நொட்டிட்டு போயிடுச்சு தம்பி.. இப்போ பேங்க்ல லோன் வாங்க 750+ CIBIL SCORE போதாது.. என்ன மாறியது?

உங்களுக்கு கடன் வழங்கும் போது, ​​கடன் வழங்குநர்கள் (அதாவது வங்கிகள்) உங்கள் ப்ரொபைல்-ஐ மதிப்பிடுவதற்கு கருத்தில் கொள்ளும் முதல் விஷயங்களில் ஒன்று உங்கள் சிபில் ஸ்கோர் (CIBIL SCORE) ஆகும். ஆனால் இப்போதைய நிலைமை எப்படி மாறியுள்ளது என்றால் - உங்களுக்கு 750 க்கும் மேலான சிபில் ஸ்கோர் இருந்தால் மட்டுமே லோன் கிடைத்து விடாது.

கடன் வழங்குநர்கள் இப்போது கிரெடிட் ஸ்கோரை தவிர, உங்கள் ப்ரொபைலை மதிப்பிடும் போது வருமான நிலைத்தன்மை, கடன் அளவுகள், வேலை வரலாறு, கடன் வகைகள் மற்றும் பல உள் காரணிகள் போன்ற பிற காரணிகளையும் கருத்தில் கொள்கிறார்கள்.

நிச்சயமாக - கடன் பெறும் செயல்முறையில் சிபில் ஸ்கோர் உங்களுக்கு உதவக்கூடும், ஆனால் அது கடன் ஒப்புதலுக்கு உத்தரவாதம் அளிக்காது. நல்ல சிபில் ஸ்கோர் இருந்தபோதிலும் உங்கள் கடன் நிராகரிக்கப்பட என்ன காரணங்கள்? உங்களுக்கான கடன் நிராகரிக்கப்பட்ட பிறகு நெனெகல் செய்ய வேண்டியவை என்னென்ன? இதோ விவரங்கள்:

நல்ல சிபில் ஸ்கோர் இருந்தும் கடன் நிராகரிக்கப்பட 6 காரணங்கள்:
1. சீரற்ற வருமானம்: வங்கிகள் கடன் வழங்குவதற்கு முன்பு நிலையான வருமானத்தை சரிபார்க்கின்றன, மேலும் சீரற்ற வருமான முறைகள் உங்கள் கடன் நிராகரிக்கப்படுவதற்கு வழிவகுக்கும்.
2. அதிக கடன்-வருமான விகிதம்: உங்களின் தற்போதைய இஎம்ஐ-கள் உங்கள் நிகர வருமானத்தில் 40-50%-ஐ எடுத்துக்கொண்டால், கடன் வழங்குநர்கள் ஏற்கனவே நீங்கள் கடனை சார்ந்திருப்பவராக கருதுகிறார்கள்.

3. நிலையற்ற வேலைவாய்ப்பு: உங்களுக்கு நிலையற்ற ஜாப் ஹிஸ்ட்ரி, அடிக்கடி வேலை மாறுதல்கள், அல்லது நிலையான வருமான சான்று இல்லாமல் சுயதொழில் செய்வது ஆகியவைகள் இருந்தால், கடன் பெறுவது கடினமாக இருக்கலாம்.
4. சிபில் அறிக்கையில் உள்ள பிழைகள்: தவறான தனிப்பட்ட விவரங்கள், தீர்க்கப்படாத கடன் போன்றவையும் நிராகரிப்புக்கு காரணமாக அமையலாம்.

5. பல கடுமையான கடன் விசாரணைகள் (Multiple Hard Enquiries): ஒரே நேரத்தில் பல கடன்களுக்கு விண்ணப்பிப்பது, உங்களை கடன் பசியுள்ளவராக மாற்றக்கூடும். இது உங்கள் கிரெடிட் ஸ்கோரை பாதிப்பது மட்டும் இல்லாமல், எதிர்காலத்தில் உங்களுக்கான கடன்கள் அங்கீகரிக்கப்படுவதற்கான வாய்ப்புகளையும் கூட கடுமையாக பாதிக்கக்கூடும்

நல்ல சிபில் ஸ்கோர் இருந்தாலும் கூட பல எண்ணிக்கையிலான விண்ணப்பங்கள் (Multiple Applications) உங்களை ஏன் பாதிக்கும்? நீங்கள் கடனுக்கு விண்ணப்பிக்கும் போதெல்லாம், ஒவ்வொரு விண்ணப்பமும் உங்கள் கடன் விவரக்குறிப்பில் ஒரு கடுமையான விசாரணையை தூண்டுகிறது. மேலும், உங்கள் அறிக்கையை பார்க்கும் அனைத்து கடன் வழங்குநர்களுக்கும் இது தெரியும்.

உதாரணமாக நீங்கள் 3 - 4 வங்கிகளில் கடனுக்கு விண்ணப்பித்தால், அந்த ஒரு மாதத்தில் ஒரே நேரத்தில் இந்த விசாரணைகள் காட்டப்படும். இது உங்களை கடன் பசியுள்ளவராகக் காட்டும். ஒவ்வொரு ஹார்ட் என்க்வைரியும் (Hard Enquiry) உங்கள் கிரெடிட் ஸ்கோரை குறைக்கிறது. இந்த விசாரணைகள் உங்கள் சிபில் ரிப்போர்ட்டில் ஒரு குறுகிய காலத்திற்கு இருக்கலாம். சாப்ட் என்க்வைரிஸ் (Soft enquiries) உங்கள் கிரெடிட் ஸ்கோரை பாதிக்காது.

உங்களுக்கான கடன் நிராகரிக்கப்பட்ட பிறகு செய்ய வேண்டியவை:
- சரியான நிராகரிப்பு காரணத்தைக் கேளுங்கள்
- உங்கள் சமீபத்திய சிபில் (CIBIL) அறிக்கையில் ஏதேனும் பிழைகள் உள்ளதா என சரிபார்க்கவும்
- உங்கள் கிரெடிட் ஸ்கோரை மட்டும் சரிசெய்யாமல், நீங்கள் கண்டறியும் சிக்கல்களையும் சரிசெய்யுங்கள்
- உடனடியாக புதிய கடனுக்கு விண்ணப்பிக்க வேண்டாம், குறைந்தது 3 - 6 மாதங்கள் காத்திருங்கள்
- வேறு வகையான கடன் வழங்குநரை அணுகி பாருங்கள்
- சிறிய கடன் அல்லது பிணைய கடனை பரிசீலிக்கவும்.