Facebook-ல் இன்டர்நெட் ஸ்பீட் டெஸ்ட் செய்யலாமா? இது தெரியமா போச்சே! அடடே இது சூப்பரா இருக்கே!

ஃபேஸ்புக் (Facebook) ஆப்ஸை இதற்கு முன் நீங்கள் பல்வேறு காரணங்களுக்காக பயன்படுத்தி இருக்கலாம், ஆனால், இப்போது நாங்கள் சொல்ல போகும் விஷயத்தை கூட, ஃபேஸ்புக்கில் செய்யலாமா? என்று நீங்களே ஆடிப்போகும் அளவிலான ஒரு புது அம்சத்தை பற்றி இந்த பதிவில் பார்க்கப்போகிறோம்.

Facebook ஆப்ஸ் பல விதமான அம்சங்களுடன் உருவாக்கப்பட்டுள்ளது. மெட்டாவுக்கு சொந்தமான ஃபேஸ்புக் தொடர்ந்து அதன் பயனர்களுக்குச் சிறந்த அனுபவத்தை வழங்க வேண்டுமென்ற நோக்கத்துடன், பல புதிய அம்சங்களை அதன் ஆப்ஸில் சேர்த்து வருகிறது. அந்த வரிசையில், பேஸ்புக்கின் புதிய அப்டேட்டில் ஒரு சூப்பர் அம்சம் இப்போது அறிமுகம் செய்யப்பட்டுள்ளது. இந்த அம்சத்தை எப்படிப் பயன்படுத்துவது என்று தான் பார்க்கப்போகிறோம்.

Facebook இல் இருக்கும் பெரும்பாலான அம்சங்கள், சிறந்த சமூக ஊடக அனுபவத்தை வழங்குவதை நோக்கமாகக் கொண்டுள்ளது என்பதே உண்மை. எடுத்துக்காட்டாக, பயன்பாட்டின் புதிய இடைமுகமானது பயன்பாட்டின் பயனர் அனுபவத்தைச் சிறப்பாகவும் எளிமையாகவும் மாற்றுவதை நோக்கமாகக் கொண்டுள்ளது. ஆனால், நிறுவன இப்போது சமூக ஊடகத்தை மையமாகக் கொண்ட அம்சங்களைத் தவிர்த்து மற்ற அம்சங்களின் மீதும் கவனம் செலுத்தத் துவங்கியுள்ளது.

குறிப்பாக, அருகிலுள்ள Wi-Fi நெட்வொர்க்குகளைச் சரிபார்க்கும் விருப்பத்தையும் ஃபேஸ்புக் இப்போது அதன் பயனர்களுக்கு வழங்குகிறது, அதேபோல், பயனர்களின் சாதனத்தின் தற்போதைய இணைய வேகம் எவ்வளவு என்பதை சரிபார்க்க உதவும் இன்டர்நெட் ஸ்பீட் டெஸ்ட் அம்சத்தையும் Facebook இப்போது கொண்டுள்ளது. Facebook இன் ஸ்பீட் டெஸ்ட் சோதனை அம்சத்தைப் பயன்படுத்த, நீங்கள் என்ன செய்ய வேண்டுமென்பதைத் தான் இந்த பதிவில் பார்க்கப்போகிறோம்.

Facebook ஆப்ஸின் சமீபத்திய அப்டேட்டிற்கு பிறகு, இந்த அம்சத்தை நீங்கள் பயன்படுத்த முடியும். ஆகையால் உங்கள் Facebook ஆப்ஸ் அப்டேட்டில் இருப்பதை உறுதிப்படுத்திக்கொள்ளுங்கள். அதேபோல், ஒரு Facebook கணக்கும் உங்களுக்குத் தேவைப்படும். அடுத்தபடியாக, நீங்கள் பின்பற்ற வேண்டிய செயல்முறை என்ன என்பதை கீழே தொடர்ந்து படியுங்கள். இந்த அம்சம் பேஸ்புக் பயன்பாட்டின் ஆண்ட்ராய்டு பதிப்பில் மட்டுமே கிடைக்கிறது.

Facebook மூலம் ஸ்பீட் டெஸ்ட் அம்சத்தை இயக்க என்ன செய்ய வேண்டும்?
பேஸ்புக் பயன்பாட்டைத் திறக்கவும்.
முதலில் உங்களுடைய பேஸ்புக் ஆப்ஸ் அப்டேட் செய்யப்பட்டுள்ளதா என்பதை உறுதிப்படுத்திக்கொள்ளுங்கள்.
பிறகு உங்கள் Facebook ஆப்ஸ் லாகின் செய்துகொள்ளுங்கள்.
மேல் வலது மூலையில் உள்ள மூன்று கிடைமட்ட கோடுகளை கிளிக் செய்யவும்.
பிறகு Settings & Privacy என்ற விருப்பத்தை கிளிக் செய்யவும்.
கீழ்தோன்றும் மெனுவிலிருந்து, Wi-Fi & cellular performance என்பதை கிளிக் செய்யுங்கள்.
speed tab என்பதை கிளிக் செய்து, Run speed test விருப்பத்தை தேர்வு செய்ய வேண்டும்.
பிறகு, இறுதியாக Continue என்ற பட்டனை பிரஸ் செய்யவும்.

அடுத்த பக்கத்தில், ரRun speed test பட்டனை தட்டவும். அவ்வளவுதான், உங்கள் போனில் இருக்கும் இன்டர்நெட் வேகத்தை ஃபேஸ்புக் ஆப் அளக்க ஆரம்பிக்கும். வேக சோதனை முடிந்ததும், பதிவிறக்க வேகம் மற்றும் பதிவேற்ற வேகம் இரண்டையும் அது உங்களுக்கு டிஸ்பிளேவில் காண்பிக்கும். இந்த முறையை பின்பற்றி இனி நீங்கள் கூகுள் மற்றும் மற்ற ஆப்ஸ் உதவி இல்லாமல், இன்டர்நெட் வேகத்தை சில நிமிடங்களில் தெரிந்துகொள்ளலாம்.