ரிலையன்ஸ் ஜியோஃபை 4ஜி ஹாட்ஸ்பாட் வாங்கியதும் இதை செய்தீர்களா?

ஜியோ சிம் கார்டு

ஜியோஃபை சாதனத்தை பயன்படுத்த உங்களிடம் கட்டாயம் ரிலையன்ஸ் ஜியோ சிம் கார்டு இருக்க வேண்டும். உங்களிடம் ஜியோ சிம் இல்லையெனில் புதிதாய் ஜியோ சிம் வாங்க வேண்டும்.

கடவுச்சொல்

நீங்கள் வாங்கும் ஜியோஃபை சாதனத்தின் எஸ்எஸ்ஐடி (SSID) மற்றும் கடவுச்சொல் உள்ளிட்டவை சாதனத்தில் இருக்கும் சிம் டிரேயில் பார்க்க முடியும். ஜியோ சிம் கார்டினை வைபை நெட்வொர்க் உடன் இணைக்க இது அவசியமாகும். இனி உங்களின் எஸ்எஸ்ஐடி மற்றும் கடவுச்சொல் உள்ளிட்டவற்றை குறித்து வைத்துக் கொள்ள வேண்டும்.

சார்ஜ் செய்யவும்

ஜியோஃபை சாதனத்தில் பேட்டரியை செருகி சிறிது நேரத்திற்கு சாதனத்தை சார்ஜ் செய்ய வேண்டும். சில மணி நேரங்களுக்கு இன்டர்நெட் பயன்படுத்தும் அளவு சாதனத்தை சார்ஜ் செய்யுங்கள்.

மின்விளக்கு

சார்ஜ் செய்ய ஆரம்பித்ததும், சில நிமிடங்கள் கழித்து வயர்லெஸ் ஹாட்ஸ்பாட் சாதனத்தின் பவர் பட்டனை அழுத்த வேண்டும்.

வைபை நெட்வொர்க்

ரிலையன்ஸ் ஜியோஃபை சாதனத்தை செட்டப் செய்து முடித்ததும், நீங்கள் ஏற்கனவே குறித்து வைத்த உங்களின் எஸ்எஸ்ஐடி பெயரை தேட வேண்டும். இனி உங்களது கடவுச்சொல் கொண்டு லாக் இன் செய்யலாம்.

தகவல்களை மாற்றவும்

ஜியோ நெட்வொர்க்கில் இணைந்ததும், ரவுட்டரின் அட்மின் பேனல் சென்று உங்களது தகவல்களை மாற்றிக் கொள்ளலாம். அட்மின் பேனல் செல்லாமல் http://jiofi.local.html/ இணைய முகவரி சென்றும் தகவல்களை மாற்ற முடியும்.