சியோமியின் புதிய மி ட்ரூ வயர்லெஸ் இயர்போன்ஸ் 2 இந்தியாவில் அறிமுகம்.!

இந்நிலையில் சியோமி நிறுவனம் புதிய மி ட்ரூ வயர்லெஸ் இயர்போன்ஸ் 2 மாடலை இந்தய சந்தையில் அறிமுகம் செய்துள்ளது, பின்பு இதனுடன் மி 10 5ஜி சாதனம் மற்றும் மி பாக்ஸ் 4கே உள்ளிட்ட சாதனங்களையும் சியோமி நிறுவனம்
அறிமுகம் செய்துள்ளது.

தற்சமயம் உலகளவில் அதிக வளர்ச்சி பெற்று வரும் ட்ரூ வயர்லெஸ் இயர்போன் சந்தையில் புதிய மி 2 மூலம் களமிறங்கியுள்ளது, பின்பு புதிய இயர்போன் இந்திய சந்தைக்கு ஏற்ற வகையில் உருவாக்கப்பட்டு இருப்பதாக சியோமி நிறுவனம் தெரிவித்துள்ளது.

குறிப்பாக சியோமியின் இந்த மி ட்ரூ வயர்லெஸ் 2 மாடலின் விலை ரூ.4999-என விலை நிர்ணயம் செய்யப்பட்டுள்ளது,பின்புவரும் மே 12-ம் தேதி முதல் மே 17-ம் தேதி வரை இந்த இயர்போன் ரூ.1000 தள்ளுபடி செய்யப்பட்ட விலையில் விற்பனை செய்யப்படும் எனத் தகவல் வெளிவந்துள்ளது, அதன்படி இது முதற்கட்டமாக ரூ.3999-விலையில் விற்பனை செய்யப்படுகிறது.

மேலும் இந்த ட்ரூ வயர்லெஸ் இயர்போன்ஸ் 2 மாடல் அமேசான், சியோமி வலைதளம் போன்றவற்றில் விற்பனை செய்யப்படும் எனத் தெரிவிக்கப்பட்டுள்ளது. மேலும் விலையைப் பொருத்த வரை புதிய இயர்போன்ஸ் ரியல்மி பட்ஸ் ஏர் மாடலுக்கு நேரடி போட்டியாக இருக்கிறது. தவிர நாய்ஸ், போட் போன்ற சில நிறுவனங்களுக்கு போட்டியாக அறிமுகம் செய்துள்ளது.

சியோமின் மி ட்ரூ வயர்லெஸ் இயர்போன்ஸ் 2 மாடலில் 14.2 எம்எம் டைனமிக் டிரைவர் மற்றும் டைட்டானியம் கம்போசிட்டைஃப்கிராம் உள்ளிட்ட சில வசதிகள் வழங்கப்பட்டுள்ளது,எனவே இது ஆடியோ தரம், கால் அழைப்புகளின் தரம். மற்றும் சிறப்பான பேட்டரி பேக்கப் வழங்கும் வகையில் உருவாக்கப்பட்டுள்ளது.

சியோமியின் ட்ரூ வயர்லெஸ் இயர்போன்ஸ் 2 மாடல் ஆனது ப்ளூடூத் 5, டூயல் நாய்ஸ் கேன்சலிங் உள்ளிட்ட வசதிகளைகொண்டுள்ளது. மேலும் இந்த சாதனத்தின் வடிவமைப்புக்கு அதிக கவனம் செலுத்தியுள்ளது இந்நிறுவனம்.

குறிப்பாக இந்த சாதனத்திற்கு யுஎஸ்பி டைப்-சி போர்ட் வழங்கப்பட்டுள்ளது, மேலும் பத்து நிமிடங்களில் சார்ஜ் செய்தால் ஒரு மணி நேரத்திற்கு இந்த அருமையான சாதனத்தை பயன்படுத்த முடியும் என்பது குறிப்பிடத்தக்கது.