புதிய டியூவல் சிம் போனை அறிமுகப்படுத்தியது லாவா

செய்திக்கு செல்லும் முன் நம்ப முடியாத விலையில் வந்துள்ள 55 இன்ச் ஸ்மார்ட் டிவி பற்றிய அசரடிக்கும் சிறப்பம்சங்களை கீழே உள்ள வீடியோவில் காணலாம்.

கண்ணுக்கும், பயன்பாட்டிற்கும் மிகவும் சிறந்த வகையில் ஒரு புதுமையான படைப்பை அளித்திருக்கிறது லாவா நிறுவனம். அதுவும் மக்களுக்கு விருப்பமான டியூவல் சிம் வசதி கொண்ட பட்ஜெட் மொபைல். குறைந்த விலையில் உள்ள மொபைல் என்பதற்காக இதன் வசதிகளும் குறைந்ததாக இருக்கும் என்று கருதிவிட முடியாது.

இந்த மொபைலின் வடிவமைப்பை பார்த்தால், அதன் மேல் இருந்து கண்களை அகற்றவே முடியாது. அவ்வளவு அழகான மற்றும் நுட்பமான வடிவமைப்பைக் கொண்டுள்ளது. லாவா கேகேடி-39 மொபைல் டியூவல் சிம் வசதி கொண்டது. 2 இஞ்ச் க்யூவிஏ திரை கொண்டுள்ளதால் 240 X 320 பிக்ஸல் ரிசல்யூஷன் துல்லியத்தைக் கொடுக்கிறது.

லாவா கேகேடி-39 மொபைல் 0.3 மெகா பிக்ஸல் கேமராவைக் கொண்டுள்ளது. ஆடியோ மற்றும் வீடியோ வசதிக்கு சப்போர்ட் செய்கிறது. 16 ஜிபி வரை மெமரியை விரிவுபடுத்திக் கொள்ளலாம். இதில் நீடித்து உழைக்கும் 1,400 எம்ஏஎச் எல்ஐ-அயான் பேட்டரி பொருத்தப்பட்டுள்ளது.

யூஎஸ்பி மற்றும் புளூடூத் பயன்பாட்டினை முழுமையாகப் பெற முடியும். இதில் பிராக்ஸிமிட்டி சென்ஸார், ஜி-சென்ஸார் வசதியும் உள்ளது. பொழுதுபோக்கு அம்சமாக மல்டி மீடியா வசதிகளும் கொடுக்கப்பட்டுள்ளன.

லாவா கேகடி-39 மொபைல் ரூ.5,000 விலைக்கும் குறைவாகக் கிடைக்கும்.