இ-ஆதார் கார்டில் டிஜிட்டல் கையொப்பம் வேலிடேட் செய்வது எப்படி?

குறிப்பாக அத்தியாவசிய தகவல்களை சேமித்து வைக்க அரசாங்கத்திற்கு ஆதார் கார்டு உதவுகிறது. பின்பு குடிமக்கள் எங்கு சென்றாலும் அவர்களின் ஆதாரத்தை பாக்கெட்டில் வைத்திருக்க ஒரு வாய்ப்பையும் வழங்குகிறது.

இ-ஆதாரில் பெயர், பிறந்த தேதி,முகவரி, புகைப்படம், UIDAI இன் டிஜிட்டல் கையொப்பம் (digital signatures), 12 இலக்க ஆதார் எண் போன்ற விவரங்கள் இருக்கும். மேலும் இ-ஆதாரை டவுன்லோடு செய்வது எப்படி என்று பார்ப்போம். அதாவது https://uidai.gov.in/ இணையதளத்தில் உங்களது ஆதார் எண்ணை பதிவிட வேண்டும், பின்பு ஓடிபி நீங்கள் பதிசெய்த மொபைல் நம்பருக்கு வரும். அந்த ஓடிபி-ஐ இந்த இணையதளத்தில் பதிவிட்டால் உங்களது இ-ஆதாரை உடனே டவுன்லோடு செய்ய முடியும்.

ஆனால் நீங்கள் டவுன்லோடு செய்த இ-ஆதாரில் டிஜிட்டல் கையொப்பம் (digital signatures) வேலிடேட் செய்யப்படாமல் இருக்கும். இதை வேலிடேட் செய்ய சில வழிமுறைகள் உள்ளது, அதைப்பற்றி இப்போது நாம் விரிவாகப் பார்ப்போம்.

வழிமுறை-1

முதலில் நீங்கள் https://uidai.gov.in/ இணையதளத்தில் இ-ஆதார் டவுன்லோடு செய்ய வேண்டும். பின்பு நீங்கள் டவுன்லோடு செய்த இ-ஆதார் ஆனது பிடிஎஃப் முறையில் கிடைக்கும்.

வழிமுறை-2

நீங்கள் டவுன்லோடு செய்த இ-ஆதார் பிடிஎஃப்-ஐ உங்கள் கணினியில் உள்ள adobe pdf reader-இல் திறக்க வேண்டும்.

வழிமுறை-3

பின்பு நீங்கள் டவுன்லோடு செய்த இ-ஆதார் பிடிஎஃப்-இல் validity unknown என்று இருக்கும் அதை கிளிக் செய்தால்signature properties விருப்பம் வரும், அதை தேர்வு செய்து show signer's certificate என்பதை தேர்ந்தெடுக்க வேண்டும்.

வழிமுறை-4

அடுத்து show signer's certificate விருப்பத்தை தேர்வு செய்தவுடன் அதில் உள்ள trust என்பதை கிளிக்
செய்து கீழே கொடுக்கப்பட்டுள்ள Add to Trusted Certificates என்பதை தேர்வு செய்து OK கொடுத்தால் போதும்.

வழிமுறை-5

இப்போது நீங்கள் இ-ஆதாரில் digital signatures வேலிடேட் செய்யப்பட்டிருப்பதை பார்க்க முடியும்.