"நமக்கு 100 ஆண்டுகள் தான் கெடு" என்று ஸ்டீபன் ஹாக்கிங் கூறியதின் பின்னணி.?!

#1

சமீபத்தில் ஸ்டீபன் ஹாக்கிங், மனித இனத்திற்கு 100 ஆண்டுகள் தான் 'கெடு' என்று கோரியுள்ளார். அதாவது இன்னும் 100 ஆண்டுகளில் மனித இனமானது தன்னை தானே அழித்துக்கொள்ள இருக்கிறது என்று கூறியுள்ளார்.

#2

மனித இனம் தன்னை தானே அழிக்கும் ஆபத்தான நிலை இருப்பதால், அறிவியல் மற்றும் தொழில்நுட்ப பகுதிகளில் வேகமாக முன்னேற வேண்டும் என்றும் எச்சரிக்கை விடுத்துள்ளார்.

#3

பிபிசிக்கு பேட்டியளித்த ஸ்டீபன் மனித இனத்தின் முடிவானது அணு ஆயுத போர், உலக வெப்பமயமாதல், மற்றும் மரபு-பொறியமைக்கப்பட்ட வைரஸ்கள் போன்ற சொந்த படைப்புகள் மூலம் ஏற்படும் அழிவுகளை முன்வைத்துள்ளார்.

#4

சுயமாக ஏற்படுத்திக்கொண்ட அல்லது சுயமாக தயாரிக்கப்பட்டவைகள் மூலமாக, அழிவை நாம் எதிர்கொள்ள போகிறோம் என்று ஸ்டீபன் எச்சரிக்கை விடுப்பது முதல்முறை அல்ல.

#5

இதற்கு முன்பு செயற்கை நுண்ணறிவு எனப்படும் ஆர்டிபிஷியல் இன்டெல்லிஜென்ஸ் (Artificial Intelligence - AI) மூலமாக உலகம் தன் முடிவை சந்திக்க இருக்கிறது என்று ஸ்டீபன் எச்சரிதிருந்தார்.

#6

ஸ்டீபன் ஹாக்கிங் "தான் ஒரு நன்நம்பிக்கையாளர் என்றும், மனித இனம் சந்திக்கும் அழிவு சார்ந்த பிரச்சினைகளை நம்மால் சமாளிக்க முடியும் என்று தான் நம்புவதாகவும், ஆனால் அது மோசமான ஒரு வழியாக இருக்கலாம்" என்று தெரிவித்துள்ளார்.

#7

அதாவது "மனித இனம் ஆனது அழிவில் இருந்து தப்பித்துக் கொள்ள வேறு கிரகங்களுக்கு, எடுத்துக்காட்டுக்கு செவ்வாய் கிரகம் போன்ற கிரகங்களுக்கு குடியேற்றம் செய்ய வேண்டும்" என்கிறார் ஸ்டீபன்.

#8

இது அடுத்த நூற்றாண்டுக்குள் சாத்தியமில்லாத ஒன்றாக தோன்றினாலும் கூட அடுத்த ஆயிரம் முதல் பத்தாயிரம் ஆண்டுகளில் பூமியின் முடிவு நிச்சயமான ஒன்று என்பதை நாம் இங்கே புரிந்து செயல்பட வேண்டும் என்றும் ஸ்டீபன் கூறுகிறார்.

#9

குறிப்பாக வர இருக்கும் அடுத்த 100 ஆண்டுகள் மிகவும் ஆபத்தானவைகள், அதற்குள் நாம் மிகவும் மேம்பட்டு விட வேண்டும் அதே சமயம் பூமி கிரகத்தை மட்டுமே புகலிடமாக வைத்திருக்க கூடாது என்றும் ஸ்டீபன் தெரிவித்துள்ளார்.

#10

ஒரு குறிப்பிட்ட ஆண்டில் பூமிக்கு நேரவிருக்கும் ஒரு பேரழிவிற்கான வாய்ப்பு மிகவும் குறைவாக இருந்தாலும் கூட அடுத்த ஆயிரம் அல்லது பத்து ஆயிரம் ஆண்டுகளில் பூமியின் முடிவு உறுதியாக இருப்பதால் நாம் மேம்பட்டே ஆக வேண்டிய நிலை ஏற்படுகிறது.

#11

"எப்படியும் அடுத்த 100 ஆண்டுகளில் நீடித்திருக்கும் காலனி விண்வெளிகளில் (self-sustaining colonies) உருவாக்கப் போவதில்லை, அதனால் இந்த குறிப்பிட்ட 100 ஆண்டுகளில் நாம் மிகவும் கவனமாக இருக்க வேண்டும்" என்கிறார் ஸ்டீபன்.

#12

மேலும், உயிரோடு இருக்ககூடிய மகத்தான காலம் விஞ்ஞானிகளிடமும், தன்னைபோன்ற இயற்பியலாளர்களிடமும் உள்ளது, இந்த காலகட்டத்தில் எண்ணற்ற புதிய கண்டுபிடிப்புகள் நிகழ்த்தப்பட இருக்கின்றன என்றும் ஸ்டீபன் நம்பிக்கை தெரிவித்துள்ளார்..!