ஸ்மார்ட் போன் கேம்களில் தெறிக்க விடும் இந்தியா.!

ஸ்மார்ட் போன்:

இந்தியாவில் மக்கள் தொகைக்கு ஏற்ப ஸ்மார்ட் போன் பயன்பாடும் அதிகரித்துள்ளது. சிறுவர்கள், இளைஞர்கள், பெரியோர் என அனைத்து தரப்பினரும் ஸ்மார்ட் போன்களை அதிகம் பயன்படுத்தி வருகின்றனர்.

வீடியோ கேம்கள்:

ஸ்மார்ட் போன்கள் பயன்பாடு அதிகரித்துள்ளதால், அதில் வீடியோ கேம் ஆப்களையும் டவுன்லோடு செய்து, அதிகமாக பயன்படுத்தி வருகின்றனர். இதில் பப்ஜி கேம் அதிகளவில் இந்தியாவில் விளையாடுவதாக தகவல்கள் வெளியாகியுள்ளன.

ஒரு மணி நேரம்:

ஸ்மார்ட்போன்களை பயன்படுத்தி கேம் விளையாட நாள்தோறும் இந்தியர்கள் சராசரியாக ஒரு மணி நேரம் செலவிடுவதாக ஆய்வில் தெரியவந்துள்ளது.

இந்தியா முன்னணி:

செல்போன் சந்தைப்படுத்துதல் கூட்டமைப்பு நடத்திய ஆய்வில், செல்போன் விளையாட்டுகளில் முன்னணியில் உள்ள 5 நாடுகளில் இந்தியாவும் இருப்பதாகக் கூறப்பட்டுள்ளது.

வீடியோ கேம்ஸ் நேரம்:

இந்தியாவில் இரவு 7 மணி தொடங்கி 12 மணிவரை செல்போனில் வீடியோ கேம்ஸ் விளையாடுபவர்கள் அதிகம் என்று தெரிவிக்கப்பட்டுள்ளது.

மற்றவைகளுக்கு 45 நிமிடம்:

திரைப்படங்கள், சீரியல்கள் ஒளிபரப்பாகும் நெட்பிலிக்ஸ், மற்றும் வீடியோ இணையதளமான யூடியூப் போன்றவற்றில் இந்தியர்கள் ஒரு நாளைக்கு சராசரியாக 45 நிமிடங்கள் மட்டுமே நேரம் ஒதுக்குவதாகவும் குறிப்பிடப்பட்டுள்ளது.