இந்திரா காந்தி தலைமையில் நிகழ்த்தப்பட்ட 'ஸ்மைலிங் புத்தா'..!

By Muthuraj

Updated: Monday, April 11, 2016, 9:16 [IST]

மே 18, 1974-ஆம் ஆண்டு இந்தியாவின் முதல் அணு ஆயுத சோதனை நடத்தப்பட்டது, இந்திய வெளியுறவுத் துறை அமைச்சகத்தின்படி அந்த பரிசோதனையின் பெயர் போக்ரான்-1 (Pokhran-I), ஆனால் அதன் குறியீடு பெயர் : ஸ்மைலிங் புத்தா (Smiling Buddha) அதாவது சிரிக்கும் புத்தர்..!

அணு ஆயுத பரிசோதனைக்கு 'சிரிக்கும் புத்தர்' என்ற பெயரா..? என்ற சுவாரசியம் மட்டுமின்றி, இந்த ஸ்மைலிங் புத்தாவில் பல சுவாரசியங்கள் இருக்கின்றன. அவைகளைத்தான் கீழ்வரும் ஸ்லைடர்களில் தொகுத்துள்ளோம்..!

நோக்கம் :

அமைதி தேசம் என்று உலகம் முழுக்க அறியப்படும் இந்தியா, அமைதியான நோக்கத்திற்க்காகவே அணு ஆயுத சோதனை நடத்துகிறது என்பதை உலக நாடுகளுக்கு தெரிவிக்கும் நோக்கத்தில் உருவான பெயர் தான் - ஸ்மைலிங் புத்தா.

அமைதி :

'ஸ்மைலிங் புத்தா' திட்டம் தொடங்கப்பட்ட நாளில் இருந்து முழு வளர்ச்சி நிலையை அடைந்து பரிசோதனை செய்யும் நாள் வரையிலாக "அமைதியான அணுசக்தி வெடிப்பு " என்று தான் அனைவராலும் அழைக்கப்பட்டது.

புத்த ஜெயந்தி :

அதுமட்டுமின்றி கவுதம புத்தர் பிறந்த நாளைக் குறிக்கும் பண்டிகை தினமான புத்த ஜெயந்தி அன்று இந்த (வெடிப்பு) பரிசோதனை நிகழ்த்தப்பட்டது (மே 18, 1974)..!

மேற்பார்வை :

ராஜஸ்தான் ராணுவ தளத்தில், போக்ரான் சோதனை ரேஞ்ச்தனில் பல முக்கிய இராணுவ அதிகாரிகள் மேற்பார்வையில் ஸ்மைலிங் புத்தா பரிசோதிக்கப்பட்டது.

உதவி :

இந்தியாவின் முதல் அணுஆயுத சோதனையானது கனடாவின் தொழில்நுட்ப நிபுணத்துவம் மற்றும் நிதி, அமெரிக்காவிடம் இருந்து பெறப்பட்ட கன நீர் (Heavy Water)ஆகிய உதவியின் கீழ் நடைபெற்றது.

அணு ஏற்றுமதி :

அமைதியான நோக்கத்திற்க்காகவே நடத்தப்படுகிறது என்று கனடாவுடன் ஒப்பந்தம் ஏற்படுத்திக் கொண்டு நிகழ்த்தப்பட்டாலும் கூட வெடிப்பு சோதனைக்குப்பின் இந்தியாவுடன் ஆன அணு ஏற்றுமதியை கனடா நிறுத்திக்கொண்டது.

என்எஸ்ஜி :

பின்பு, அணு தொழில்நுட்பம் ஏற்றுமதி குறைக்கவும், அணு சக்தியை ஆயுத உற்பத்திக்கான தவறான வழியில் பயன் படுத்தாமல் இருப்பதை தடுக்கவும் என்எஸ்ஜி எனப்படும் நுக்லியர் சப்ளையர் க்ரூப் உருவாகவும் ஸ்மைலிங் புத்தா தூண்டுதலாக இருந்தது.

இந்திரா காந்தி :

1972-ஆம் ஆண்டே ஸ்மைலிங் புத்தா வெடிகுண்டு கட்டமைக்கப்பட்டுக் கொண்டிருந்த பாபா அணு ஆராய்ச்சி மையத்திற்கு (BARC) அப்போதைய பிரதமர் இந்திரா காந்தி பார்வையிட்டு வந்திருந்தார்.