பலருக்கும் இந்த Gmail ட்ரிக்-ஐ தெரிஞ்சுக்க ஆசை.. ஆனா கேட்க கூச்சப் படுவாங்க!

Gmail Signature (ஜிமெயில் சிக்னேச்சர்) என்றால் என்ன?

அதாவது நீங்கள் அனுப்பும் அல்லது ரிப்ளை செய்யும் ஒவ்வொரு இமெயிலின் முடிவிலும் ஜிமெயில் உங்கள் "கையொப்பம்" (அதாவது உங்கள் பெயர் மற்றும் இதர விவரங்கள்) இடம்பெற வேண்டும் என்றால், நீங்கள் அணுக வேண்டியது Gmail Signature என்கிற அம்சத்தை தான்!

நீங்கள் இந்த ஜிமெயில் சிக்னேச்சரை ஒருமுறை 'ஆட்' செய்துவிட்டால் போதும், ஒவ்வொரு முறையும் நீங்கள் ஒரு இமெயிலை அனுப்பும் போதும் அது தானாக Footer ஆக (இமெயில் மெசேஜின் அடிப்பகுதியாக) சேர்க்கப்படும்.

இதனால் என்ன பயன்?

ஜிமெயிலில் Signature அம்சத்தை இயக்குவதன் மூலம், உங்கள் பெயர், காண்டாக்ட் விவரங்கள் மற்றும் உங்கள் நிறுவனத்தின் லோகோ போன்ற பிற முக்கிய விவரங்கள் இல்லாமல் ஒரு இமெயில் அனுப்பப்படவில்லை என்பதை உங்களால் உறுதி செய்ய முடியும்.

ஒருவேளை ஜிமெயிலில் ஒரு Signature-ஐ உருவாக்குவது எப்படி என்று உங்களுக்கு தெரியாதென்றால்.. கீழ்வரும் எளிய வழிமுறைகளை பின்பற்றவும்.

கம்ப்யூட்டர், லேப்டாப், பிசி வழியாக Gmail Signature-ஐ உருவாக்குவது எப்படி?

- உங்கள் இன்டர்நெட் பிரவுசரில் உள்ள ஜிமெயிலை திறக்கவும்.
- விண்டோவின் மேல் வலது மூலையில் உள்ள Settings விருப்பத்தை கிளிக் செய்து, பின்னர் All Settings என்பதை கிளிக் செய்யவும்.
- பின்னர் Signature பகுதிக்குச் சென்று அங்கே காணப்படும் பாக்ஸில் உங்களின் Signature text-ஐ சேர்க்கவும்.
- கடைசியாக, அந்த பக்கத்தின் கீழே சென்று Save Changes என்கிற விருப்பத்தை கிளிக் செய்யவும், அவ்வளவு தான்!

ஆண்ட்ராய்டு ஆப் வழியாக Gmail Signature-ஐ உருவாக்குவது எப்படி?

- உங்கள் ஆண்ட்ராய்டு ஸ்மார்ட்போனில் உள்ள Gmail App-ஐ திறக்கவும்.
- ஆப்பின் மேல் இடதுபுறத்தில் உள்ள Menu விருப்பத்தை கிளிக் செய்யவும்.
- இப்போது கிடைக்கப்பெறும் பக்கத்தில் கீழ் நோக்கி ஸ்க்ரோல் செய்து, Settings விருப்பத்தை கிளிக் செய்யவும்.
- பின்னர் நீங்கள் Signature-ஐ சேர்க்க விரும்பும் Google Account-ஐ தேர்ந்தெடுக்கவும்.
- இப்போது Mobile Signature என்கிற விருப்பத்தை கிளிக் செய்யவும்
- உங்கள் "கையொப்பத்திற்கான" (Signature) டெக்ஸ்ட்-ஐ உள்ளிடவும்
- கடைசியாக OK என்று கிளிக் செய்யவும்; அவ்வளவு தான்!

ஐஓஎஸ் ஆப் வழியாக Gmail Signature-ஐ உருவாக்குவது எப்படி?

- உங்கள் iPhone அல்லது iPad-இல் உள்ள Gmail App-ஐ திறக்கவும்
- பின்னர் ஆப்பின் Menu விருப்பத்தை கிளிக் செய்யவும்.
- இப்போது கிடைக்கப்பெறும் பக்கத்தில் கீழ் நோக்கி ஸ்க்ரோல் செய்து, Settings விருப்பத்தை கிளிக் செய்யவும்.
- பின்னர் நீங்கள் Signature-ஐ சேர்க்க விரும்பும் Google Account-ஐ தேர்ந்தெடுக்கவும்.
- பின்னர் Signature Settings-ஐ கிளிக் செய்து, Mobile Signature என்கிற விருப்பத்தை கிளிக் செய்யவும்
- உங்கள் "கையொப்பத்திற்கான" (Signature) டெக்ஸ்ட்-ஐ ஆட் அல்லது எடிட் செய்யவும்.
- கடைசியாக, அது Save ஆக Back-ஐ அழுத்தவும்; அவ்வளவு தான்!