இது தெரியாம போச்சே.. BSNL SIM வைத்து இருக்கும் எல்லோரும் தெரிஞ்சுக்க வேண்டிய சீக்ரெட் ரீசார்ஜ் வசதி!

இந்தியாவில், குறிப்பாக கிராமப்புறங்களில் ஆன்லைனில் ரீசார்ஜ் செய்யாத, செய்ய தெரியாத பெண்கள், ரீசார்ஜ் செய்வதற்காக தங்கள் மொபைல் எண்களை சில்லறை விற்பனையாளர்களிடம் கொடுக்க வேண்டியுள்ளது. இது வாடிக்கையாளருக்கு பாதுகாப்புப் பிரச்சினையை ஏற்படுத்துகிறது.

இந்த பாதுகாப்பு பிரச்சினைக்கு தீர்வு காண, பிஎஸ்என்எல் (BSNL) நிறுவனமானது பிஎஸ்என்எல் கவாச் (BSNL Kavach) என்கிற வசதியை அறிமுகப்படுத்தியது. இது மொபைல் எண்ணை பகிராமல் ரீசார்ஜ் செய்யும் ஒரு வசதியாகும். பிஎஸ்என்எல் கவாச் என்பது அடிப்படையில் ரீசார்ஜ் செய்வதற்காக ஒரு விர்ச்சுவல் நம்பரை வழங்குகிறது. இந்த விர்ச்சுவல் நம்பரை உருவாக்குவது மிகவும் எளிது.

மேலும், ரீசார்ஜ் சேவைகளை வழங்கும் ஆஃப்லைன் சில்லறை விற்பனையாளர்களிடம் மக்கள், குறிப்பாக இந்திய பெண்கள், தங்கள் உண்மையான மொபைல் எண்களை கொடுப்பதிலிருந்து இது ஒரு கூடுதல் பாதுகாப்பு அடுக்கை வழங்குகிறது. இந்தச் சேவை 2026-ஆம் ஆண்டு சர்வதேச மகளிர் தினத்தில் பிஎஸ்என்எல் நிறுவனத்தால் அறிவிக்கப்பட்டது.

பிஎஸ்என்எல் கவாச்சை செயல்படுத்துவது எப்படி?
- உங்கள் ஸ்மார்ட்போனில் பிஎஸ்என்எல் செல்ஃப் கேர் ஆப்பை திறந்து, உங்கள் பிஎஸ்என்எல் மொபைல் நம்பர் மூலம் லாக்-இன் செய்யவும்
- ஆப்பின் ஹோம் பேஜில், கவாச் / ப்ரைவஸி ஷீல்ட் (Kavach/Privacy Shield) என்கிற பேனர் / ஐகானை கிளிக் செய்யவும்
- ஜெனெரேட் விர்ச்சுவல் நம்பர் ​(Generate Virtual Number) என்கிற விருப்பத்தை கிளிக் செய்யவும்.

- உங்கள் உண்மையான சிம் கார்டை ரீசார்ஜ் செய்வதற்காக விற்பனையாளரிடம் நீங்கள் கொடுக்கக்கூடிய ஒரு தற்காலிக மாற்று எண்ணுடன் (temporary alias number) உங்கள் பதிவு செய்யப்பட்ட மொபைல் எண்ணுக்கு ஒரு குறுஞ்செய்தி (SMS) வரும்.
- விற்பனையாளர் உங்கள் தற்காலிக மாற்று எண் அல்லது விர்ச்சுவல் நம்பரை ரீசார்ஜ் செய்யும்போது, ​​உங்கள் உண்மையான சிம் கார்டு அல்லது மொபைல் எண்ணும் ரீசார்ஜ் செய்யப்படும்.

மாற்றாக, நீங்கள் ஒரு யுஎஸ்எஸ்டி (USSD) கோட் கோட்-ஐ பயன்படுத்தியும் பிஎஸ்என்எல் கவாச்-ஐ செயல்படுத்தலாம். அதை செய்ய, கீழ்வரும் வழிமுறைகளை பின்பற்றவும்:
- உங்கள் பதிவு செய்யப்பட்ட பிஎஸ்என்எல் மொபைல் எண்ணிலிருந்து *150# என்ற எண்ணிற்கு இருமுறை அழைக்கவும்.

- உங்களுக்கு பல விருப்பங்கள் காட்டப்படும், அதில் 'வேல்யூ ஆடட் சர்வீசஸ் (Value Added Services) அல்லது ப்ரைவஸி சர்வீசஸ் (Privacy Services) என்பதை தேர்ந்தெடுக்கவும்.
- பின்னர், 'பிஎஸ்என்எல்கவாச்' (BSNL Kavach) என்பதை தேர்ந்தெடுத்து, 'ஜெனெரேட் நம்பர்' (Generate Number) என்பதை தேர்ந்தெடுக்கவும்.

- விர்ச்சுவல் நம்பர் அல்லது தற்காலிக மாற்று எண் உங்கள் ஸ்க்ரீனில் காட்டப்படும், பின்னர் அது உங்களுக்கு எஸ்எம்எஸ் டெக்ஸ்ட் ஆகவும் அனுப்பப்படும்.
- ரீசார்ஜ் செய்வதற்கு இந்த நம்பரை விற்பனையாளரிடம் கொடுங்கள், அதன் பிறகு உங்கள் உண்மையான மொபைல் நம்பர் ரீசார்ஜ் செய்யப்படும்.

இறுதியாக, பிஎஸ்என்எல் கவாச்-ஐ செயல்படுத்தி தற்காலிக ரீசார்ஜ் எண்ணை பெற, உங்கள் ஸ்மார்ட்போனில் உள்ள எஸ்எம்எஸ் அம்சத்தையும் நீங்கள் பயன்படுத்தலாம். அதை எப்படி செய்வது என்கிற வழிமுறைகள் இதோ:
- 51500 என்கிற எண்ணிற்கு Kavach என்ற வார்த்தை எஸ்எம்எஸ் ஆக அனுப்பவும்.
- அடுத்த 24 மணிநேரத்திற்கு அல்லது முதல் ரீசார்ஜ் செய்யப்படும் வரை செல்லுபடியாகும் ஒரு தற்காலிக ஐடியுடன் உங்களுக்கு பதில் கிடைக்கும்.

கவாச் என்பது பிஎஸ்என்எல் வழங்கும் ஒரு இலவச சேவையாகும். இந்த தற்காலிக எண் 24 மணிநேரத்தில் அல்லது முதல் ரீசார்ஜ் செய்யப்படும் வரை காலாவதியாகிவிடும். பிஎஸ்என்எல் கவாச் மூலம் அடுத்த முறை ஒரு மாற்று அல்லது விர்ச்சுவல் நம்பரை பயன்படுத்தி ரீசார்ஜ் செய்ய விரும்பும்போது, ​​நீங்கள் இந்த எண்ணை மீண்டும் உருவாக்க வேண்டும். இதை செய்வதற்கான சிறந்த மற்றும் வேகமான வழி, உங்கள் மொபைல் உள்ள எஸ்எம்எஸ் அம்சத்தை பயன்படுத்துவதே ஆகும் என்பதை நினைவில் கொள்ளவும்.