4G டூ 5G சீக்ரெட்! இந்த மேட்டர் தெரிஞ்சதும்.. உடனே Settings-க்கு போவீங்க!

அதை கண்டுபிடிப்பது எப்படி?

முகேஷ் அம்பானிக்கு சொந்தமான ரிலையன்ஸ் ஜியோ நிறுவனம் 5ஜி ஸ்பெக்ட்ரத்தை ரூ.88,078 கோடிக்கு ஏலம் எடுத்தது.

ஜியோவைத் தொடர்ந்து சுனில் மிட்டலுக்குச் சொந்தமான பார்தி ஏர்டெல் நிறுவனம் ரூ..43,084 கோடி மதிப்பிலான ஸ்பெக்ட்ரத்தை வாங்கியது. கடைசியாக உள்ள வோடபோன் ஐடியா (Vi) நிறுவனமானது ரூ.18,799 கோடி செலவு செய்துள்ளது.

இப்படி கோடிகளில் புரளும் 5ஜி ஒருபக்கம் இருக்க, உங்கள் கையில் இருக்கும் ஸ்மார்ட்போன் ஆனது 5G நெட்வொர்க்கை ஆதரிக்குமா என்பது பற்றி உங்களுக்கு தெரியுமா?

தெரியாதென்றால்.. உடனே செக் செய்யுங்கள்!

இந்தியாவில் எப்போது வேண்டுமானாலும் 5ஜி சேவைகள் அறிமுகப்படுத்தப்படும் என்கிற சூழ்நிலையில், உங்களிடம் இருக்கும் ஸ்மார்ட்போன் 5ஜி நெட்வொர்க்கை சப்போர்ட் செய்யுமா? செய்யாதா? என்கிற கேள்விக்கு உங்களிடம் பதில் இல்லை என்றால்..

உங்கள் போன் 5G சேவையை ஆதரிக்குமா அல்லது 4G, 3G மற்றும் 2G சேவைகளை மட்டுமே ஆதரிக்குமா? என்பதை கண்டறியும் எளிய வழிமுறை இதோ:

சில நொடிகளில்.. Settings வழியாகவே கண்டுபிடிக்கலாம்!

- முதலில் உங்கள் ஆண்ட்ராய்டு மொபைலில் உள்ள செட்டிங்ஸ்-க்கு செல்லவும்.

- பின்னர் 'வைஃபை & நெட்வொர்க்' என்கிற விருப்பத்தை கிளிக் செய்யவும்

- இப்போது 'சிம் & நெட்வொர்க்' என்கிற விருப்பத்தை கிளிக் செய்யவும், (நீங்கள் டூயல் சிம் கார்ட்டை பயன்படுத்தினால்.. ஏதேனும் ஒன்றை தேர்வு செய்யவும்)

- பின்னர் இப்போது Preferred network type என்கிற விருப்பத்தை காண்பீர்கள்; அதை கிளிக் செய்யவும்.

- ஒருவேளை உங்கள் போன் 5G-ஐ ஆதரித்தால், அங்கே 2G/3G/4G/5G என பட்டியலிடப்படும். இல்லையென்றால் 5ஜி காணாப்படாது!

5G நெட்வொர்க்கை ஆதரிக்கவில்லை என்றால்?

உங்கள் போன் 5G நெட்வொர்க்கை ஆதரிக்கவில்லை என்றால், வரவிருக்கும் அதிவேக இண்டர்நெட்டை நீங்கள் அனுபவிக்க விரும்பினால்.. வேறு வழியே இல்லை, நீங்களொரு 5G-எனேபிள்டு செய்யப்பட்டட ஸ்மார்ட்போனை வாங்கியே ஆக வேண்டும்.

Realme, Xiaomi உட்பட பல நிறுவனங்கள் ஏற்கனவே மலிவு விலையில் 5G ஸ்மார்ட்போன்களை விற்பனை செய்து வருகின்றன. போதாக்குறைக்கு வரும் நாட்களில் ரூ.10,000 க்குள் வாங்க கிடைக்கும் 5G போன்களும் அறிமுகமாகும் என்று எதிர்பார்க்கப்படுகிறது!