உலக அழிவின் 'லேட்டஸ்ட்' தேதி வெளியானது..!

By Muthuraj

Published: Thursday, June 2, 2016, 15:35 [IST]

மாயன் காலண்டரில் குறிப்பிட்டு இருந்த உலக அழிவு, எந்த விதமான அசம்பாவிதத்தையும் ஏற்படுத்தாது கடந்துபோய் நான்கு ஆண்டுகள் ஆகி விட்ட நிலையில் தற்போது டூம்ஸ்டே ஆராய்ச்சியாளர்கள் மாயன் கணிப்பு எப்படி தவறியது என்ற புரிதலில் ஈடுபட்டு, தற்போது அவர்கள் கண்டறிந்துள்ள கெடு நாளை அறிவித்துள்ளனர்.

நவீன கால ஆராய்ச்சியாளர்களின் தொடர்ச்சியான தவறான கணிப்புகளின் மூலம் பல தவறான டூம்ஸ்டே தேதிகள் அமைதியாக நம்மை கடந்து போய்விட்டன. தற்போது இவர்கள் குறிப்பிட்டுள்ள தேதியும் அவ்வாறே கடந்து போகுமா.? அல்லது நிஜமான டூம்ஸ்டேவாக சர்வ நாசம் செய்யுமா..!? என்பதை பார்க்கத்தானே போகிறோம்..!

#1

2016 ஆம் ஆண்டின் ஜூன் 3 - ஜூன் 4 ஆகிய இரண்டு நாளைதான் டூம்ஸ்டே அறிஞர்கள் லேட்டஸ்ட் டூம்ஸ்டே தேதியாக வெளியிட்டுள்ளனர், அதாவது நாளையும், நாளைய மறுநாளும்.

#2

மீசோ அமெரிக்கன் லாங் கவுன்ட் காலண்டரின் (Mesoamerican Long Count calendar) 5126 ஆண்டு கால சுழற்சி முடிவில் இருந்து இந்த தேதிகள் கணிக்கப்பட்டுள்ளன.

#3

உலகத்தின் முடிவு சார்ந்த ரகசிய செய்தி நம்பப்படும் இந்த காலண்டர் மூலம் பூமியில் ஒரு நேர்மறை ஆற்றல் மற்றும் ஒரு புதிய சகாப்தம் உருவாகும் என்று நம்பப்படுகிறது.

#4

காலண்டர் ஆய்வின்படி, குறிப்பிட்ட 4 கிரகங்களின் அணிவகுப்பனது ஒரு சதுரத்தை உருவாக்கும் என்றும், அந்த ஒரு சதுர அம்சம் கிரகங்கள் இடையே ஒரு 90 டிகிரி பிரிவை உண்டாக்கி உராய்வு ஏற்பட காரணமாக திகழும் என்று கணிக்கப் பட்டுள்ளது.

#5

மறுபக்கம், மீசோ அமெரிக்கர்கள் மற்றும் மாயன்கள் நெட்டாண்டு (Leap year) பற்றிய கவலையே கொண்டது இல்லை என்கிறார்கள் வரலாற்று ஆய்வாளர்கள். அப்படி இருக்க எப்படி அவர்களின் நாட்குறிப்புகளை வைத்து ஏற்படுத்தப்பட்ட கணிப்புகள் நிஜமாகும் என்ற நியாயமான கேள்வியும் உண்டு..!