக்க மேம்பாடுகளை கொண்டுவரும் அதே வேளையில், தற்போதுள்ள அம்சங்களை செம்மைப்படுத்துவதிலும் கவனம் செலுத்துவதாக ஆரம்பகட்ட அறிக்கைகள் குறிப்பிடுகின்றன. அப்படி என்னென்ன மாற்றங்களை ஆப்பிள் ஐபோன் 18 ப்ரோ மாடலில் எதிர்பார்க்கலாம்? இதோ விவரங்கள்:

1. சிறிய டைனமிக் ஐலேண்டுடன் திருத்தப்பட்ட வடிவமைப்பு: ஆப்பிள், ஐபோன் 18 ப்ரோவின் ஒட்டுமொத்த வடிவத்தை மாற்றாமல் அதன் வடிவமைப்பில் மாற்றங்களை செய்ய வாய்ப்புள்ளது. முக்கிய மேம்பாடுகளில் ஒன்றாக, டிஸ்பிளேவுக்கு கீழே ஃபேஸ் ஐடி (Face ID) கூறுகளை நகர்த்துவதன் மூலம் சாத்தியமாகும் ஒரு சிறிய டைனமிக் ஐலேண்ட் இருக்கலாம். ரியர் பேனலும் மிகவும் சீரான தோற்றத்தை பெறக்கூடும், இது கண்ணாடிக்கும் உலோகத்திற்கும் இடையிலான வேறுபாட்டை குறைக்கும். புதிய கலர் ஆப்ஷன்களும் எதிர்பார்க்கப்படுகின்றன.

2. 2என்எம்செயல்முறையுடன் கூடிய ஏ20 ப்ரோ சிப்: ஐபோன் 18 ப்ரோவில் ஆப்பிளின் அடுத்த தலைமுறை ஏ20 ப்ரோ சிப் இடம்பெறும் என்று எதிர்பார்க்கப்படுகிறது. இந்த சிப் 2என்எம் செயல்முறையில் உருவாக்கப்படலாம், இது தற்போதைய தலைமுறையுடன் ஒப்பிடும்போது செயல்திறனை மேம்படுத்தக்கூடும். இதில் ஆப்பிள் மேம்பட்ட பேக்கேஜிங் தொழில்நுட்பத்தை பயன்படுத்தும் என்றும் கூறப்படுகிறது, இது ஏஐ செயலாக்கம் மற்றும் ஒட்டுமொத்த சிஸ்டம் செயல்திறனை மேம்படுத்தக்கூடும்.

3. வேரியபிள் அபெச்சர் கொண்ட கேமரா செட்டப்: ஆப்பிள் நிறுவனம் இந்த மாடலின் ப்ரைமரி கேமராவில் வேரியபிள் அபெச்சர் கொண்ட லென்ஸை அறிமுகப்படுத்தலாம். இது பயனர்கள் டெப்த் ஆஃப் ஃபீல்டை (depth of field) மிகவும் துல்லியமாகக் கட்டுப்படுத்த அனுமதிக்கும், இதன் மூலம் காட்சிக்கு ஏற்ப வெவ்வேறு அளவிலான பின்னணி மங்கலை (background blur) ஏற்படுத்த முடியும். இத்தகைய அம்சம் புகைப்படம் எடுத்தல் மற்றும் வீடியோ பதிவு ஆகிய இரண்டிற்கும் பயனுள்ளதாக இருக்கும்.

4. டெலிஃபோட்டோ மற்றும் கேமரா மேம்பாடுகள்: முக்கிய கேமரா மேம்பாட்டுடன், ஆப்பிள் நிறுவனம் டெலிஃபோட்டோ லென்ஸை அகலமான அபெர்ச்சர் (aperture) உடன் மேம்படுத்தும் என்றும் எதிர்பார்க்கப்படுகிறது. இது குறைந்த ஒளியில் சிறந்த செயல்திறனுக்கும், மேம்பட்ட ஜூம் ஷாட்களுக்கும் உதவக்கூடும். ஆப்பிளின் வருடாந்திர அப்டேட் சுழற்சியின் ஒரு பகுதியாக கூடுதல் கேமரா மேம்பாடுகளும் வர வாய்ப்புள்ளது.

5, பெரிய பேட்டரி மற்றும் மேம்பட்ட செயல்திறன்: இந்த ஆண்டு வரும் ப்ரோ மாடல்கள் ஆனது பேட்டரி லைஃப் அப்கிரேட்டையும் பெறக்கூடும். ப்ரோ மாடல்களில் பெரிய பேட்டரிகள் இடம்பெறலாம் என்றும், இது சற்று தடிமனான வடிவமைப்பிற்கு வழிவகுக்கக்கூடும் என்றும் அறிக்கைகள் தெரிவிக்கின்றன. புதிய சிப்பின் மூலம் கிடைக்கும் செயல்திறன் மேம்பாடுகளுடன் இணைந்து, பயனர்கள் நீண்ட நேரம் பயன்பாட்டை பெறலாம்.

6. எளிதாக்கப்பட்ட கேமரா கட்டுப்பாடு மற்றும் புதிய மோடம்: ஆப்பிள் நிறுவனம் தனது கேமரா கட்டுப்பாட்டு அம்சத்தின் செயல்பாட்டை எளிமையாக்கி, சிக்கலான டச் கெஸ்சர்களை நீக்குவதன் மூலம் அதை திருத்தி அமைக்கும் என எதிர்பார்க்கப்படுகிறது. ஐபோன் 18 ப்ரோவில் ஆப்பிளின் சொந்த சி2 மோடமும் இடம்பெறலாம், இது முந்தைய சொல்யூஷன்களுடன் ஒப்பிடும்போது இணைப்புத்திறனையும், பவர் செயல்திறனையும் மேம்படுத்தக்கூடும்.

ஒட்டுமொத்தமாக, ஆப்பிள் நிறுவனத்தின் ஐபோன் 18 ப்ரோ முந்தைய மாடல்களில் அறிமுகப்படுத்தப்பட்ட வடிவமைப்பு அம்சங்களை செம்மைப்படுத்துவதோடு - செயல்திறன், கேமரா மற்றும் பேட்டரி லைஃப் ஆகியவற்றில் படிப்படியான மேம்பாடுகளிலும் கவனம் செலுத்துவதாக தெரிகிறது. சரியான விவரங்கள் அதிகாரப்பூர்வ அறிவிப்பின் போது கிடைக்கும். அதுவரையிலாக யூகங்கள் மற்றும் லீக்ஸ் தான் - மற்ற பழைய ஐபோன் மாடல்களை வாங்க விடாமல் நம்மை எல்லாம் தடுக்கும்; புதிய மாடலுக்கு காத்திருக்க வைக்கும்.