ஆன்ட்ராய்டில் அலெக்சா வாய்ஸ் அசிஸ்டன்ட் பயன்படுத்துவது எப்படி?

கூகுள் அசிஸ்டன்ட்

கூகுள் அசிஸ்டன்ட் ஆன்ட்ராய்டு ஸ்மார்ட்போன்களில் பில்ட்-இன் அம்சமாக வழங்கப்பட்டிருக்கும் நிலையில், அலெக்சா சேவையும் உங்களுக்கு சிறப்பானதாக இருக்கும். இதை எவ்வாறு செட்டப் செய்வது என தெரியவில்லையா? ஆன்ட்ராய்டில் அலெக்சாவை செட்டப் செய்யும் வழிமுறைகளை தொடர்ந்து பார்ப்போம்.

வழிமுறை 1:

முதலில் கூகுள் பிளே ஸ்டோர் சென்று அமேசான் அலெக்சா செயலியை ஸ்மார்ட்போனில் இன்ஸ்டால் செய்யவும். உங்களது சாதனத்தில் புதிய அலெக்சா செயலி இருக்க வேண்டும், பழைய வெர்ஷன் இன்ஸ்டால் செய்யப்பட்டு இருந்தால், அதனை அப்டேட் செய்யவும்.

வழிமுறை 2:
இனி, அலெக்சா செயலியை ஸ்டார்ட் செய்து, அமேசான் கனக்கில் லாக் இன் செய்ய வேண்டும்.

வழிமுறை 3:
அடுத்து சாதனத்தின் செட்டிங்ஸ் சென்று ஆப்ஸ் ஆப்ஷனை க்ளிக் செய்ய வேண்டும்.

வழிமுறை 4:
இனி டீஃபால்ட் ஆப்ஸ் (Default Apps) ஆப்ஷனை க்ளிக் செய்ய வேண்டும்.

வழிமுறை 5:

அடுத்து அசிஸ்ட் மற்றும் வாய்ஸ் இன்புட் (Assist and voice input) ஆப்ஷனை க்ளிக் செய்யவும்.

வழிமுறை 6:
திரையில் தோன்றும் பட்டியலில் இருந்து அமேசான் அலெக்சா ஆப்ஷனை க்ளிக் செய்ய வேண்டும்.

வழிமுறை 7:
திரையில் தோன்றும் பிராம்ப்ட்களை பின்தொடர்ந்து அக்ரீ (Agree) பட்டை க்ளிக் செய்ய வேண்டும். இந்த பட்டனை க்ளிக் செய்யும் முன் தகவல்களை படித்து, அதன் பின் உங்களது சொந்த விருப்பத்தின் பேரில் க்ளிக் செய்யவும்

வழிமுறை 8:

இனி அலெக்சா உங்களது ஆன்ட்ராய்டு சாதனத்தின் டீஃபால்ட் வாய்ஸ் அசிஸ்டன்ட் ஆக செட் செய்யப்பட்டு விட்டது.

வழிமுறை 9:
அலெக்சாவை இயக்க ஹோம் பட்டனை அழுத்தி பிடிக்கவும். அலெக்சாவை முதல் முறை பயன்படுத்தும் போது சாதனத்தில் வெவ்வேறு அனுமதிகளை வழங்க வேண்டியிருக்கும். இவற்றை அனுமதித்தால் மட்டுமே சேவையை பயன்படுத்த முடியும்.

வழிமுறை 10:
அலெக்சா கோரும் அனுமதிகளை வழங்கியதும், விருப்பம் போல் அலெக்சாவை பயன்படுத்தலாம்.