முன்ஜென்ம நினைவு சார்ந்த அனுபவம் ஏற்படுவது ஏன்.? அறிவியல் விளக்கம்.!

#1

நம்மில் பெரும்பாலோனோர்கள் நம் வாழ்நாளில் குறைந்தபட்சம் ஒரு முறையாவது "தேஜா வூ"-வை அனுபவித்து இருப்போம்..!

#2

தேஜா வூ என்றால் - நிகழ்காலத்தில் நீங்கள் அனுபவிக்கும் ஒரு நிகழ்வை ஏற்கனவே மிக காலத்திற்கு முன்பு நடந்தது போலவே உணர்வீர்கள், மெதுவான இயக்கம் மூலம் கடந்துசெல்லும் ஒரு மர்மமான உணர்வு தான் தேஜா வூ..!

#3

இந்த மர்மமான தேஜா வூ அனுபவத்திற்கு சிறிய அளவிலான புரிதல்களை தவிர்த்து, எந்தவிதமான ஆணித்தனமான அறிவியல் விளக்கமும் தற்போதுவரை கிடையாது..!

#4

அமானுட தொந்தரவுகள் (paranormal disturbances), நரம்பியல் கோளாறுகள் (neurological disorders ), நம்முள் ஒன்றுசேர்ந்தே பிரபஞ்சங்கள் (multiple universes coexisting with ours) என தேஜா வூ அனுபவத்திற்கு பல காரணங்களை ஆராய்ச்சியாளர்கள் வகுக்கின்றனர்.

#5

நீங்கள் ஒரு "தேஜா வூ" அனுபவத்திற்குள் தள்ளப்படும் போது, ஒரு மர்மமான முறையில் சுயநினைவை இழந்து உங்களை ஒரு மர்மமான சக்தி 'இது ஏற்கனவே நடந்த ஒரு நிகழ்வு' என்று உங்களை முன் செலுத்துவதை உணரலாம்.

#6

டெக்சாஸ் ஏ & எம் பல்கலைக்கழகத்தின் நரம்பியல் மற்றும் சோதனை தெராபடிக்சின் துறையின் ஆய்வின்படி , இந்த உளவியல் நிகழ்வானது பொது மக்கள் தொகையில் சுமார் 70 சதவீதம் பேருக்கு ஏற்பட்டுள்ளது என்பது தெரிய வருகிறது.

#7

தனிப்பட்ட ஒரு பின்னோக்கிய அனுபவத்தை அளிக்கும் தேஜா வூ சார்ந்த தெளிவான அடையாளத்தை அளிக்க கூடிய விடயத்தை ஆய்வகத்தில் நிகழ்த்தி பார்க்கவே முடியாது என்பதால் தான் குழப்பமான அறிவியல் பட்டியலில் தேஜா வூ நீடிக்கிறது என்று கூறியுள்ளார் - டெக்சாஸ் ஏ & எம் சுகாதார அறிவியல் மையத்தின் மருத்துவ பேராசிரியரான மைக்கேல் ஹூக்..!

#8

சில ஆராய்ச்சியாளர்கள் இந்த தேஜா வூ நிகழ்வானது மூளையின் தொழில்நுட்ப இயக்க கோளாரால் ("technical problem") நிகழ்கிறது என்றும் நம்புகின்றனர்.

#9

அதவாது ஒரு குறிப்பிட்ட நியூரான்கள் குழுவானது, நிகழ்காலம் மற்றும் கடந்த காலம் ஆகிய இரண்டிற்கும் நடுவே அடையாளம் காணுதல் மற்றும் பரிச்சயமான குழப்பம் ஆகிய இரண்டையும் உருவாக்குவதால் தான் "தேஜா வூ" அனுபவம் ஏற்படுகின்றது.

#10

எனினும், டாக்டர் ஹூக் சில ஆய்வுகளின் படி "தேஜா வூ" நிகழ்வானது மூளையின் நரம்பியல் பாதைகளில் ஏற்படும் ஒரு செயலாக்க பிரச்சனை காரணமாக கூட விளையலாம் என்று குறிப்பிடுகிறார்.

#11

அறிவியல் புரிதலின் கீழ் கொடுக்கப்படும் விளக்கம் : மூளையின் அதிக புறணி பகுதியை அடைவதற்க்கு முன்பு நமது உணர்வு தகவல் ஆனது பல வழிகளில் பயணம் செய்ய நேர்கிறது.

#12

மூளையை சென்றடையும் அதே நேரத்தில் உணர்வு தகவல் ஆனது மூளையின் பல்வேறு பகுதிகளில் பயணித்துக்கொண்டே தான் இருக்கும். தகவல் மூளையை அடையும் அந்த இடைவெளியில் தேஜா வூ உணர்வு ஏற்படலாம்.

#13

மற்றொரு அறிவியல் விளக்கம் : மூளைக்குள் உணர்வு தகவல் வெவ்வேறு பாதைகளில் பயணிக்கும் போது அதன் கருத்து பாதிக்கப்பட்டு, இரண்டு வெவ்வேறு செய்திகளாய் சென்றடையலாம்.

#14

அப்படியாக, ஒரு தகவல் இரண்டாக உடையும் போது இரண்டாவதாக மூளைக்கு வந்தடையும் செய்தியானது, இது ஏற்கனவே நடந்தது போன்ற ஒரு தேஜா வூ உணர்வை ஏற்படுத்தலாம்..!

#15

அமெரிக்க எதிர்காலவாதியும், தத்துவார்த்த இயற்பியலாளர் மற்றும் அறிவியல் விவரணையாளரும் ஆன டாக்டர் மிச்சியோ ககு, தேஜா வூ சார்ந்த தனது விளக்கத்தையும் அளித்துள்ளார்.

#16

டாக்டர் மிச்சியோ ககு - இணை பிரபஞ்சங்கள் (Parallel universes) மற்றும் குவாண்டம் இயற்பியல் (quantum physics) மூலம் இந்த மர்மமான தேஜா வூ நிகழ்வை விளக்குகிறார்.

#17

வெவ்வேறு பிரபஞ்சத்திற்கு இடையிலாக ஒரு புரட்டலை நிகழ்த்தும் திறன் (ability to flip between different universes) உங்களிடம் இருக்குமானால் அதன் விளைவாக ஏற்படுவதே தேஜா வூ என்கிறார் டாக்டர் மிச்சியோ ககு..!

#18

மற்ற பிரபஞ்சங்கள் (அண்டங்களின் கோட்பாடு - multiverse theory) என்ற யோசனையை இயற்பியல் தத்துவ இலக்கியத்திற்கான நோபல் பரிசு பெற்ற பேராசிரியர் ஸ்டீவ் வெயின்பர்க் உட்பட பல விஞ்ஞானிகள் ஆதரவு தெரிவிக்கின்றனர் என்பது குறிப்பிடத்தக்கது.

#19

பேராசிரியர் வேயின்பேர்க்கின் கருத்துப்படி "நாம் இருக்கும் அதே அறைக்குள் எண்ணற்ற ஒன்றுசேர்ந்தே பிரபஞ்சங்கள் இருக்க சாத்தியமுண்டு"..!