விரைவில் யூஎஸ்பி 3.2 : 20 ஜிபிபிஎஸ் வேகத்தில் டேட்டா டிரான்ஸ்பர் நிகழ்த்தும்.!

ஒரு விநாடிக்கு 10 கிகாபிட்களில் மட்டுமே

தற்போதைய யூஎஸ்பி தரநிலை - யூஎஸ்பி 3.1 - ஒரு விநாடிக்கு 10 கிகாபிட்களில் மட்டுமே தரவை பரிமாற்றம் செய்யும் வேகம் கொண்டிருக்கிறது. கடந்த 2013-ஆம் ஆண்டு இந்த தொழில்நுட்பம் உலகளாவிய ரீதியில் ஏற்றுக்கொள்ளப்பட்டபோது ஒரு நல்ல செய்தியாக இருந்த போதிலும், இது சிறிது மெதுவாக செயல்படுவதாக உணரப்பட்டது.

புதிய தற்கால யூஎஸ்பி-சி இணைப்பிகள் மற்றும் கேபிள்கள்

இதனை தொடர்ந்து வெளியாகும் அடுத்த யூஎஸ்பி அப்டேட் அதாவது புதிய யூஎஸ்பி 3.2 தரநிலை ஆனது புதிய தற்கால யூஎஸ்பி-சி இணைப்பிகள் மற்றும் கேபிள்கள் கொண்டு வெளியாகும். அவ்வண்ணம் புதிய உள் கம்பிகளின் காரணமாக, விநாடிக்கு 20 ஜிகாபைட்டுகளுக்கான தரவு பரிமாற்ற வேக வரம்பை இது வழங்கும். அதாவது யூஎஸ்பி 3.1-ஐ விட இரண்டு மடங்கு அதிக வேகம்.

கம்பிகளின் உள்ளே உள்ள தொழில்நுட்பம்

யூஎஸ்பி 3.2 கேபிளை பொறுத்தவரை, கேபிள் கம்பிகளின் உள்ளே உள்ள தொழில்நுட்பம் தான் டிஜிட்டல் மேம்பாட்டை பெறுகிறது. இது வரும் ஆண்டுகளில் வெளியாகும் புதிய சாதனங்களின் விவரக்குறிப்புகளில் இடம்பெறலாம்.

சரி, யூஎஸ்பி 3.2 நன்மைகளை நாம் எப்போது அனுபவிப்போம்.?

மிக விரைவில் இல்லை. யூஎஸ்பி ஐஎப் எனப்படும் யூஎஸ்பி தரவுத் தரங்களை நிர்ணயிக்கும் குழுவின் தலைவரின் கருத்துப்படி, முதல் யூஎஸ்பி 3.2 தயாரிப்புகளை சந்தைக்கு கொண்டுவர குறைந்தபட்சம் 12 முதல் 18 மாதங்கள் வரை எடுக்கும் என்று கூறியுள்ளார். அதுவரை தற்போதைய அனைத்து யூஎஸ்பி டைப்-சி கேபிள்களும் நன்றாக வேலை செய்யும் என்பதில் குழப்பம் வேண்டாம்.

சிறப்பான திறனை வெளிகொணரும்

யூஎஸ்பி 3.2-வின் பவர் சார்ஜ் செய்யும் திறன்கள் சார்ந்த எந்த செய்தியும் இதுவரை இல்லை. யூஎஸ்பி டைப் சி ஆனது வேக முன்னேற்றங்களைக் கொண்டு, ஸ்மார்ட்போன்கள் மற்றும் மடிக்கணினிகளில் விரைவான பரிமாற்ற வேகத்தை கடைபிடிக்கிறது. அதே கொள்கை எல்லா யூஎஸ்பி 3.2 கேபிளில் பின்பற்றப்பட அது மிகவும் சிறப்பான திறனை வெளிகொணரும் என்பதில் சந்தேகமேயில்லை.