மார்ச் 1 க்கு அப்புறம்.. கேமரா போன்னு சொன்னாலே இது தான்.. வெவ்வேறு விலையில் 3 மாடல்களை இறக்கும் VIVO!

மொபைல் கேமராவில் புதுமையான அம்சங்களை சேர்ப்பதற்கு பெயர்போன விவோ (Vivo) நிறுவனம் வருகிற மார்ச் 1 ஆம் தேதியன்று, தனது லேட்டஸ்ட் கேமரா ஸ்மார்ட்போன்களை இந்தியாவில் அறிமுகம் செய்யவுள்ளது. அதென்ன ஸ்மார்ட்போன்கள்? அவைகளில் கேமராக்களை தவிர்த்து வேறு என்னென்ன அம்சங்களை எதிர்பார்க்கலாம்? என்ன விலைக்கு வரும்? இதோ விவரங்கள்:

சீன மொபைல் நிறுவனமான விவோ, அதன் வி27 சீரீஸின் கீழ் 3 புதிய மாடல்களை அறிமுகம் செய்யவுள்ளது. அவைகள் விவோ வி27 (Vivo V27), விவோ வி27 ப்ரோ (Vivo V27 Pro) மற்றும் விவோ வி27இ (Vivo V27e) ஆகும். முன்னரே குறிப்பிட்டபடி, இந்த 3 ஸ்மார்ட்போன்களுமே வருகிற மார்ச் 1 ஆம் தேதியன்று இந்தியா உட்பட பல உலக சந்தைகளில் அறிமுகம் செய்யபப்ட்ட உள்ளது.

விவோ வி27 சீரீஸ் - 3 மாடல்களுமே தரமான கேமராக்களுடன் வரும்

விவோ நிறுவனம் அதன் வி27இ ஸ்மார்ட்போனிற்காக ஒரு பிரத்யேக மைக்ரோசைட்டையும் உருவாக்கியுள்ளது, அதன் வழியாக விவோ வி27இ-யின் வடிவமைப்பு விவரங்கள் மற்றும் சில முக்கிய அம்சங்களை அறிந்துகொள்ள முடிகிறது!

விவோவின் டீஸர் பக்கம் வழியாக, விவோ வி27 ப்ரோவானது 3டி கர்வ்டு டிஸ்பிளேவுடன் வரும்; ஆனால் வி27இ மாடலானது செல்பீ கேமராவிற்கான சென்டர் பஞ்ச் ஹோல் டிசனுடன் பிளாட் ஸ்கிரீனை கொண்டுருக்கும். இருப்பினும் வி27இ மாடலானது வி27 ப்ரோ மாடலில் உள்ள கேமரா மாட்யூல் மற்றும் ரிங் எல்இடி ஃபிளாஷை கொண்டுள்ளது.

விவோ வி27 ப்ரோவில் ட்ரிபிள் ரியர் கேமரா செட்டப் உள்ளது. அதில் மெயின் கேமராவாக 64எம்பி அல்ட்ரா சென்சிங் கேமரா செயல்படும் மற்றும் அது ஆப்டிகல் இமேஜ் ஸ்டெபிலைசேஷனிற்கான(OIS) ஆதரவையும் கொண்டிருக்கும். அறியாதோர்களுக்கு ஓஐஎஸ் என்பது குறைந்த வெளிச்சத்தில் நல்ல புகைப்படங்களை எடுக்க உதவும் ஒரு முக்கிய கேமரா அம்சமாகும்.

விவோ வி27 சீரீஸ் - வேறு என்னென்ன அம்சங்களை எதிர்பார்க்கலாம்?

விவோ வி27 மற்றும் விவோ வி27 ப்ரோ ஆகிய இரண்டுலுமே 120ஹெர்ட்ஸ் ரெஃப்ரெஷ் ரேட், எச்டிஆர்10+ மற்றும் ஃபுல்எச்டி+ ரெசல்யூஷனை வழங்கும் டிஸ்பிளேவை கொண்டிருக்கலாம். மேலும் ஆண்ட்ராய்டு 13 ஓஎஸ் அடிப்படையிலான நிறுவனத்தின் சொந்த ஃபன்டச் ஓஎஸ் (அவுட் ஆஃப் பாக்ஸ்) உடன் வரலாம்.

ப்ராசஸரை பொறுத்தவரை, விவோ வி27-ல் மீடியாடெக் டைமன்சிட்டி 7200 எஸ்ஓசி மூலம் இயக்கப்படலாம்; ப்ரோ வேரியண்ட்டில் டைமன்சிட்டி 8200 சிப்செட்டுடன் அனுப்பப்படலாம்.

கடைசியாக விவோ வி27இ மாடலை பொறுத்தவரை, 120Hz ரெஃப்ரெஷ் ரேட் உடனான 6.5-இன்ச் இ4 அமோஎல்இடி டிஸ்பிளே, மீடியாடெக் ஹீலியோ ஜி99 சிப்செட், 5000mAh பேட்டரி போன்ற அம்சங்களை எதிர்பார்க்கலாம்.

விவோ வி27 சீரிஸ் - எதிர்பார்க்கப்படும் இந்திய விலை நிர்ணயம்:

விவோ வி27 - ரூ.35,000
விவோ வி27 ப்ரோ - ரூ.40000
விவோ வி27இ - ரூ.25,999

மேற்குறிப்பிட்ட விலை நிர்ணயங்கள் எதிர்பார்க்கப்படும் விலைகளே ஆகும். சரியான விலை விவரங்கள் மார்ச் 1 ஆம் தேதியன்று அறிவிக்கப்படும்.