சாதா டிவியை ஸ்மார்ட் டிவியாக மாற்றலாம்! கம்மி விலையில் சியோமி Mi TV ஸ்டிக் நம்பி வாங்குங்கள்!

Published: Wednesday, August 5, 2020, 14:46 [IST]

சாதாரண LED கலர் டிவிகளில் இருந்து மக்கள் ஆண்ட்ராய்டு ஸ்மார்ட் டிவிகளுக்கு மாறி வருகின்றனர். ஆனால், இன்னும் சிலருக்கு இந்த எண்ணம் இருப்பதில்லை, இருக்கும் டிவியே நன்றாக தான் செயல்படுகிறது, ஆண்ட்ராய்டு பயனுக்காக புதிய ஸ்மார்ட் டிவி வாங்குவதா என்ற யோசனையுடன் சிலர் இருப்பார்கள். உண்மையில் நீங்கள் டிவியை மாற்ற வேண்டியது இல்லை, இந்த சாதனம் இருந்தால் அனைத்து டிவியும் ஸ்மார்ட் டிவி ஆகிவிடும்.

ஆண்ட்ராய்டு ஸ்மார்ட் டிவி வாங்க வேண்டியதில்லை

ஆண்ட்ராய்டு ஸ்மார்ட் டிவி வாங்க விரும்பம் இல்லை ஆனால், ஆண்ட்ராய்டு அனுபவத்தை அனுபவிக்க விரும்பும் பயனர்கள், ஆண்ட்ராய்டு செட்-டாப் பாக்ஸ் அல்லது ஆண்ட்ராய்டு டிவி ஸ்டிக் வாங்கி பயன்படுத்திக்கொள்ளலாம். அப்படியான ஒன்று தான் அமேசான் ஃபயர் டிவி ஸ்டிக் சாதனம், இது ஒரு பிரபலமான சாதனமாகும், இது OTT உள்ளடக்கத்தை உங்கள் டிவியில் நேரடியாக ஸ்ட்ரீம் செய்ய உங்களை அனுமதிக்கிறது.

சியோமி மி டிவி ஸ்டிக்

ஆனால் விஷயம் என்னவென்றால், இது மிகவும் விலை உயர்ந்தது. அமேசான் ஃபயர் டிவி ஸ்டிக் ரூ .3,999 விலையில் தொடங்குகிறது. ஆனால் இப்போது, சியோமி தனது சொந்த ஆண்ட்ராய்டு டிவி ஸ்டிக் சாதனமான மி டிவி ஸ்டிக் (Mi Tv Stick) சாதனத்தை அறிமுகப்படுத்தியுள்ளது. இதை உங்கள் டிவியில் பென்ட்ரைவ் போல சொருகி, நேரடியாக OTT உள்ளடக்கத்தைப் பார்க்க அனுமதிக்கிறது. மி டிவி ஸ்டிக் 8GB ஸ்டோரேஜ் உடன் வருகிறது மற்றும் நீங்கள் முழு எச்டி தரத்தில் வீடியோக்களை இயக்க அனுமதிக்கிறது.

சியோமி மி டிவி ஸ்டிக் விவரக்குறிப்புகள்

சியோமி மி டிவி ஸ்டிக் விவரக்குறிப்புகள்
Xiaomi Mi TV ஸ்டிக் ஆண்ட்ராய்டு டிவி 9 பை (Android TV 9 Pie) இயங்குதளத்தில் இயங்குகிறது. இதில் 1 ஜிபி ரேம் மற்றும் 8 ஜிபி உள் சேமிப்பு உள்ளது, எனவே உங்களுக்குப் பிடித்த பயன்பாடுகளை ப்ளே ஸ்டோரிலிருந்து நீங்கள் எளிதாக பதிவிறக்கம் செய்யலாம். கூகிள் குரோம் காஸ்ட் மற்றும் கூகிள் அசிஸ்டென்ட் ஆகியவை சியோமி மி டிவி ஸ்டிக்கில் கட்டமைக்கப்பட்டுள்ளன, எனவே உங்கள் ஸ்மார்ட்போனையும் உங்கள் டிவியில் பிரதிபலிக்க முடியும்.

டால்பி ஆடியோ மற்றும் டிடிஎஸ்

சியோமி மி டிவி ஸ்டிக் 28.5 கிராம் எடையுடன் ARM மாலி 450 ஜி.பீ.யுடன், 64 பிட் குவாட் கோர் கோர்டெக்ஸ்-ஏ 53 மூலம் இயக்கப்படுகிறது. இதில் ஒரு எச்.டி.எம்.ஐ போர்ட் மற்றும் ஒரு மைக்ரோ யூ.எஸ்.பி போர்ட் உள்ளது. இது 2.4GHz மற்றும் 5GHz பேண்டுகளுடன் கூடிய புளூடூத் 4.2 மற்றும் வைஃபை 802.11 ஆதரவைக்கொண்டுள்ளது. மி டிவி ஸ்டிக் 1920 x 1080 FHD @ 60fps தீர்மானம் கொண்ட வீடியோக்களை ஆதரிக்கிறது. மேம்பட்ட ஒலி அனுபவத்திற்கு டால்பி ஆடியோ மற்றும் டிடிஎஸ் டிஜிட்டல் ஒலி ஆதரவும் இதில் உள்ளது.

சியோமி மி டிவி ஸ்டிக் விலை

சியோமி மி டிவி ஸ்டிக் ரூ .2,799 விலையில் அறிமுகப்படுத்தப்பட்டுள்ளது. இதன் விற்பனை ஆகஸ்ட் 7ம் தேதி, 12 மணி முதல் பிளிப்கார்ட், மி வலைத்தளம் மற்றும் மி ஹோம் கடைகளில் விற்பனைக்குக் கிடைக்கிறது. இது பிளாக் நிறத்தில் மட்டுமே வருகிறது. இதை வாங்கும் பயனர்களுக்கு ZEE5 பிரீமியம் சாந்தாவின் இலவச 15 நாள் பயன் மற்றும் ஆஹா என்டர்டெயின்மென்ட்டின் வருடாந்திர சந்தாவில் 50% தள்ளுபடி மற்றும் ஹங்காமா ப்ளேயின் சந்தாவின் இலவச மாத மதிப்பும் கிடைக்கிறது.