எக்கச்சக்கமா குவியிது ஆர்டர்.. 50எம்பி கேமரா.. 25W சார்ஜிங்.. ஆஃபரில் Samsung 5ஜி போன்.. எந்த மாடல்?

அமேசான் தளத்தில் சாம்சங் கேலக்ஸி ஏ16 5ஜி (Samsung Galaxy A16 5G) ஸ்மார்ட்போன் தள்ளுபடி விலையில் வாங்க கிடைக்கிறது. குறிப்பாக 50எம்பி கேமரா, ஃபாஸ்ட் சார்ஜிங் வசதி, டைமன்சிட்டி சிப்செட் உள்ளிட்ட பல்வேறு சிறப்பான அம்சங்களுடன் இந்த போன் வெளிவந்தது. இப்போது கேலக்ஸி ஏ16 5ஜி போனுக்கு வழங்கப்பட்ட சலுகைகள் மற்றும் இதன் சிறப்பு அம்சங்களைப் பார்க்கலாம்.

தற்போது அமேசான் தளத்தில் 6ஜிபி ரேம் மற்றும் 128ஜிபி மெமரி வசதி கொண்ட சாம்சங் கேலக்ஸி ஏ16 5ஜி ஸமார்ட்போன் மாடலுக்கு 20 சதவீதம் தள்ளுபடி வழங்கப்பட்டு ரூ.15999 விலையில் விற்பனை செய்யப்படுகிறது.

சாம்சங் கேலக்ஸி ஏ16 5ஜி அம்சங்கள் (Samsung Galaxy A16 5G Specifications): சக்திவாய்ந்த ஆக்டா கோர் மீடியாடெக் டைமன்சிட்டி 6300 6என்எம் (Octa Core MediaTek Dimensity 6300 6nm) சிப்செட் உடன் கேலக்ஸி ஏ16 5ஜி போன் அறிமுகம் செய்யப்பட்டது. இந்த சிப்செட் மேம்பட்ட செயல்திறன் வழங்கும். மேலும் ஒன் யுஐ 6.0 (One UI 6.0) சார்ந்த ஆண்ட்ராய்டு 14 ஓஎஸ் (Android 14 OS) மூலம் இந்த போன் இயங்குகிறது.

ஆனாலும் இந்த போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும். மாலி ஜி57 ஜிபியு (Mali G57 GPU)கிராபிக்ஸ் கார்டு கொண்டுள்ளது இந்த போன். மேலும் 6 ஜிபி ரேம் + 128 ஜிபி மெமரி கொண்டுள்ளது இந்த சாம்சங் கேலக்ஸி ஏ16 5ஜி மாடல். கூடுதலாக மெமரி நீட்டிப்பு ஆதரவு கொண்டுள்ளது இந்த சாம்சங் போன். அதாவது நீங்கள் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு இதில் உள்ளது.

அதேபோல் 6.7 இன்ச் ஃபுல்எச்டிபிளஸ் (FHD+) இன்பினிட்டி-யு சூப்பர் அமோலெட் (Infinity-U Super AMOLED) டிஸ்பிளே கொண்டு வெளிவந்துள்ளது இந்த சாம்சங் போன். மேலும் இதன் டிஸ்பிளேவில் 1080 × 2340 பிக்சல்கள், 90Hz ரெஃப்ரெஷ் ரேட், 16 மில்லியன் கலர் டெப்த் மற்றும் பல்வேறு சிறப்பான அம்சங்கள் உள்ளன. குறிப்பாக இந்த போனின் டிஸ்பிளே தனித்துவமான திரை அனுபவத்தை வழங்கும்.

சாம்சங் கேலக்ஸி ஏ16 5ஜி ஆனது 50 எம்பி மெயின் கேமரா (ஆட்டோபோகஸ்) + 5 எம்பி அல்ட்ரா வைடு கேமரா + 2 எம்பி மேக்ரோ கேமரா என்கிற ட்ரிபிள் ரியர் கேமரா அமைப்பைக் கொண்டுள்ளது. செல்பிகளுக்கும் வீடியோகால் அழைப்புகளுக்கும் என்றே 13 எம்பி செல்பீ ஷூட்டர் கிடைக்கிறது. அதேபோல் இந்த மெயின் கேமராவில் 10எக்ஸ் டிஜிட்டல் ஜூம் (Digital Zoom) கிடைக்கிறது. எனவே இந்த ஸ்மார்ட்போன் மூலம் அசத்தலான படங்களை எடுக்க முடியும்.

தரமான IP54 டஸ்ட் மற்றும் வாட்டர் ரெசிஸ்டன்ட் கொண்டுள்ளது இந்த சாம்சங் கேலக்ஸி ஏ16 5ஜி போன். மேலும் 5000mAh பேட்டரி உடன் இந்த போன் வெளிவந்துள்ளது. பின்பு பேட்டரியை சார்ஜ் செய்ய 25W ஃபாஸ்ட் சார்ஜிங் வசதி உள்ளது. எனவே இந்த போனை விரைவாக சார்ஜ் செய்துவிட முடியும்.

சைடு மவுண்டெட் ஃபிங்கர்பிரிண்ட் ஸ்கேனர் (Side-mounted Fingerprint Scanner), டைப்-சி ஆடியோ (Type-C Audio) மற்றும் பாட்டம்-போர்டெட் ஸ்பீக்கர்கள் (Bottom-ported Speakers) போன்ற பல வசதிகள் இந்த சாம்சங் போனில் உள்ளன.

5ஜி, 4ஜி எல்டிஇ, டூயல்-பேண்ட் வைஃபை, ப்ளூடூத், என்எப்சி, யுஎஸ்பி டைப்-சி போர்ட், ஜிபிஎஸ் உள்ளிட்ட பல்வேறு கனெக்டிவிட்டி ஆதரவுகள் உடன் இந்த புதிய சாம்சங் கேலக்ஸி ஏ16 5ஜி ஸ்மார்ட்போன் வெளிவந்துள்ளது. அனைத்து சிறப்பான அம்சங்களுடன் இந்த போன் கம்மி பட்ஜெட்டில் கிடைப்பதால் நம்பி வாங்கலாம்.