அடிக்கடி ரயிலில் பயணம் செய்பவரா நீங்கள்: கட்டாயம் அறிந்து கொள்ள வேண்டிய முக்கிய வசதி.!

வாட்ஸ்அப் செயலி

விரைவில் வாட்ஸ்அப் செயலியில் பல்வேறு புதிய அம்சங்கள் வரும் என்று தகவல் தெரிவிக்கப்பட்டுள்ளது. சரி இப்போது விஷயத்துக்கு வருவோம்.அதாவது தினசரி அதிகமான மக்கள் ரயிலில் பயணம் மேற்கொள்கின்றனர்.

கட்டணம் குறைவு

அதேபோல் நீண்டதூரம் செல்ல விரும்பும் மக்கள் இந்த ரயில் சேவையை தான் அதிகம் பயன்படுத்துகின்றனர். குறிப்பாகப் பேருந்து, விமானச் சேவையை விட கட்டணம் குறைவு. எனவே தான் ரயிலில் பயணம் செய்வதை அதிக மக்கள் விரும்புகின்றனர். மேலும் இதில் பயணம் செய்ய விரும்பும் மக்கள் ஐஆர்சிடிசி இணையதளத்தில் முன்பதிவு செய்து பயன்படுத்துகின்றனர்.

சிறப்பு வசதி

தற்போது ஐஆர்சிடிசி ஆனது பயனர்களின் வசதிக்கு ஏற்ப பல புதிய சேவைகளைக் கொண்டுவருகிறது. அதில் ஒன்றுதான் live train status எனும் சிறப்பு வசதி. அதாவது இப்போது live train status -ஐ வாட்ஸ்அப் மூலம் எளிமையாகத் தெரிந்துகொள்ள முடியும்.

ரயில் எங்கு வந்துகொண்டிருக்கிறது?

குறிப்பிட்டு சொல்ல வேண்டும் என்றால், ரயில் எங்கு வந்துகொண்டிருக்கிறது என்பதைப் பயனர்கள் அறிந்து கொள்ளத் தனியாக ஆப் வசதியை பதிவிறக்கம் செய்து பார்க்க வேண்டிய நிலை இருந்தது, ஆனால் தற்போது தனி ஆப் வசதியை பதிவிறக்கம் செய்ய தேவை இல்லை வாட்ஸ்அப் மூலம் மிக எளிமையாகத் தெரிந்துகொள்ள முடியும்.

மும்பையைச் சேர்ந்த நிறுவனம்

இந்த புதிய வசதியை மும்பையைச் சேர்ந்த ஸ்டார்ட்-அப் நிறுவனம் ரைலோஃபி (Railofy) தயாரித்துள்ளது என்பது குறிப்பிடத்தக்கது. இந்த வசதி WhatsApp chatbot மூலம் செயல்படும். அதாவது PNR நிலை, live train status அடுத்த ரயில் நிலையம், பயண விவரம் போன்றவற்றை இதில் எளிமையாகத் தெரிந்து கொள்ளமுடியும். அதேசமயம் 139 என்ற ரயில்வே உதவி எண்ணைப் பயன்படுத்திக் கூட live train status தெரிந்துகொள்ள முடியும்.

சரி இப்போது வாட்ஸ்அப் செயலியில் live train status-ஐ தெரிந்துகொள்வது எப்படி என்று சற்று விரிவாகப் பார்ப்போம்.

வழிமுறை 1
முதலில் உங்களது போனில் ரைலோஃபி வாட்ஸ்அப் chatbot number +91-9881193322-ஐ Save செய்ய வேண்டும்.

வழிமுறை-2

அடுத்து உங்களது வாட்ஸ்அப் ஓபன் செய்து contact பட்டியலை ஒருமுறை refresh செய்ய வேண்டும். பின்னர் நீங்கள் Save செய்த ரைலோஃபி வாட்ஸ்அப் contact பக்கத்திற்குச் செல்ல வேண்டும்.

வழிமுறை-3

அந்த ரைலோஃபி வாட்ஸ்அப் பக்கத்தில் உங்களது 10 இலக்க PNR நம்பரை டைப் செய்து Send கொடுக்க வேண்டும்.

வழிமுறை-4

அதன்பின்னர் உங்களது பயண விவரம்,live train status உள்ளிட்ட சில தகவல்கள் கிடைக்கும். அதேபோல்ரயில் பயணத்திற்கு முன்பு கூட PNR நம்பரை அனுப்பி ரயிலின் நிலையை அறிந்துகொள்ள முடியும்.

மேலும் தொழில்நுட்பம், விண்வெளி மற்றும் அறிவியல் தொடர்பான இன்னும் கூடுதல் சுவாரசியமான செய்திகள் பற்றி அறிந்துகொள்ள எங்கள் கிஸ்பாட் சேனல் உடன் இணைந்திருங்கள். உங்களின் கருத்துக்களை எங்களுடன் பகிர்ந்துகொள்ளுங்கள்.