தொழில்நுட்பம் பற்றி நீங்கள் அறிந்திடாத வேடிக்கையான உண்மைகள்.! இதையும் கொஞ்சம் தெரிஞ்சுக்கோங்க!

| Published: Monday, June 17, 2019, 12:26 [IST]

தொழில்நுட்பம் நமது வாழ்வின் ஒரு முக்கிய அங்கம் ஆகியுள்ளது. ஸ்மார்ட்போன், லேப்டாப், இன்டர்நெட் போன்ற அம்சங்கள் இல்லாமல், யாராலும் இந்த காலகட்டத்தில் தாக்குப்பிடிக்க முடியாது என்பதே உண்மை.

தொழில்நுட்பம் பற்றி நீங்கள் அறிந்திடாத வேடிக்கையான உண்மைகள்.!

நமது வாழ்வில் அங்கமாகிப் போன இந்த தொழில்நுட்பத்தின் பின்னணியில் உள்ள வேடிக்கையான உண்மைகளை அறிந்தால் நிச்சயம் உங்களுக்குப் பிரமிப்பாகவே இருக்கும். சரி வாங்கத் தொழில்நுட்பம் பற்றி நீங்கள் அறிந்திடாத வேடிக்கையான உண்மைகளைப் பார்க்கலாம்.

1. கூகுள் பெயர் பின்னால் ஒளிந்துள்ள உண்மை இதுதான்!

நாம் இன்று பயன்படுத்திக்கொண்டிருக்கும் கூகுள் என்ற பெயர் தற்செயலாக உருவாக்கப்பட்டது. அதிலும் கவனிக்க வேண்டிய முக்கியமான விஷயம் கூகுள் என்பது கூகோல் என்பதற்குப் பதிலாகத் தவறுதலாக உருவாக்கப்பட்ட ஒரு பெயர். கூகோல் (Googol) என்பது பெரிய எண் 1க்கு பின்னால் 100 பூஜ்ஜியத்தைக் கொண்ட எண் என்பது பொருள், அத்தனை பயனர்கள் இணையத்தைப் பயன்படுத்த வேண்டும் என்ற எண்ணத்தில் இந்த பெயர் தேர்வு செய்யப்பட்டது. ஆனால் பிழையினால் உருவான பெயரைத்தான் நாம் தினமும் பயன்படுத்தி வருகிறோம்.

2. எலக்ட்ரானிக் பிரைன்ஸ் என்றால் என்ன தெரியுமா?

1950களில் பர்சனல் கம்ப்யூட்டர்கள் "எலக்ட்ரானிக் பிரைன்ஸ்" என்றே பெயரிலேயே அழைக்கப்பட்டுள்ளது. விசித்திரமான பெயர்.

3. வேர்ல்டு வைடு வெப் (WWW) பற்றிய வேடிக்கையான உண்மை

நாம் பயன்படுத்தி வரும் வேர்ல்டு வைடு வெப்பைக் காட்டிலும் ஈமெயிலிற்கு வயது அதிகம் என்பது தான் உண்மை.

4. கூகுள், மைக்ரோசாப்ட் மற்றும் ஆப்பிள் நிறுவனங்களுக்கு இடையில் உள்ள வேடிக்கையான ஒற்றுமை தெரியுமா?

ஹெச்பி, கூகுள், மைக்ரோசாப்ட் மற்றும் ஆப்பிள் போன்ற அனைத்து நிறுவனங்களும் ஐடி நிறுவனங்கள் என்ற ஒரு ஒற்றுமையைத் தவிர வேறு ஒரு வேடிக்கையான ஒற்றுமையும் உள்ளது. இந்த நிறுவனங்கள் அனைத்தும் வாகன கேரேஜில் உருவாக்கப்பட்டவை என்பதே அது.

5.பில் கேட்ஸின் வீடு எப்படி உருவாக்கப்பட்டது தெரியுமா?

பில் கேட்ஸின் வீடு வடிவமைக்கப்பட்டது, மேக் கணினியைப் பயன்படுத்தித் தான் என்ற வேடிக்கையான உண்மை நம்மில் எத்தனை பேருக்குத் தெரியும். ஆனால் இது பில் கேட்ஸிற்கு மட்டும் தெரியும்.

6. கம்ப்யூட்டர் வைரஸ் பற்றிய வேடிக்கை உண்மை

ஒவ்வொரு மாதமும் சுமார் 6000 புதிய வைரஸ்கள் உருவாக்கப்பட்டு இணையத்தில் வெளியிடப்படுகின்றன என்பது சற்று வேடிக்கையான உண்மை தான். அப்போ இன்றைய தேதி வரை எத்தனை கோடி வைரஸ்கள் இணையத்தில் இருக்கும் என்று எண்ணிப்பாருங்கள்.

7. தொழில்நுட்பம் மேல் பயம் கொண்டவர்களும் உண்டு தெரியுமா?

டெக்னோபோபியா என்பது தொழில்நுட்பத்தின் மேலான பயம், நோமோபோபியா என்பது மொபைல் போன் இல்லாமல் இருப்பதற்கான பயம், சைபர்ஃபோபியா என்பது கணினிகளின் மேல் உள்ள பயம். இந்த பயங்கள் உள்ளவர்கள் மட்டுமே தற்போதைய காலகட்டத்தில் தொழில்நுட்பத்தைப் பயன்படுத்தாமல் உள்ளனராம்.