ஃபேஸ்புக்கில் இருந்து வாட்ஸ் அப்புக்கு புகைப்படத்தை அனுப்ப 4 எளிய வழிகள்

நேரடியாக அனுப்ப முடியாது:

ஃபேஸ்புக்கில் இருந்து வாட்ஸ் அப்புக்கு இப்போதைக்கு நேரடியாக அனுப்பும் வசதி இல்லை. இருப்பினும் வருங்காலத்தில் அந்த வசதி வருவதற்கு வாய்ப்பு உள்ளது. ஆனால் பயனாளிகளே ஒரு பெரிய கண்டுபிடிப்பாளர்களாக இருப்பதால் அதற்கான வழிகள் ஒருசில உள்ளது.

எக்ஸ்டெர்னல் ஆப்ஷன் உங்களுக்கு உதவும்:

நேரடியாக புகைப்படங்களை அனுப்ப முடியாவிட்டாலும் எக்ஸ்டர்னெல் ஆப்ஷன் மூலம் அனுப்பலாம். அதற்கு நீங்கள் செய்ய வேண்டியது ஒன்றே ஒன்றுதான். இதன் மூலம் நீங்கள் ஃபேஸ்புக்கில் உள்ளதை வாட்ஸ் அப்புக்கு மட்டுமின்றி இமெயில் உள்பட எதற்கு வேண்டுமானாலும் அனுப்பலாம்

அதுக்கு என்ன பாஸ் செய்யணும்:

ஃபேஸ்புக்கில் நீங்கள் அனுப்ப வேண்டிய புகைப்படத்தை முதலில் தேர்வு செய்து கொள்ளுங்கள். அதன்பின்னர் அதன் கீழே மூன்று புள்ளிகள் கொண்ட ஆப்ஷன் தோன்றும். அதில் சேவ் இமேஜ், ஷேர் எக்ஸ்டர்னல் மற்றும் இந்த புகைப்படத்தை விரும்பவில்லை ஆகிய ஆப்ஷன்கள் தோன்றும். இதில் நீங்கள் எக்ஸ்டர்னல் ஆப்ஷனை தேர்வு செய்தால் அதில் வாட்ஸ் அப் உள்ளிட்ட ஒருசில ஆப்ஸ்கள் தோன்றும் அதிலிருந்து நீங்கள் வாட்ஸ் அப்பை தேர்வு செய்தால், அந்த புகைப்படம் வாட்ஸ் அப்புக்கு போய்விடும்

இதுவும் ஒரு நல்ல வழிதான்:

வாட்ஸ் அப்பை கம்யூட்டர் அல்லது லேப்டாப்பில் வாட்ஸ் அப் வெப் மூலம் பயன்படுத்துவோர் மிக எளிதாக ஃபேஸ்புக்கில் இருந்து வாட்ஸ் அப்புக்கு இமேஜை அனுப்பலாம். உங்கள் ஃபேஸ்புக்கில் உள்ள இமேஜை முதலில் கம்ப்யூட்டர் டெக்ஸ்டாப்பில் சேவ் செய்து கொண்டு பின்னர் வாட்ஸ் அப் வெப் மூலம் அதை பயன்படுத்தி கொள்ளலாம்.

இதெல்லாம் என்னால முடியாது. வேறு என்ன வழி?

இதெல்லாம் சத்தியமா எனக்கு புரியாது. இதைவிட வேறு சுலபமான வழியை சொல்லுங்கள் என்று கேட்பவர்களுக்கு ஒரு மிக எளிய வழி. ஜஸ்ட் காப்பி அண்ட் பேஸ்ட். உங்கள் கம்ப்யூட்டரில் பேஸ்புக்கை ஓப்பன் செய்து கொள்ளுங்கள். அதில் உள்ள இமேஜை கண்ட்ரோல் சி அழுத்தி காப்பி செய்யுங்கள். வாட்ஸ் அப் வெப் ஓப்பன் செய்யுங்கள். யாருக்கு அல்லது எந்த குரூப்புக்கு அனுப்புகிறீர்களோ அதில் கண்ட்ரோ வி அழுத்தி பேஸ்ட் செய்யுங்கள். அவ்வளவுதான் முடிந்தது