உங்கள் ஆண்ட்ராய்டு ஸ்மார்ட்போன் ரொம்ப 'ஸ்லோ'வாக இருக்கிறதா? அப்போ உடனே இப்படி டீப் கிளீனிங் செய்யுங்கள்

அனைவரும் சந்திக்கும் ஸ்டோரேஜ் சிக்கல்

ஸ்மார்ட்போன் பயனர்கள் அனைவரும் ஒரு நேரத்தில் இந்த ஸ்டோரேஜ் சிக்கல் கட்டாயம் சந்தித்தாக தான் வேண்டும், என்ன தான் 512 ஜிபி வரை எஸ்டி கார்டு ஸ்டோரேஜ் கிடைத்தாலும் கூட, அந்த 512 ஜிபி நிறையும் போது அவர்களுக்கும் இதே சிக்கல் நேரத் தான் செய்யும். சிலர் கிளவுட் ஸ்டோரேஜ் மூலம் அவ்வப்போது பேக்கப் எடுத்து வைத்து நேர்த்தியாக இந்த சிக்கலை தவிர்த்துவிடுவார்கள். இன்னும் சிலர் டீப் கிளீன் செய்து ஸ்மார்ட்போனை பயன்படுத்துவார்கள்.

டீப் கிளீனிங்கா? அப்படி என்றால் என்ன?

டீப் கிளீனிங்கா? அப்படி என்றால் என்ன? உங்கள் ஸ்மார்ட்போனில் தேவையில்லாமல் ஸ்டோரேஜை அடைத்துக்கொண்டிருக்கும் ஃபைல்கள், போட்டோக்கள், வீடியோக்கள் அல்லது தரவுகள் என்று எதுவாக இருந்தாலும் அவற்றில் தேவையானதை மட்டும் வைத்துக்கொண்டு தேவையற்றது என்று நீங்கள் கருதும் பைல்களை நீக்கி உங்கள் ஸ்டோரேஜ் இடத்தை மீண்டும் பெறுவது தான் டீப் கிளீனிங்.

எளிமையான 8 முறைகள்

உங்கள் ஸ்மார்ட்போனின் ஸ்டோரேஜை மீண்டும் மீட்டெடுத்துப் பயன்படுத்துவதற்கு, டீப் கிளீனிங் மூலம் சரி செய்வதற்கு சுமார் 8 முறைகள் உள்ளது, இந்த 8 முறைகள் என்ன-என்ன செய்யும் என்பதை விரைவாக பார்த்து தெரிந்துகொள்ளலாம். இந்த முறைகளை செய்வதற்கு முன்பு உங்களின் தரவுகள் பேக்கப் செய்யப்பட்டுள்ளதா என்பதை ஒரு முறை சோதித்துப் பார்த்துக்கொள்ளுங்கள். இதைச் செய்ய Settings > Backup & reset > Back up my data கிளிக் செய்யுங்கள்.

1. மிகப்பெரிய சேமிப்பு ஆக்கிரமிப்பு இடத்தை கண்டறிவது

முதலில் உங்கள் ஸ்மார்ட்போனில் எங்கு அதிகமாக ஸ்டோரேஜ் பயன்படுத்தப்படுகிறது என்பதை கண்டறியுங்கள். லேப்டாப் போல, ஸ்மார்ட்போன்களும் சேமிப்பிற்காக ஒரு திட-நிலை இயக்ககத்தைப் பயன்படுத்துகின்றன, மேலும் இந்த இயக்ககத்தை அதிகமாக்குவது செயல்திறனைக் குறைக்கும் என்று ஆய்வின் முடிவுகள் கூறுகிறது. Settings > Storage கிளிக் செய்து ஸ்டோரேஜ் ஆக்கிரமிப்பு இடங்களை கண்டறியுங்கள்.

பாதுகாப்பான ஆப்லைன் மற்றும் ஆன்லைன் பேக்கப்

பெரும்பாலும் அனைவரின் போனிலும், போட்டோஸ் தான் பெரியளவு இடத்தை ஆக்கிரமிப்பு செய்திருக்கும். போட்டோக்களை எளிதாக நாம் டெலீட் செய்ய முடியாது. ஆகையால் இவற்றை ஒன்று கிளவுட் ஸ்டோரேஜில் பேக்கப் செய்யுங்கள் அல்லது USB மூலம் உங்கள் கணினி அல்லது லேப்டாப்பில் பேக்கப் எடுத்து கொள்ளுங்கள். USB பேக்கப் என்பது பாரம்பரியமான மற்றும் பாதுகாப்பான ஆப்லைன் வயர்டு பேக்கப் முறை என்பதை மறக்காதீர்கள்.

2. பிரீ அப் ஸ்பேஸ் ஈஸிலி (Free up space)

டவுன்லோட்ஸ், அடிக்கடி பயன்படுத்தப்படும் பயன்பாடுகள் மற்றும் புகைப்படங்கள் மற்றும் வீடியோக்களை டெலீட் செய்வதற்கான மிகவும் எளிமையான ஒரே வழி இந்த 'பிரீ அப் ஸ்பேஸ் ஈஸிலி' மட்டும் தான். Settings > Storage சென்று Free up space கிளிக் செய்யுங்கள். உங்களுக்கு தேவையற்ற தரவுகள் என்ற அடிப்படையில், நீங்கள் அதிகம் பயன்படுத்தாத தரவுகள் இங்கு காண்பிக்கப்படும், இதில் உங்களுக்குத் தேவையற்ற தரவுகளை ஈஸி டெலீட் செய்யுங்கள்.

3. பிற வகையான பயன்பாடுகள் மற்றும் கோப்புகள் இடத்தை அடைக்கிறதா?

கேம்கள், மியூசிக் ஆப்ஸ், மூவீஸ் அல்லது டிவி ஆப்ஸ் எவ்வளவு இடத்தை எடுத்துக்கொள்கின்றன என்பதையும் கண்டறிய Settings > Apps and notifications > Show all apps கிளிக் செய்யுங்கள். நீங்கள் அதிகம் பயன்படுத்தாத ஆப்ஸ்களை டெலீட் செய்வதன் மூலம் பெரியளவில் ஸ்டோரேஜை மீட்டெடுக்கலாம். அதிகம் பயன்படுத்தாத ஆப்ஸ்களை கண்டறிய Play Store > top-left menu > My apps & games கிளிக் செய்து, Last used விருப்பத்தை தேர்வு செய்து டெலீட் செய்யுங்கள்.

4. மியூசிக் மற்றும் பாட்காஸ்ட் ஸ்டோரேஜ்

மியூசிக் மற்றும் பாட்காஸ்ட் பயன்பாடுகள் உங்களின் ஸ்மார்ட்போன் ஸ்டோரேஜில் எவ்வளவு இடத்தை நிரப்பியுள்ளது என்று தெரிந்துகொள்ள Play Music > Settings > Downloading > Manage downloads கிளிக் செய்யுங்கள். அதேபோல், மியூசிக் மற்றும் பாட்காஸ்ட்டில் உள்ள பைல்களை டெலீட் செய்ய Music Library > Songs and manually delete song by song (or podcast episode) என்பதை தேர்வு செய்து டெலீட் செய்யுங்கள்.

5. போட்டோக்களை எப்படி தேர்ந்தெடுத்து டெலீட் செய்வது?

ஸ்கிரீன் ஷாட்கள், வாட்ஸ்அப் படங்கள், வீடியோக்கள் மற்றும் ஜிஃப்கள், இன்ஸ்டாகிராம் படங்கள் மற்றும் உங்கள் பல்வேறு பயன்பாடுகளில் உருவாக்கப்பட்ட பிற படக் கோப்புகள் அனைத்தையும் போல்டராக டெலீட் செய்வது உங்கள் நேரத்தையும் ஸ்டோரேஜையும் சேமிக்கும். போல்டர்களை செக் செய்து தேவையானதை மட்டும் வேறு இடத்தில் காப்பி செய்து, மற்ற போல்டரை டெலீட் செய்து சேமிப்பு இடத்தை பெருக்குங்கள்.

6. பழைய ஆஃப்லைன் மேப்ஸ் வரைபடங்களை நீக்குங்கள்

கூகிள் மேப்ஸின் ஆஃப்லைன் மேப்ஸ் அம்சம் ஒரு சிறந்த அம்சமாகும். நீங்கள் சேமித்து வைத்திருக்கும் ஆஃப்லைன் மேப்ஸ் பெரியளவில் இடத்தை பிடிக்கவில்லை என்றாலும் கூட தேவையில்லை என்று உணர்ந்தால் அதையும் டெலீட் செய்யுங்கள். ஆஃப்லைன் மேப்ஸ்களை நீக்க Google Maps ஓபன் செய்து இடது மேல் மூலையில் உள்ள menu கிளிக் செய்து delete offline maps கிளிக் செய்யுங்கள்.

7. ஆப்ஸ் கேச் (Apps cache) அல்லது ஆப்ஸ் டேட்டா நீக்குங்கள்

ஆப்ஸ் கேச்-கள் பெரும்பாலான ஸ்டோரேஜ் இடங்களை நிரப்பி இருக்கின்றன, இவற்றை டெலீட் செய்வது நிச்சயமாக பெரியளவு ஸ்டோரேஜை மீட்டெடுக்க உதவும், Settings > Storage > Other apps கிளிக் செய்து அதிக சேமிப்பு இடம்பிடித்துள்ள ஆப்ஸை கிளிக் செய்து, Clear cache கிளிக் செய்து கேச் டெலீட் செய்யலாம். ஆண்ட்ராய்டு 7 பயனர்களைத் தவிர்த்து மற்ற பயனர்கள் ஒவ்வொவரு ஆப்ஸாக தேர்வு செய்து தான் இதை டேப்லெட் செய்யமுடியும்.

8. பேக்டரி ரீசெட்

உங்கள் ஸ்மார்ட்போனை மொத்தமாக டீப் கிளீனிங் செய்வதற்கான சிறப்பான வழி இந்த பேக்டரி ரீசெட் மட்டும் தான். இது உங்கள் போனை நீங்கள் வாங்கிய நேரத்தில் எப்படி இருந்ததோ அப்படியே புத்தம் புதிது போல எந்த டேட்டா ஜங்குகளும் (junk) இல்லாமல் மாற்றிவிடும். உங்களுக்குத் தேவையான ஆப் தகவலை பேக்கப் எடுத்தபிறகு சுலபமாக எந்த பயணமும் இல்லாமல் பேக்டரி ரீசெட் செய்து, உங்கள் ஸ்மார்ட்போனை முழு வேகத்தில் பயன்படுத்தலாம்.