வீட்டுக்குள் ஒரு மினி தியேட்டர்.. 120 இன்ச் ஸ்கிரீன்.. டால்பி டிஜிட்டல் ஆடியோ.. புதிய ப்ரொஜெக்டர் அறிமுகம்!

இந்தியாவில் Wzatco நிறுவனம் புதிய Wzatco யுவா இன்ஃபினிட்டி கூகுள் டிவி ப்ரொஜெக்டர் மாடலை அறிமுகம் செய்துள்ளது. அசத்தலான வடிவமைப்பு மற்றும் தரமான அம்சங்களுடன் இந்த ப்ரொஜெக்டர் மாடல் வெளிவந்துள்ளது. இப்போது இந்த Wzatco யுவா இன்ஃபினிட்டி கூகுள் டிவி ப்ரொஜெக்டர் மாடலின் விலை மற்றும் அம்சங்களைப் பார்க்கலாம்.

Wzatco யுவா இன்ஃபினிட்டி கூகுள் டிவி ப்ரொஜெக்டர் அம்சங்கள் (Wzatco Yuva Infinity Google TV Projector Specifications): 1080p HD நேட்டிவ் ரெசல்யூஷன் மற்றும் 4K ரெசல்யூஷன் கொண்டுள்ளது இந்த Wzatco யுவா இன்ஃபினிட்டி கூகுள் டிவி ப்ரொஜெக்டர் மாடல். மேலும் இதில் எச்டிஆர் 10 பிளஸ் ( HDR10+) வசதி உள்ளன. குறிப்பாக இது சிறந்த திரை அனுபவத்தை வழங்கும்.

அதேபோல் 1200 ஏஎன்எஸ்ஐ (1200 ANSI) லுமன்ஸ் பிரைட்னஸ் வசதி உள்ளது. அதுவும் கேமிங், ஓடிடி திரைப்படங்கள் மற்றும் கால்பந்து, கிரிக்கெட் மற்றும் பல விளையாட்டுகளைப் பார்க்க இந்த ப்ரொஜெக்டர் மிகவும் அருமையாகப் பயன்படும். குறிப்பாக இந்த சாதனத்தின் வடிவமைப்பு மிகவும் அருமையாக உள்ளது என்பது குறிப்பிடத்தக்கது.

180 டிகிரி ரோட்டேட்டிங் ஸ்டாண்டுடன் Wzatco யுவா இன்ஃபினிட்டி கூகுள் டிவி ப்ரொஜெக்டர் மாடல் வெளிவந்துள்ளது. பின்பு இந்த ப்ரொஜெக்டர் முழுமையாக சீல் செய்யப்பட்ட ஆப்டிகல் எஞ்சினைப் பயன்படுத்துகிறது, இது தூசி படிவதைத் தடுக்கவும், வழக்கமான பராமரிப்பின் தேவையைக் குறைக்கவும் வடிவமைக்கப்பட்டுள்ளது.

Wzatco யுவா இன்ஃபினிட்டி கூகுள் டிவி ப்ரொஜெக்டர் மூலம் 120 இன்ச் வரையில் புரோஜெக்சன் (Projection) செய்து கொள்ள முடியும். எனவே 100 இன்ச் மற்றும் 85 இன்ச் டிவிகளை வாங்க வேண்டிய அவசியமே இருக்காது. அதாவது இந்த ப்ரொஜெக்டர் மாடலே பெரிய திரை அனுபவத்தைக் கொடுக்கும் என்பது குறிப்பிடத்தக்கது. பின்பு இந்த ப்ரொஜெக்டர் உடன் வாய்ஸ் கண்ட்ரோல் மற்றும் ஓடிடி தளங்களின் ஷார்ட்கட் பட்டன்கள் கொண்ட ரிமோட் கண்ட்ரோல் ஒன்றும் கிடைக்கும் என்பதைக் கவனத்தில் கொள்க.

ஆட்டோ போகஸ் (Auto Focus), ஆட்டோ கீஸ்டோன் (Auto Keystone), ஆட்டோ அப்ஸ்டகிள் அவாய்டன்ஸ் (Auto Obstacle Avoidance), ஆட்டோ ஸ்கிரீன் ஃபிட் (Auto Screen Fit) உள்ளிட்ட பல வசதிகள் Wzatco யுவா இன்ஃபினிட்டி கூகுள் டிவி ப்ரொஜெக்டர் மாடலில் உள்ளன.

கூகுள் டிவி இயங்குதளத்தை அடிப்படையாகக் கொண்டு Wzatco யுவா இன்ஃபினிட்டி கூகுள் டிவி ப்ரொஜெக்டர் மாடல் வெளிவந்துள்ளது. குறிப்பாக இதில் நெட்பிளிக்ஸ், பிரைம் வீடியோ, ஹாட்ஸ்டார் உள்ளிட்ட அனைத்து ஓடிடி தளங்களையும் பயன்படுத்த முடியும். டால்பி டிஜிட்டல் MS12 ஆதரவு கொண்ட ஸ்பீக்கர்கள் இதில் உள்ளன. எனவே இது சிறந்த ஆடியோ அனுபவத்தைத் தரும்.

2ஜிபி ரேம் வசதி இதில் உள்ளது. மேலும் எச்டிஎம்ஐ (HDMI) போர்ட், யுஎஸ்பி (USB) போர்ட், ஒரு ஆடியோ அவுட் (Audio Out) போர்ட், புளூடூத், வைஃபை 6 உள்ளிட்ட பல்வேறு கனெக்டிவிட்டி ஆதரவுகளுடன் இந்த Wzatco யுவா இன்ஃபினிட்டி கூகுள் டிவி ப்ரொஜெக்டர் மாடல் வெளிவந்துள்ளது.

Wzatco யுவா இன்ஃபினிட்டி கூகுள் டிவி ப்ரொஜெக்டர் மாடலின் விலை ரூ.19,999-அக உள்ளது. தற்போது அமேசான் தளத்தில் இந்த புதிய ப்ரொஜெக்டர் மாடலை வாங்க முடியும்.