ஹிட்லர் காதலியுடன் நலமாக வாழ்ந்தார் : சர்ச்சைக்குரிய ஆவணம் வெளியீடு..!

By Muthuraj

Updated: Thursday, May 19, 2016, 11:47 [IST]

அடால்ப் ஹிட்லர் - ஒரு வகையில் (இனப்படுகொலையால்) மனித இனத்தின் எதிரியாக கருதப்பட்டவர், 1945-ஆம் ஆண்டு ஏப்ரல் 30-ஆம் தேதி அவர் இறந்ததாக வரலாறு கூறினாலும் இன்று வரையிலாக ஹிட்லரின் இறப்பு சார்ந்த விடயம் மிகவும் மர்மமான ஒன்றாகவே இருக்கிறது.

ஹிட்லரின் மரணம் மட்டுமல்ல, வரலாற்றில் நாம் கற்பனைக்கூட செய்து பார்க்க முடியாத பல விடயங்கள் போலித்தனம் நிறைந்ததாகவே உள்ளதென்பது தான் நிதர்சனம், அதற்கு மிகவும் பிரலமான ஒரு எடுத்துக்காட்டு தான் - ஹிட்லரின் மரணம்..!

#1

அமெரிக்காவின் பெடரல் பீரோ ஆப் இன்வெஸ்டிகேஷனின் அரசாங்க வலைத்தளம் ஒன்று ஹிட்லரின் மரணம் சார்ந்த சர்ச்சைக்குரிய ஆவணம் ஒன்றை வெளியிட்டது.

#2

அதில் இரண்டாம் உலகப்போருக்கு பின்பு மிக நீண்ட காலம் நலமாக ஆண்டிஸ் மலைத்தொடரில் வாழ்ந்து வந்தார் என்று கூறப்பட்டுள்ளது.

#3

கடந்த 71 ஆண்டுகால வரலாற்று பக்கங்களோ ஏப்ரல் 30 ஆம் தேதி, 1945 ஆம் ஆண்டு ஹிட்லர் தனது நிலவறையில் தற்கொலை செய்து கொண்டார், அவரின் உடல் சோவியத் வீரர்களால் அடையாளம் காணப்பட்டு ரஷ்யாவிற்கு கொண்டு செல்லப்பட்டது என்கிறது.

#4

தற்போது வெளியாகியுள்ள ஆவணமானது இந்த வரலாற்றை பொய் என்று நிரூபித்து, திருத்தி எழுத வைக்குமா என்பது தான் இப்போதைய ஒரே கேள்வி..!

#5

மக்களை கொன்று குவித்த அடால்ப் ஹிட்லர் தனது மனைவியான இவா ப்ரௌன் உடன் நீர்மூழ்கி கப்பல் ஒன்றின் மூலமாக அர்ஜென்டீனா தப்பி சென்றார் என்கிறது எப்பிஐ வெளியிட்ட ஆவணம்.

#6

அதாவது ஒரு மர்மமான நீர்மூழ்கியானது நாஜி அதிகாரிகளை அர்ஜென்டினாவின் கடற்கரைக்கு கொண்டு சென்று விட்டதாகவும் அந்த ஆவணம் தெரிவிக்கிறது.

#7

1945-ஆம் ஆண்டு ஆகஸ்ட் மாதம் ஒரு அடையாளம் தெரியாத தகவலாளர் ஒரு மர்மமான நீர் மூழ்கிகப்பலில் ஹிட்லரை சந்தித்துள்ளார், ஹிட்லரை சந்தித்த 4 ரகசியமான மனிதர்களில் அவரும் ஒருவர் என்கிறது வெளியான ஆவணம்.

#8

அந்த தகவலாளர் மூலம் தான் ஹிட்லர் அர்ஜென்டீனாவிற்கு தப்பி சென்றார் என்றும், அர்ஜென்டீனா அரசாங்கம் அவருக்கு ஆதரவு அளித்து அவரை கடைசி வரை மறைத்து வைத்தது என்றும் ஆதாரத்தை அளிக்கிறது வெளியான ஆவணம்.

#9

வெளிப்படையான பல காரணங்களுக்காக அந்த தகவலாளரின் பெயர் எப்பிஐ ஆவணங்களில் குறிப்பிடவில்லை என்கிற போதும், அவர் போலித்தனமான ஒருவர் இல்லை என்று சில முகவர்கள் நம்புகிறார்கள்.

#10

இந்த புதிய சான்றுகள் மூலம் ஹிட்லர் தப்பித்து ஆண்டிஸ் மலைத்தொடருக்கு சென்று விட்டார் என்பதற்கு சாத்தியமான வாய்ப்பு இருக்கிறது என்று சர்வதேச புலனாய்வு சமூகத்தில் சந்தேகம் கிளம்பியுள்ளது.