டியூவல் சிம் வசதியுடன் புதிய கார்பன் மொபைல்

கே-102 என்ற மொபைலை அறிமுகப்படுத்தி உள்ளது கார்பன் நிறுவனம். பெங்களூர் யூடிஎல் குழுமமும், டில்லியை சேர்ந்த ஜெய்னா குழுமமும் இணைந்து தயாரிக்கப்பட்டது இந்த கார்பன் கே-102 மொபைல். இது டியூவல் சிம் வசதி கொண்ட மொபைலாகும்.

இதில் 2 இஞ்ச் எல்சிடி டிஎப்டி திரை வசதியும் கொடுக்கப்பட்டுள்ளதால், எதையும் துல்லியமாகக் காண உதவும். 640 X 480 பிக்ஸல் ரிசல்யூஷன் கொண்ட கேமரா இதில் பொருத்தப்பட்டுள்ளது. இதன் மூலம் டிஜிட்டல் சூம் வசதியையும், வீடியோ ரிக்கார்டிங் வசதியையும் பெறலாம்.

யூஎஸ்பி, புளூடூத் வசதியும் இதில் உள்ளது. ஆடியோ, வீடியோ போன்ற பொழுது போக்கு அம்சங்களும் இதன் மூலம் கிடைக்கிறது. இந்த மொபைல் ரூ.1,392 விலையில் கிடைக்கிறது. மிகக் குறைந்த விலையில் டியூவல் சிம் போனை தேடுபவர்களுக்கு இந்த போன் சிறந்த தேர்வாக இருக்கும்.