உங்கள் போனில் ஒரே நேரத்தில் எப்படி 2 WhatsApp பயன்படுத்துவது? உடனே செட்டிங்ஸ் போங்க.!

2 சிம் கார்டு வைத்திருந்தும் 1 வாட்ஸ்அப் மட்டும் தான் யூஸ் செய்ய முடிகிறதா?

என்னதான் நம்மிடம் 2 சிம் கார்டுகள் இருந்தாலும், ஒரு ஸ்மார்ட்போனில் 1 வாட்ஸ்அப் (WhatsApp) கணக்கை மட்டும் தான் நம்மால் பயன்படுத்த முடிகிறது. இதற்கு முக்கிய காரணம் வாட்ஸ்அப் இன் விதி தான். ஒரு மொபைல் எண்ணிற்கு ஒரு WhatsApp கணக்கை மட்டுமே பயன்படுத்த முடியும் என்பது உள்ளிட்ட சில கட்டுப்பாடுகள் இன்னும் பின்பற்றப்படுகிறது.

டூயல் சிம் போன் வைத்துள்ளவர்களுக்கு இது அர்த்தமற்றதாகிறதல்லவா?

உங்களால், மற்றொரு சிம் நம்பரை ஒரே நேரத்தில், ஒரே ஸ்மார்ட்போனில் வாட்ஸ்அப்பை பயன்படுத்த முடியாது. வாட்ஸ்அப் நிறுவனம் இதை ஒரு போதும் அனுமதிக்காது. 2 சிம் கார்டுகள் இருக்கும் போன்களில் 1 வாட்ஸ்அப் கணக்கை மட்டும் பயன்படுத்துவது எப்படி நியாயமாகும். டூயல் சிம் போன் வைத்துள்ளவர்களுக்கு இது அர்த்தமற்றதாகிறதல்லவா?

டூயல் சிம் பயனர்களுக்கு விழுந்த பேரிடி.! பாதிக்கப்படப் போகும் வாடிக்கையாளர்கள்.! என்னாச்சு?

ஒரே போனில் 2 வெவ்வேறு வாட்ஸ்அப் கணக்குகளை பயன்படுத்த முடியுமா?

இதனை உணர்ந்த ஸ்மார்ட்போன் நிறுவனங்கள், உங்களுக்கு ஒரு மாற்று வழியை வழங்குகிறது. இந்த அம்சத்தை நீங்கள் பயன்படுத்தினால், உங்களுடைய ஸ்மார்ட்போனில் 2 வாட்ஸ்அப் நம்பர் கணக்குகளை உருவாக்கி, ஒரே போனில் 2 வெவ்வேறு வாட்ஸ்அப் கணக்குகளை உங்களால் இயக்க முடியும். இந்த டிரிக்கை ஆக்டிவேட் செய்ய உங்கள் போனின் செட்டிங்ஸ் செல்ல வேண்டும்.

உங்களிடம் என்ன போன் இருக்கிறது?

உங்களிடம் சியோமி (Xiaomi), சாம்சங் (Samsung), விவோ (Vivo), ஒப்போ (Oppo), ஹுவாய் (Huawei), ஹானர் (Honor), ஒன்பிளஸ் (OnePlus) மற்றும் ரியல்மி (Realme) என்று எந்த ஸ்மார்ட்போன் உங்களிடம் இருந்தாலும் சரி, உங்கள் போனிலும் இரண்டு வாட்ஸ்அப் கணக்கை உங்களால் பயன்படுத்த முடியும் என்பதை முதலில் தெரிந்துகொள்ளுங்கள்.

பிளைட் மோடில் கூட இன்டர்நெட் யூஸ் செய்யலாமா? எப்படி? இந்த ரகசியம் பலருக்கும் தெரியாது.!

உங்கள் செட்டிங்ஸ் இல் இந்த வார்த்தைகளை தேடுங்கள்.!

உங்கள் போனில் 2 வாட்ஸ்அப் கணக்கை பயன்படுத்த உங்கள் போனில் டூயல் ஆப்ஸ், ஆப் குளோன், ஆப் ட்வின் அல்லது பேரலல் ஆப்ஸ் போன்ற வார்த்தைகளை செட்டிங்ஸ் மெனுவில் இருந்து தேர்வு செய்ய வேண்டும். இந்த ஆப்ஷனின் பெயர் நீங்கள் பயன்படுத்தும் ஸ்மார்ட்போனைப் பொறுத்து மாறுபடும் என்பதை புரிந்துகொள்ளுங்கள். இந்த விருப்பத்தை பயன்படுத்தி எப்படி 2 வாட்ஸ்அப் யூஸ் பண்ணலாம் என்று பார்க்கலாம்.

Xiaomi மற்றும் Samsung பயனர்கள் இந்த செட்டிங்ஸை மாற்றுங்கள்

சியோமி (Xiaomi) ஸ்மார்ட்போன் பயனர்கள் உங்கள் போனின் Settings > Apps > Dual apps கிளிக் செய்து, அதிலிருந்து WhatsApp என்பதை கிளிக் செய்யுங்கள்.

சாம்சங் (Samsung) ஸ்மாரட்போன் பயனர்கள் Settings > Advance features > Dual Messenger கிளிக் செய்து, அதிலிருந்து WhatsApp என்பதை தேர்வு செய்யுங்கள்.

பூமியின் மிக பெரிய மிதக்கும் நகரம்.! 60000 பேர் தங்க கூடிய பிரமாண்டமான ஆமை வடிவ கப்பல்.!

Vivo மற்றும் Oppo பயனர்கள் மாற்ற வேண்டிய செட்டிங்ஸ் இது தான்.!

விவோ (Vivo) பயனர்கள் உங்கள் ஸ்மார்ட்போனில் Settings > Apps and notifications > App Clone என்று கிளிக் செய்ய வேண்டும். அதிலிருந்து WhatsApp என்பதை செலக்ட் செய்ய வேண்டும்.

ஒப்போ (Oppo) ஸ்மார்ட்போன் பயனர்கள் Settings > App Cloner கிளிக் செய்து, WhatsApp என்பதை கிளிக் செய்யுங்கள்.

OnePlus, Huawei மற்றும் Honor பயனர்கள் செய்ய வேண்டிய விஷயம் இது தான்

ஹுவாய் (Huawei) ஸ்மார்ட்போன் மற்றும் ஹானர் (Honor) ஸ்மார்ட்போன் பயனர்கள் Settings > Apps > App twin கிளிக் செய்து உங்களுடைய 2 ஆம் வாட்ஸ்அப்பை ஆக்டிவேட் செய்யலாம்.

ஒன்பிளஸ் (OnePlus) ஸ்மார்ட்போன் யூசர்ஸ் Settings > Utilities > Parallel Apps என்ற விருப்பத்தைத் தேர்வு செய்ய வேண்டும்.

4G போன் வாங்குவது சிறந்ததா அல்ல 5G போன் வாங்குவது சிறந்ததா? ரெண்டுமே தள்ளுபடியில் இருக்கு.!

Realme ஸ்மார்ட்போன் பயனர்கள் செய்ய வேண்டிய செட்டிங்ஸ்

ரியல்மி (Realme) போனில் Settings > App management > App cloner ஆப்ஷனை கிளிக் செய்ய வேண்டும். பிறகு அங்கு நீங்கள் க்ளோன் செய்ய வேண்டிய ஆப்ஸ் ஆக வாட்ஸ்அப்பை செலக்ட் செய்ய வேண்டும்.

உங்கள் போனில் டூயல் வாட்ஸ்அப் என்ன அடையாளத்துடன் காண்பிக்கப்படும்?

இப்போது உங்கள் ஸ்மாரட்போனின் மெயின் மெனு அல்லது ஹோம் ஸ்கிரீனில் ஒரு சிறிய அடையாளத்துடன் இரண்டாவது க்ளோன் செய்யப்பட்ட வாட்ஸ்அப் ஐகானை உங்களால் பார்க்க முடியும். இது தான் உங்களுடைய இரண்டாவது வாட்ஸ்அப் ஆக செயல்படப் போகிறது. இனி வழக்கம் போல புது வாட்ஸ்அப் கணக்கை நீங்கள் ஓபன் செய்யலாம்.