பழைய மொபைல் போனினை சிசிடிவி போன்று பயன்படுத்துவது எப்படி?

வழிமுறை 1 மொபைல் செக்யூரிட்டி ஆப்

உங்களது மொபைல் போனில் செக்யூரிட்டி கேமரா செயலியை இன்ஸ்டால் செய்ய வேண்டும். பெரும்பாலான செயலிதள் கிட்டத்தட்ட ஒரே மாதிரியான பயன்பாடுகளையே வழங்கும். செயலியை செட்டப் செய்ததும் உங்களது வீடு அல்லது மற்ற இடங்களை ஸ்மார்ட்போன் கொண்டு எங்கிருந்தும் கண்காணிக்க முடியும்.

வழிமுறை 2: கேமராவை எங்கு பொருத்துவது

ஸ்மார்ட்போன்களில் செட்டப் செய்து முடித்ததும், கேமராவை பொருத்த வேண்டும். வீட்டின் நுழைவு வாயில், பின்புறம் மற்றும் உங்களது விலை உயர்ந்த பொருட்கள் இருக்கும் அறைகளில் கேமராவை பொருத்தலாம். ஐபி கேமராவினை குழந்தையை பராமரிக்கவும் பயன்படுத்தலாம்.

அதிக மொபைல் போன்கள் இருப்பின் கூடுதல் பாதுகாப்புக்காக பல்வேறு கேமராக்களை பொருத்த முடியும்.

வழிமுறை 3: கேமரா மவுன்ட் மற்றும் சார்ஜிங் வசதி

கேமராவை பொருத்துவதற்கு சிறிய ஸ்மார்ட்போன் டிரைபாட் அல்லது சக்ஷன் கப் கார் மவுன்ட் போன்றவை சிறப்பாக வேலை செய்யும். ஸ்மார்ட்போன் கேமரா ஒளிபரப்பும் அளவை பரவலாக்க கேமராவுடன் வைடு ஆங்கிள் லென்ஸ் போன்றவற்றை சேர்க்கலாம்.

வீடியோக்களை ஸ்டிரீம்

வீடியோக்களை ஸ்டிரீம் செய்ய அதிக மின்சாரம் தேவைப்படும் என்பதால், ஸ்மார்ட்போன்களுக்கு எந்நேரமும் சார்ஜ் செய்யும் வசதி ஏதுவான இடத்திலோ அல்லது கேமராவை பொருத்தும் இடத்தில் சார்ஜிங் செய்ய வசதியை முன்கூட்டியே தயார் செய்வது நல்லது.